ଗଞ୍ଜାମ,୭।୫(ବିଦ୍ୟାଧର ସାହୁ): ଗଞ୍ଜାମ ବ୍ଲକ ରମ୍ଭା ଥାନା ହୁମା ଫାଣ୍ଡି ଅନ୍ତର୍ଗତ ନୀଳାଦ୍ରିପୁର ଗ୍ରାମରୁ ୧୪ଟି ଛେଳି ଚୋରି ହୋଇଥିବା ଅଭିଯୋଗ ହୋଇଛି l ବୁଧବାର ବିଳମ୍ବିତ ରାତିରେ ଦୁର୍ବୃତ୍ତମାନେ ଛେଳି ମାଲିକ ନରହରି ସାହୁଙ୍କ ଘର ଗ୍ରିଲ ଚାବି ପକେଇ ଗୁହାଳରୁ ଛେଳି ଗୁଡିକ ଚୋରି କରି ନେଇଯାଇଛନ୍ତି l ସ୍ଥାନୀୟ ଅଞ୍ଚଳର କିଛି ବ୍ୟକ୍ତିଙ୍କ ଏଥିରେ ହାତ ଥିବା ସନ୍ଦେହ କରୁଛନ୍ତି ଛେଳି ମାଲିକ l ଏନେଇ ଛେଳି ମାଲିକ ହୁମା ଫାଣ୍ଡିରେ ଅଭିଯୋଗ କରିବେ ବୋଲି ଜଣାପଡିଛି l ପ୍ରକାଶ ଯୋଗ୍ୟ ବତ୍ତମାନ ଛତୁ ଫୁଟିଲା ଭଳି ଚାରିଆଡେ ବିବାହ ଭୋଜି ଚାଲିଥିବାବେଳେ ଦୁର୍ବୃତ୍ତମାନେ ଛେଳି ଚୋରି କରି ଭୋଜି କରୁଥିବା ଲୋକଙ୍କୁ ବିକ୍ରି କରୁଛନ୍ତି l ଚୋରି ଛେଳିକୁ ରାତାରାତି କାଟି ମଟନ ଭୋଜି ମଜା ଉଠାଉଛନ୍ତି ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି l
Dharitri – Odisha’s No.1 Odia Daily
