ପାଟଣା,୧୫।୩(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ଡ୍ରାଇଭର ସଂଘ ତରଫରୁ ବୁଧବାର ବନ୍ଦ ଡାକରା ଦିଆଯାଇଛି। ଡ୍ରାଇଭର ମହାସଂଘ ଡାକରାରେ ଗାଡି ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି। ପାଟଣା ବ୍ଲକ ସମ୍ପାଦକ ଗୌରାଙ୍ଗ ବେହେରାଙ୍କ ନେତୃତ୍ୱରେ ଢେଙ୍କିକୋଟ ପାଟଣା ଦେଇଯାଇଥିବା ୨୨୦ ନମ୍ବର ରାଞ୍ଚି ବିଜୟୱାଡା ଜାତୀୟ ରାଜପଥ ଉପରେ ମଙ୍ଗଳପୁର ନିକଟରେ ଅବରୋଧ କରାଯାଇଥିଲା। ଏହିରାସ୍ତାର ସାହାରପଡା ବ୍ଲକ ଛକ ଓ ତୁରୁମୁଙ୍ଗା କେନ୍ଦୁଝରଦେଇ ଯାଇଥିବା ୪୯ ନମ୍ବର ୪ ଲେନ ବିଶିଷ୍ଟ ଜାତୀୟ ରାଜପଥର ବାଉଁଷୁଳି ନିକଟରେ ବାମ ପାର୍ଶରେ ଓ ଡାହାଣ ପାର୍ଶରେ ଝୁମ୍ପୁରା ବ୍ଲକ ଡ୍ରାଇଭର ସଂଘ ଯୁଗଳ କିଶୋର ବାରିକଙ୍କ ନେତୃତ୍ୱରେ ୯ ଦଫା ଦାବିରେ ଧାରଣାରେ ବସି ପ୍ରତିବାଦ ଜାରି ରଖିଛନ୍ତି। ପାଟଣା ଡ୍ରାଇଭର ସଂଘ ଭୁବନେଶ୍ୱର ଯାଉଥିବା ଯାତ୍ରୀ ବାହୀ ବସକୁ ଛାଡି ଦେଇଥିବାବେଳେ ବାଉଁଷୁଳିରେ କେନ୍ଦୁଝରରୁ ଟାଟା ଓ ରାଞ୍ଚି ଅଭିମୁଖେ ଯାଉଥିବା ଯାତ୍ରୀବାହୀ ବସ ଝୁମ୍ପୁରା ବ୍ଲକ ଡ୍ରାଇଭର ସଂଘ ତରଫରୁ ଅଟକ ରଖାଯାଇଛି । ଅନୁରୁପ ଭାବେ ତୁରୁମୁଙ୍ଗା ପାର୍ଶ୍ୱରୁ ଆସୁଥିବା ଏକ ସରକାରୀ ବସକୁ ଅଟକ ରଖିଥିଲେ। ଫଳରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି। ଯାତ୍ରୀ ମାନେ ମଝି ରାସ୍ତାରେ ଅଟକି ରହି ହଇରାଣ ହୋଇଛନ୍ତି। ଘଟଣାସ୍ଥଳରେ ତୁରୁମୁଙ୍ଗା ଥାନାଧିକାରୀ ମଦନମୋହନ ନାଏକଙ୍କ ନେତୃତ୍ୱରେ ଏକ ପ୍ଲାଟୁନ ପୋଲିସ ଫୋର୍ସ ମୁତୟନ ରହି ସ୍ଥିତି ଉପରେ ନଜର ରଖିଛନ୍ତି।
ପାଟଣାରେ ଡ୍ରାଇଭର ସଂଘର ଷ୍ଟିୟରିଂ ଛାଡ଼ ଆନ୍ଦୋଳନ ଫଳରେ ଯାତ୍ରୀବାହୀ ବସ ଓ ମାଲବାହୀ ଟ୍ରକ ପ୍ରଭାବିତ ହୋଥିବାବେଳେ ଆମ୍ବୁଲାନ୍ସ, ସ୍କୁଲ ବସ, କ୍ଷୀର ଗାଡି, ପ୍ରେସ ଗାଡି, ଘରୋଇ ଗାଡି ସହ ଅତ୍ୟାବଶ୍ୟକ ସାମଗ୍ରୀ ଯୋଗାଣ କରୁଥିବା ଗାଡି ଓ ସରକାରୀ କର୍ମଚାରୀଙ୍କ ଗାଡିକୁ ଛାଡି ଦିଆଯାଇଛି। ପାଟଣାର ଧାରଣା ଡ୍ରାଇଭର ସଂଘ ସଭାପତି ସଞ୍ଜୟ ଭୂମିଜଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା। ସଞ୍ଜୟ ସରକାର ସବୁ ଶ୍ରେଣୀର ନାଗରିକଙ୍କ ସମସ୍ୟା କଥା ବୁଝୁଥିବାବେଳେ ଡ୍ରାଇଭରଙ୍କ ସମସ୍ୟାକୁ ଅଣଦେଖା କରିବା ପରିତାପର ବିଷୟ ବୋଲି କହିଛନ୍ତି। ଏଥିରେ ବ୍ଲକ ଉପସଭାପତି ବିଶ୍ୱନାଥ ମହାନ୍ତ, ସମ୍ପାଦକ ଗୌରାଙ୍ଗ ବେହେରା, କୋଷାଧକ୍ଷ ନିରଞ୍ଜନ ମହାନ୍ତ, ଉପଦେଷ୍ଟା ପ୍ରଫୁଲ ମହାନ୍ତ, ଶିବ ନାଥ ମହାନ୍ତଙ୍କ ନେତୃତ୍ୱରେ ମହମଦ ହବିବୁଲ୍ଲା ଅନସାରି, ବିଜୟ କୁମାର ଭଞ୍ଜ, ସଚିତ୍ର ମହାନ୍ତ, ଶ୍ରୀକାନ୍ତ ଦାସ, ନିରାକାର ମହାନ୍ତ, କୁଶଧର ମହାନ୍ତ, ସୁବ୍ରତ ନାଏକଙ୍କ ଶହ ୫ ଶହରୁ ଊର୍ଦ୍ଧ୍ୱ ଡ୍ରାଇଭର ସ୍ଲୋଗାନ ଦେଇ ରାଜରାସ୍ତାରେ ବସିଛନ୍ତି। ଡ୍ରାଇଭରଙ୍କ ପ୍ରମୁଖ ଦାବି ଗୁଡିକ ମଧ୍ୟରେ ଡ୍ରାଇଭର ଇନ୍ସୁରାନସ, ସେମାନଙ୍କ ପିଲାମାନଙ୍କ ପାଠପଢା, ଭତ୍ତା ବ୍ୟବସ୍ଥା, ଡ୍ରାଇଭରମାନଙ୍କ ପାଇଁ ବିଶ୍ରାମାଗାର ଆଦି ସାମିଲ ଅଛି।
