Posted inଖେଳ

୨୦୨୧ ଟୋକିଓ ଅଲିମ୍ପିକ୍ସ : ଧୈର୍ଯ୍ୟ ହରାଇ ନାହାନ୍ତି ସାନିଆ

ନୂଆଦିଲ୍ଲୀ, ୧୭।୪- ଦୀର୍ଘ ଦୁଇବର୍ଷ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ଟେନିସରୁ ଦୂରେଇ ରହିବାପରେ ସଫଳ ପ୍ରତ୍ୟାବର୍ତ୍ତନ କରିଥିଲେ ଭାରତର ସାନିଆ ମିର୍ଜା। ଲକ୍ଷ୍ୟଥିଲା ଟୋକିଓ ଅଲିମ୍ପିକ୍ସ। ମାତ୍ର କରୋନା ଭାଇରସ ସଂକ୍ରମଣ ପ୍ରଭାବରେ ଅଲିମ୍ପିକ୍ସ ୨୦୨୧କୁ ଘୁଞ୍ଚାଇ ଦିଆ ଯାଇଛି ଏବଂ ସମ୍ପୂର୍ଣ୍ଣ କ୍ରୀଡ଼ା କ୍ୟାଲେଣ୍ଡର ପ୍ରଭାବିତ ହୋଇଛି। ଏଥିରେ ନିରାଶ ହୋଇଥିଲେ ହେଁ ଧୈର୍ଯ୍ୟ ହରାଇ ନାହାନ୍ତି ଏହି ମହିଳା ଟେନିସ ତାରକା। କ୍ରୀଡ଼ା ଜଗତ ସ୍ବାଭାବିକ ସ୍ଥିତିକୁ ଫେରିବାପରେ ସେ ପୁଣି ସଫଳ ପ୍ରତ୍ୟାବର୍ତ୍ତନ କରି ୨୦୨୧ ଅଲିମ୍ପିକ୍ସ ଖେଳିବେ ବୋଲି ଆଶା ରଖିଛନ୍ତି ।
ବିଶ୍ୱର ପୂର୍ବତନ ମହିଳା ଡବଲ୍ସ ନମ୍ବରୱାନ ୩୩ ବର୍ଷୀୟା ସାନିଆ ନିଜର ସନ୍ତାନ ଜନ୍ମ ହେତୁକ ୨ ବର୍ଷ ବ୍ରେକ୍‌ ପରେ ଚଳିତ ବର୍ଷ ପ୍ରାରମ୍ଭରେ ଟେନିସ କୋର୍ଟକୁ ପ୍ରତ୍ୟାବର୍ତ୍ତନ କରିଥିଲେ। ୟୁକ୍ରେନର ନାଦିଆ କିଚେନୋକଙ୍କୁ ସାଥିକରି ସେ ହୋବାର୍ଟ ଇଣ୍ଟରନ୍ୟାଶନାଲ ଟାଇଟଲ ମଧ୍ୟ ଜିତିଥିଲେ। ତେବେ ଗୋଡ଼ ମାଂଶପେସୀ ଟାଣି ଧରିବାରୁ ସେ ଅଷ୍ଟ୍ରେଲିଆନ ଓପନ ଅଧାରୁ ଓହରିବାକୁ ବାଧ୍ୟ ହୋଇଥିଲେ । ”ମୁଁ ୨୦୨୦ ଅଲିମ୍ପିକ୍ସ ଲକ୍ଷ୍ୟରେ ପ୍ରତ୍ୟାବର୍ତ୍ତନ କରିଥିଲି । ଖେଳିବାକୁ ଶତପ୍ରତିଶତ ଫିଟ୍‌ ନ ଥିଲେ ମୁଁ କେବେହେଲେ ପ୍ରତ୍ୟାବର୍ତ୍ତନ କରି ନ ଥାନ୍ତି। ଟୋକିଓ ଗେମ୍ସ ବିଳମ୍ବ ମୋ ପାଇଁ ନୈରାଶ୍ୟ ଆଣିଛି। କାରଣ ଆସନ୍ତା ବର୍ଷ ବେଳକୁ ମୋର ବୟସ ଆଉ ଏକ ବର୍ଷ ଅଧିକ ହୋଇ ଯାଇଥିବ। ଟେନିସ କୋର୍ଟରେ ଅନେକ ସମୟରେ ବୟସର ପ୍ରଭାବ ପଡ଼ିଥାଏ“ ବୋଲି ସାନିଆ କହିଛନ୍ତି। ଉଚ୍ଚ ସ୍ତରରେ ଟେନିସ ଖେଳିବା ପାଇଁ ସେପରି ଅଭ୍ୟାସ କରିବାକୁ ପଡ଼ିଥାଏ। ଏଥିପାଇଁ ସମୟ ମଧ୍ୟ ଲାଗିଥାଏ। କେତେବେଳେ ବିଜୟ ମିଳିଥାଏ ତ କେତେକେଳେ ପରାଜୟ। ମୋ ରିଦିମ୍‌ ଏବେ ପୁଣି ବାଧାପ୍ରାପ୍ତ ହୋଇଛି। ଆଗାମୀ ଦିନରେ ପୁଣି ମୂଳରୁ ଆରମ୍ଭ କରିବାକୁ ହେବ । ମୋ ମତରେ ୨୦୨୧ ଅର୍ଥ ଅନେକ ବାଟ ଯିବାକୁ ଅଛି। ଅଲିମ୍ପିକ୍ସ ଗୋଟିଏ ବର୍ଷ ବାକିଥିବାରୁ ତା’ ପୂର୍ବରୁ ମୋତେ ଯୋଜନାବଦ୍ଧଭାବେ ଖେଳିବାକୁ ପଡ଼ିବ । ତେବେ ମୁଁ ପୁଣି ସଫଳ ପ୍ରତ୍ୟାବର୍ତ୍ତନ କରିବି ଏବଂ ୨୦୨୧ ଅଲିମ୍ପିକ୍ସ ଖେଳିବାନେଇ ଆଶା ରଖିଛି“ ବୋଲି ସାନିଆ ପ୍ରକାଶ କରିଛନ୍ତି।
ଟେନିସ କୋର୍ଟକୁ ଫେରିବାକୁ ବ୍ୟଗ୍ର ଥିଲେ ହେଁ କରୋନା ଭାଇରସ ସଂକ୍ରମଣ ସଙ୍କଟ ଟଳିବା ବେଳକୁ କ୍ରୀଡ଼ା ଜଗତ ସମ୍ଭବତଃ ଭିନ୍ନ ହୋଇ ଯାଇଥିବ ବୋଲି ସେ ପୂର୍ବାନୁମାନ କରିଛନ୍ତି। ସାମ୍ପ୍ରତିକ ସ୍ଥିତିରେ ଟେନିସ ଗୁରୁତର ପ୍ରଭାବିତ ହୋଇଛି। ଏବେ ଟିଭି ଖୋଲିଲେ କୌଣସି ଖେଳ ସିଧାପ୍ରସାରଣ ହେଉନାହିଁ। ମୋ ଜୀବନକାଳ ମଧ୍ୟରେ ପୂର୍ବରୁ ଏପରି କେବେ ହୋଇ ନ ଥିଲା। ଟିଭି ସୁଇଚ୍‌ ଅନ୍‌ କଲେ କିଛି ନା କିଛି ଖେଳର ସିଧା ପ୍ରସାରଣ ହେଉଥିଲା। ଖେଳ ଦୁନିଆ ସ୍ବାଭାବିକ ସ୍ଥିତିକୁ ଶିଘ୍ର ଫେରିିବା ସମ୍ଭାବନା ମଧ୍ୟ ନାହିଁ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆଇପିଏଲ୍‌ ୨୦୨୪ ପୂର୍ବରୁ ଚେନ୍ନାଇ ସୁପର୍‌ କିଙ୍ଗ୍ସର ୩ ଖେଳାଳି ଆହତ: ଜଣେ ଷ୍ଟ୍ରେଚରରେ ଗଲେ

ନୂଆଦିଲ୍ଲୀ,୧୯।୩: ଆଇପିଏଲ୨୦୨୪ରେ ଚେନ୍ନାଇ ସୁପର କିଙ୍ଗ୍ସର ପ୍ରଥମ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଖେଳିବ। ଏହି ମ୍ୟାଚ ୨୨ ମାର୍ଚ୍ଚରେ ଚେନ୍ନାଇରେ ଖେଳାଯିବ। ଏଥିପାଇଁ...

ସର୍ଫରାଜ, ଜୁରେଲଙ୍କୁ ସେଣ୍ଟ୍ରାଲ କଣ୍ଟ୍ରାକ୍ଟ

ନୂଆଦିଲ୍ଲୀ,୧୯ା୩: ବିସିସିଆଇର ଆପେକ୍ସ କାଉନସିଲ୍‌ ବୈଠକ ସୋମବାର ଅନୁଷ୍ଠିତ ହୋଇଯାଇଛି। ଏହି ବୈଠକରେ ଧ୍ରୁବ ଜୁରେଲ ଓ ସର୍ଫରାଜ ଖାନଙ୍କୁ କେନ୍ଦ୍ରୀୟ ଚୁକ୍ତିରେ ସାମିଲ କରାଯାଇଛି।...

ଅଭିଷେକ, ବିଶ୍ୱଭୂଷଣ, ଦିବ୍ୟଶକ୍ତିଙ୍କ ଶତକ

ଭୁବନେଶ୍ୱର,୧୯ା୩(ସରୋଜ ଜେନା): ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ପକ୍ଷରୁ ଆରମ୍ଭ ହୋଇଥିବା ସିନିୟର ଆନ୍ତଃଜିଲା କଳାହାଣ୍ଡି କପ୍‌ କ୍ରିକେଟର ଦ୍ୱିତୀୟ ଦିନରେ ଭୁବନେଶ୍ୱର ଏ, ଇକୋର୍ସା,...

ବାଂଲାଦେଶ ସିରିଜ ବିଜୟୀ

ଚିଟ୍ଟାଗଙ୍ଗ, ୧୯ା୩ (ଏପି): ଶ୍ରୀଲଙ୍କା ବିପକ୍ଷ ତୃତୀୟ ଅନ୍ତର୍ଜାତୀୟ ଦିନିକିଆ କ୍ରିକେଟ ମ୍ୟାଚ୍‌ରେ ବାଂଲାଦେଶ ୪ ଉଇକେଟରେ ବିଜୟ ହାସଲ କରିଛି। ଦଳ ଏଥିସହିତ ୩...

ଟାଇଟଲ ବଜାୟ ରଖିଲେ ଅଲ୍‌କାରାଜ

ଇଣ୍ଡିଆନ ଓ୍ବେଲ୍ସ, ୧୯ା୩ (ଏପି): କାର୍ଲୋସ ଅଲ୍‌କାରାଜ ବିଏନ୍‌ପି ପାରିବାସ ଓପନ୍‌ ଟେନିସ ଟାଇଟଲ ବଜାୟ ରଖିଛନ୍ତି। ଫାଇନାଲରେ ସେ ଡାନିଲ ମେଡଭେଡେଭଙ୍କୁ ୭-୬ (୫),...

ଆର୍‌ସିବି ଟ୍ରେନିଂ କ୍ୟାମ୍ପ୍‌ରେ କୋହଲି

ବେଙ୍ଗାଲୁରୁ,୧୮ା୩(ପି.ଟି.): ରବିବାର ଭାରତ ପ୍ରତ୍ୟାବର୍ତ୍ତନ କରିଥିବା ସୁପରଷ୍ଟାର ବିରାଟ କୋହଲି ସୋମବାର ଆଇପିଏଲ ଫ୍ରାଞ୍ଚାଇଜ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି)ର ଟ୍ରେନିଂ କ୍ୟାମ୍ପ୍‌ରେ ଯୋଗଦେଇଛନ୍ତି। ସୋମବାର କୋହଲି...

ଖୁସିରେ ଝୁମିଲେ ପଳାତକ ବ୍ୟବସାୟୀ ବିଜୟ ମାଲ୍ୟା

ନୂଆଦିଲ୍ଲୀ,୧୮।୩: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମହିଳା ପ୍ରିମିୟର ଲିଗ (ଡବ୍ଲ୍ୟୁପିଏଲ) ୨୦୨୪ ଟାଇଟଲ ଜିତି ଫ୍ରାଞ୍ଚାଇଜ ଟ୍ରଫି ମରୁଡ଼ିକୁ ସମାପ୍ତ କରିଛି। ପୁରୁଷ ଦଳ ଏପର୍ଯ୍ୟନ୍ତ...

ମୁମ୍ବାଇର ଅଧିନାୟକ ଉପରେ ମୁହଁ ଖୋଲିଲେ ପାଣ୍ଡ୍ୟା, କହିଲେ ରୋହିତ ହେଉଛନ୍ତି…

ନୂଆଦିଲ୍ଲୀ,୧୮।୩: ଆଇପିଏଲ ୨୦୨୪ ପୂର୍ବରୁ ହାର୍ଦ୍ଦିକ ପାଣ୍ଡ୍ୟାଙ୍କୁ ମୁମ୍ବାଇ ଇଣ୍ଡିଆନ୍ସର ଅଧିନାୟକ କରାଯାଇଥିଲା। ହାର୍ଦ୍ଦିକ ମୁମ୍ବାଇର ନିୟମିତ ଅଧିନାୟକ ରୋହିତ ଶର୍ମାଙ୍କ ସ୍ଥାନ ନେଇଥିଲେ। ବର୍ତ୍ତମାନ...

Advertisement
Business Eminence Awards 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri