ଭୋଗରାଇ, ୨୩।୩(ଡି.ଏନ.ଏ.)-ବାଲେଶ୍ୱର ଜିଲା ଭୋଗରାଇ ସମୁଦ୍ର କୂଳ ତାଳସାରୀ ନିକଟସ୍ଥ ସୁବର୍ଣ୍ଣପୁର ଦ୍ୱୀପରେ ଗୋଟିଏ ଅଲିଭ୍ ରିଡ୍ଲେ କଇଁଛ ସୋମବାର ପ୍ରତ୍ୟୁଷରୁ ୭୫ଟି ଅଣ୍ଡା ଦେଇ ପରେ ସମୁଦ୍ରମୁହଁା ହୋଇଛି। ଆସନ୍ତା ମଙ୍ଗଳବାର ଅମାବାସ୍ୟା ତିଥିରେ ଭରାଜୁଆର ସହିତ ପାଗ ଅନୁକୂଳ ଥିବାରୁ ଅଧିକ କେତେକ ଅଲିଭ୍ ରିଡ୍ଲେ ସୁବର୍ଣ୍ଣପୁର ଦ୍ୱୀପକୁ ଅଣ୍ଡା ଦେବାକୁ ଆସିବାର ସମ୍ଭାବନା ରହିଛି ବୋଲି ବନପାଳ ଅଜୟ କୁମାର ଜେନା ସୂଚନା ଦେଇଛନ୍ତି। ଗତବର୍ଷ ଏହି ସମୟରେ ୩ଟି ଅଲିଭ୍ ରିଡ୍ଲେ ଆସି ୩ଶହ ଅଣ୍ଡା ଦେଇଥିଲେ। ଚଳିତବର୍ଷ ପ୍ରଥମଥର ଗୋଟିଏ କଇଁଛ ଅଣ୍ଡାଦାନ କରିଛି। ଅଣ୍ଡାଗୁଡ଼ିକୁ ତାରଜାଲି କରି ସୁରକ୍ଷିତ ରଖାଯାଇଛି। ପୂର୍ବରୁ ବହୁ ଅଲିଭ୍ ରିଡ୍ଲେ ତାଳସାରୀ ସୁବର୍ଣ୍ଣପୁର ଦ୍ୱୀପକୁ ଆସୁଥିଲେ। ଏବେ ସେମାନେ ସୁବର୍ଣ୍ଣପୁର ଦ୍ୱୀପକୁ ଆସୁଛନ୍ତି। ତେବେ ଝାଉଁ ଜଙ୍ଗଲ ଧ୍ୱଂସ ଏବଂ ମାଛଧରା ଟ୍ରଲର ଚଳାଚଳ କଇଁଛଙ୍କ ଆଗମନରେ ବାଧକ ହେବ ବୋଲି ଅଞ୍ଚଳବାସୀ କହିଛନ୍ତି।
