୨୦୧୯ରେ ବିଏମ୍‌ସି ନିର୍ବାଚନ ନେଇ ଅନିଶ୍ଚିତତା

ଭୁବନେଶ୍ୱର,୯।୮(ବ୍ୟୁରୋ) : ଆସନ୍ତା ଡିସେମ୍ବର ମଧ୍ୟରେ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ନିର୍ବାଚନ ହେବା ନେଇ ଏବେ ଅନିଶ୍ଚିତତା ଦେଖାଦେଇଛି। ବିଏମ୍‌ସି କାଉନ୍‌ସିଲ ଭାଙ୍ଗିବାର ୮ମାସ ବିତିଥିଲେ ମଧ୍ୟ ଏଯାଏ ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇନାହିଁ। ଗତ ଜାନୁୟାରୀ ୧୪ ଥିଲା ପୂର୍ବ କାଉନ୍‌ସିଲ୍‌ର ଶେଷ ଦିନ। ଏପ୍ରିଲରେ ସାଧାରଣ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇବାରୁ ବିଏମ୍‌ସି ନିର୍ବାଚନ ହୋଇପାରି ନ ଥିଲା। ଇତିମଧ୍ୟରେ ନୂଆ ସରକାର ଗଠନ ହୋଇ ସାରିଥିବାବେଳେ ସେପ୍ଟେମ୍ବରରେ ହେବ ଛାତ୍ର ସଂସଦ ନିର୍ବାଚନ। ଏଥିସହ ସ୍ବଚ୍ଛ ସର୍ବେକ୍ଷଣ, ବାତ୍ୟା ପୁନରୁଦ୍ଧାର କାର୍ଯ୍ୟରେ ବିଏମ୍‌ସି ବ୍ୟସ୍ତ ରହିଥିବାବେଳେ ଆଗକୁ ଦୁର୍ଗାପୂଜା, ଦୀପାବଳି ଆଦି ପ୍ରମୁଖ ପର୍ବପର୍ବାଣି ରହୁଛି। ନିର୍ବାଚନ ପୂର୍ବରୁ ଓ୍ବାର୍ଡ ସମ୍ପ୍ରସାରଣ ସଂକ୍ରାନ୍ତରେ ମଧ୍ୟ ଚିନ୍ତା କରାଯାଉଛି। ଅନ୍ୟପକ୍ଷରେ ପୌରନିର୍ବାଚନର ୨ ମାସ ପୂର୍ବରୁ ବିଜ୍ଞପ୍ତି ପ୍ରକାଶ ପାଇବାକୁ ଥିବାବେଳେ ଏନେଇ କୌଣସି ତତ୍ପରତା ମଧ୍ୟ ପ୍ରକାଶ ପାଉନାହିଁ। ଏପରିସ୍ଥଳେ ଡିସେମ୍ବର ପୂର୍ବରୁ ନିର୍ବାଚନ ହେବାର ସମ୍ଭାବନା କ୍ଷୀଣ। ଏପରିକି ୨୦୨୦ ଜାନୁୟାରୀ କିମ୍ବା ଫେବୃୟାରୀ ଭିତରେ ନିର୍ବାଚନ ହେବା ନେଇ ମଧ୍ୟ କିଛି ବି ସୂଚନା ମିଳିପାରୁନି।

ମହିଳା ମେୟର ପ୍ରାର୍ଥତ୍ତ୍ୱକୁ ନେଇ ଚର୍ଚ୍ଚା
ଆଗାମୀ ବିଏମ୍‌ସି ନିର୍ବାଚନରେ ମେୟର ପଦ ମହିଳାଙ୍କ ପାଇଁ ସଂରକ୍ଷଣ କରାଯାଇପାରେ ଚର୍ଚ୍ଚା ହେଉଛି। ତେଣୁ ପ୍ରମୁଖ ତିନି ରାଜନୈତିକ ଦଳ ଏହି ପଦ ପାଇଁ ଏବେଠୁ ଯୋଗ୍ୟ ତଥା ବିଜୟ ସମ୍ଭାବନା ଥିବା ମହିଳା ପ୍ରାର୍ଥୀ ଦେବାକୁ ଏବେଠୁ ଭିତିରି ଆଲୋଚନା ଓ ତର୍ଜମା ଆରମ୍ଭ କରିଥିବା ବିଶେଷସୂତ୍ରରୁ ଜଣାପଡ଼ିଛି। ପୂର୍ବରୁ ଥିବା ବହୁ ମହିଳା କର୍ପୋରେଟରଙ୍କ ଉପରେ ରାଜନୈତିକ ଦଳଗୁଡିକ ନଜର ପକାଇଥିବାବେଳେ ଏପରି ସୁଯୋଗ ପାଇବାକୁ ଅନେକେ ଯୋଗସୂତ୍ର ଚଳାଇଥିବା ଜଣାପଡିଛି। ଏପରି କି ଦଳବଦଳ ମଧ୍ୟ କରିପାରନ୍ତି ବୋଲି ଶୁଣିବାକୁ ମିଳୁଛି।

ବିନା କାଉନ୍‌ସିଲ୍‌ରେ ୮ମାସ

ଚଳିତବର୍ଷ ଜାନୁୟାରୀ ମାସରେ ବିଏମ୍‌ସିର ଶେଷ କାଉନସିଲ ବୈଠକ ବସିଥିଲା। ବିଭିନ୍ନ ପ୍ରକଳ୍ପ ଅଧାପଡ଼ିଥିବା ସହ ଲୋକଙ୍କ ସମସ୍ୟା ସଂକ୍ରାନ୍ତରେ କର୍ପୋରେଟରମାନେ ଅଭିଯୋଗ ଉପସ୍ଥାପନ କରିଥିଲେ। ହେଲେ ତା’ପରେ କର୍ପୋରେଟରଙ୍କ କାର୍ଯ୍ୟକାଳ ସରିଗଲା। ଫଳରେ ବିଏମ୍‌ସିରେ ଆଉ ଲୋକଙ୍କ ସମସ୍ୟା ଉପସ୍ଥାପନ ହୋଇପାରିଲା ନାହିଁ। ବିନା କାଉନସିଲରେ ଏବେ ୮ମାସ ହେବ ବିଏମ୍‌ସି ପୌର ପ୍ରଶାସନ ସହର ପରିଚାଳନା କରୁଥିବା ବେଳେ ଲୋକେ ନାନା ସମସ୍ୟା ଭୋଗୁଛନ୍ତି। ଏବେ ଲୋକେ ପୂର୍ବତନ କର୍ପୋରେଟରଙ୍କ ପାଖକୁ ଗଲେ କ୍ଷମତାରେ ନ ଥିବା କହି ସେମାନେ ବିଏମ୍‌ସି କାର୍ଯ୍ୟାଳୟକୁ ପଠାଉଛନ୍ତି। ହେଲେ ବିଏମ୍‌ସି କାର୍ଯ୍ୟାଳୟକୁ ବାରମ୍ବାର ଦୌଡୁଥିଲେ ମଧ୍ୟ ସହଯୋଗ ମିଳୁ ନ ଥିବା ଲୋକେ କହୁଛନ୍ତି। ଅନ୍ୟପକ୍ଷରେ କର୍ପୋରେଟରଙ୍କ କାର୍ଯ୍ୟକାଳ ସରିବା ପରେ ଓ୍ବାର୍ଡରେ ଥିବା ବିଭିନ୍ନ କାର୍ଯ୍ୟ ଓ ପ୍ରକଳ୍ପ ଅଧପନ୍ତରିଆ ହୋଇ ପଡ଼ିରହିଛି। ବହୁ ପ୍ରକଳ୍ପ ମନ୍ଥର ଗତିରେ ଚାଲିଛି। କେତେକ ପ୍ରକଳ୍ପର ଟେଣ୍ଡର ହୋଇଥିଲେ ମଧ୍ୟ କାର୍ଯ୍ୟ ଆରମ୍ଭ ହୋଇପାରୁନାହିଁ। ଘରକୁ ଜଳ ଯୋଗାଣ, ଷ୍ଟ୍ରିଟ୍‌ ଲାଇଟ, ଡ୍ରେନେଜ୍‌ ସଫେଇ ସମସ୍ୟା ଦୂର ହୋଇପାରୁନି। ସ୍ବେରେଜ୍‌ ପାଣି ରାସ୍ତାରେ ଭାସୁଛି, ଘରେ ପଶୁଥିଲେ ମଧ୍ୟ ଶୁଣିବାକୁ କେହି ନାହାନ୍ତି। ବିଏମ୍‌ସି ନିର୍ବାଚନ ନ ହେବା ଯାଏ ଓ ନୂଆ କାଉନ୍‌ସିଲ ବୈଠକ ନ ବସିବା ଯାଏ ଏ ପରିସ୍ଥିତି ଲାଗି ରହିବ ବୋଲି କେତେଜଣ ପୂର୍ବତନ କର୍ପୋରେଟର କହିଛନ୍ତି।

ମେୟର ପଦ ପାଇଁ ସିଧାସଳଖ ନିର୍ବାଚନ
ପୂର୍ବରୁ ଜିତିଥିବା କର୍ପୋରେଟରଙ୍କ ମଧ୍ୟରୁ ଜଣଙ୍କୁ ବିଏମ୍‌ସି ମେୟର ଭାବେ ନିର୍ବାଚନ ମାଧ୍ୟମରେ ବାଛୁଥିଲେ। କିନ୍ତୁ ଏଣିକି ମେୟରଙ୍କୁ ସହରବାସୀ ସିଧାସଳଖ ବାଛିବେ। ଏନେଇ ରାଜ୍ୟ କ୍ୟାବିନେଟରେ ନିଷ୍ପତ୍ତି ହୋଇଛି। ପୂର୍ବରୁ ମଧ୍ୟ ଏହି ନିର୍ବାଚନ ଧାରା ପ୍ରଚଳିତ ଥିଲା। ୧୯୯୨ରେ ଶେଷଥର କିରଣବାଳା ମଙ୍ଗରାଜ ଲୋକଙ୍କ ଦ୍ୱାରା ସିଧାସଳଖ ମେୟର ଭାବେ ନିର୍ବାଚିତ ହୋଇଥିଲେ। ଏହାପରଠାରୁ ପୌର ନିର୍ବାଚନ ନିୟମରେ ପରିବର୍ତ୍ତନ କରାଯାଇଥିଲା। ଏବେ ପୁଣି ପୁରୁଣା ନିୟମ ଅନୁସାରେ ସିଧାସଳଖ ମେୟର ନିର୍ବାଚନ ହେବାକୁ ଯାଉଥିବାରୁ ଆଗାମୀ ପୌର ନିର୍ବାଚନ ଭିନ୍ନ ଉଷ୍ମତା ଆଣିବ ବୋଲି କୁହାଯାଉଛି।

ସ୍ଥିତପ୍ରଜ୍ଞ ମିଶ୍ର


Enter your email to get our daily news in your inbox.

All Right Reserved By Dharitri.Com

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ଆଇସିସି ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

ପୋଲିସ ଏନ୍‌କାଉଣ୍ଟର

ପଶ୍ଚିମବଙ୍ଗର ବୀରଭୂମ ଜିଲାରେ ୧୫ ନଭେମ୍ବରରେ ପୋଲିସ ଗୁଳିରେ ରତନ ଶେଖ୍‌ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଏହି ହତ୍ୟାକୁ ଏନ୍‌କାଉଣ୍ଟର ଆଖ୍ୟା ଦିଆଯାଇଛି। ପୋଲିସ…

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?