ଉଧମପୁର,୨୧।୫: ୧୨୦ ବର୍ଷୀୟା ମହିଳା କୋଭିଡ୍-୧୯ ଟିକା ନେଇ ଜମ୍ମୁ-କଶ୍ମୀରର ଉଧମପୁର ଜିଲାର ଗ୍ରାମାଞ୍ଚଳବାସୀଙ୍କ ପାଇଁ ପାଲଟିଛନ୍ତି ପ୍ରେରଣା। ଏଥି ଲାଗି ଉକ୍ତ ମହିଳାଙ୍କ ଘରକୁ ଯାଇ ସମ୍ବର୍ଦ୍ଧିତ କରିଛନ୍ତି ନର୍ଦନ ଆର୍ମି କମାଣ୍ଡର ଲ୍ୟୁଟନାଣ୍ଟ ଜେନେରାଲ ଓ୍ବାଇ କେ ଯୋଷୀ।
ଏଠାକାର ଲୋକେ ଟିକା ନେବାକୁ ରାଜି ହେଉ ନାହାନ୍ତି। ୧୨୦ ବର୍ଷୀୟା ଧୋଲି ଦେବୀ ଗତ ୧୭ ତାରିଖରେ ଟିକା ନେଇଥିଲେ। ତା’ ପରେ ପୂରା ଗାଁ ଲୋକଙ୍କ ଚିନ୍ତାଧାରାରେ ପରିବର୍ତ୍ତନ ଆସିଥିଲା। ଏବେ ସେମାନେ ଟିକାକରଣ ପାଇଁ ଆଗେଇ ଆସୁଥିବା ବରିଷ୍ଠ ସେନା ଅଧିକାରୀ କହିଛନ୍ତି।
” ସେ ଏହି ବୟସରେ ଟିକା ନେଇଛନ୍ତି। ତାଙ୍କ ନିକଟରେ ଜ୍ୱର କିମ୍ବା ଅନ୍ୟ କୌଣସି ପ୍ରକାର ସ୍ବାସ୍ଥ୍ୟଗତ ସମସ୍ୟା ଦେଖାଯାଉ ନାହିଁ। ସେ ସମସ୍ତଙ୍କୁ ଟିକା ନେବାକୁ ନିବେଦନ କରିଥିବା କହିଛନ୍ତି ମହିଳାଙ୍କ ନାତି ଚମନ ଲାଲ। ମହିଳାଙ୍କ ପଦକ୍ଷେପରେ ଖସି ହୋଇ ଲ୍ୟୁଟନାଣ୍ଟ ଜେନେରାଲ ଯୋଷୀ ପହଞ୍ଚିଥିଲେ ଡୁଡୁ ତହସିଲ ଅନ୍ତର୍ଗତ ଗାର କାଟିୟାସ ଗାଁରେ। ସେନା ଅଧିକାରୀ ଓ ଗାଁ ଲୋକଙ୍କ ଉପସ୍ଥିତିରେ କାର୍ଗିଲ ଯୁଦ୍ଧର ହିରୋ ବୃଦ୍ଧାଙ୍କୁ ସମ୍ମାନିତ କରିଥିଲେ।
