ଭୁବନେଶ୍ୱର, ୫।୪ (ବ୍ୟୁରୋ): ସୂର୍ଯ୍ୟନଗରରୁ ୮ ଜଣ ଓ ବମିଖାଲରୁ ୩ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ବିଏମ୍ସି ପକ୍ଷରୁ ଉଭୟ ଅଞ୍ଚଳକୁ ସିଲ୍ କରାଯିବା ସହ
ବ୍ୟାପକ ସଫେଇ କରାଯାଉଛି। ଗଳିକନ୍ଦିରେ ବିଶୋଧକ ସ୍ପ୍ରେ କରାଯାଇଥିବା ବିଏମ୍ସି କମିଶନର ପ୍ରେମଚନ୍ଦ୍ର ଚୌଧାରୀ କହିଛନ୍ତି।
ମିଳିଥିବା ସୂଚନା ଅନୁଯାୟୀ, ରବିବାର ସକାଳୁ ବିଏମ୍ସି ପକ୍ଷରୁ ଅଗ୍ନିଶମ ବିଭାଗ ସହାୟତାରେ ବିଶୋଧକ ସ୍ପ୍ରେ କରାଯାଉଛି। ତିନିଟି ବଡ଼ ଫାୟାର ଟେଣ୍ଡର ଓ ଗୋଟିଏ ଛୋଟ ଫାୟାର ଟେଣ୍ଡର ସହାୟତାରେ ଉଭୟ ଅଂଚଳରେ ସୋଡିୟମ ହାଇପୋକ୍ଲୋରାଇଟ୍ ସ୍ପ୍ରେ କରାଯାଉଛି। ଶଟ୍ଡାଉନ୍ ପାଇଁ କେତେକ ଅଞ୍ଚଳରେ ସଫେଇ କର୍ମଚାରୀ ଆସିପାରି ନ ଥିବାରୁ ସେହିସବୁ ସ୍ଥାନରେ ଯାନ୍ତ୍ରିକ ସଫେଇ ହୋଇଥିଲା। ସେହିପରି ଫଗିଂ କରାଯିବା ସହ କେମିକାଲ ଯୁକ୍ତ ଧୂଆଁ ମଧ୍ୟ ଛଡ଼ାଯାଇଥିବା ଜଣା ପଡ଼ିଛି।
