ବଡ଼ବିଲ,୩।୬(ସ୍ବ.ପ୍ର.): କେନ୍ଦୁଝର ଜିଲା ବଡ଼ବିଲ ପୌର କାର୍ଯ୍ୟାଳୟ ନିକଟ ରେଳ ଫାଟକ କଡ଼ରୁ ବଡ଼ବିଲ ପୋଲିସ ବୁଧବାର ସକାଳେ ଏକ ଚୋରା ସ୍କ୍ରାପ୍ ବୋଝେଇ ପିକ୍ଅପ ଜବତ କରିଛି। ଘଟଣାରେ ସମ୍ପୃକ୍ତ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ହେଲେ ବଡ଼ବିଲ ଆଜାଦ ବସ୍ତି ଅଞ୍ଚଳର ଏମ୍.ଡି. ସଲିମ।
ମିଳିଥିବା ସୂଚନା ଅନୁଯାୟୀ, ବୁଧବାର ସକାଳେ ପୋଲିସ ପାଟ୍ରୋଲିଂ କରୁଥିବାବେଳେ ସ୍କ୍ରାପ୍ ଚୋରା ଚାଲାଣ ହେଉଥିବା ନେଇ ଖବର ମିଳିଥିଲା। ରେଳ ଫାଟକ ନିକଟରେ ପୋଲିସ ପିକ୍ଅପ(ଓଆର୦୯ଇ୯୫୭୧)କୁ ଅଟକାଇ ସାମଗ୍ରୀର କାଗଜପତ୍ର ଯାଞ୍ଚ କରିବାରୁ ତାହା ଚୋରା ଚାଲାଣ ହେଉଥିବା ଜଣାପଡିଥିଲା। ପରେ ପୋଲିସ ପିକ୍ଅପ୍ ସହ ପ୍ରାୟ ୨୦ କୁଇଣ୍ଟାଲ ସ୍କ୍ରାପ୍କୁ ଜବତ କରିଛି। ଏମ୍.ଡି ସଲିମଙ୍କୁ ଗିରଫ ପରେ କୋର୍ଟଚାଲାଣ କରାଯାଇଥିବା ବଡ଼ବିଲ ଥାନା ଆଇଆଇସି ସୁଶାନ୍ତ ଦାଶ ସୂଚନା ଦେଇଛନ୍ତି।
