ରାଇରଙ୍ଗପୁର,୧୭।୬(ଡି.ଏନ୍.ଏ.)-ମୟୂରଭଞ୍ଜ ଜିଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧୀନ ଏକ ସଙ୍ଗରୋଧ କେନ୍ଦ୍ରରେ ରହୁଥିତ୍ବା ଜଣେ ଯୁବତୀଙ୍କ ଅଶ୍ଳୀଳ ଫଟୋ ଉଠାଇ ବ୍ଲାକମେଲିଂ କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ ଗିରଫ କରି କୋର୍ଟଚାଲାଣ କରିଛି। ଏନେଇ(ନଂ.୭୨/୨୦୨୦)ରେ ମାମଲା ରୁଜୁ ହୋଇଛି।
ପୋଲିସ ସୂଚନା ଅନୁଯାୟୀ, ସଙ୍ଗରୋଧ କେନ୍ଦ୍ରରେ ଜଣେ ଯୁବତୀ କ୍ୱାରାଣ୍ଟାଇନ୍ରେ ରହୁଥିଲେ। ଗତ ୧ ତାରିଖ ରାତିରେ ଯୁବତୀ ଜଣକ ଶୋଇଥିବା ବେଳେ ଏହାର ସୁଯୋଗ ନେଇ ସେଠାରେ ରହୁଥିବା ରାଜସ୍ଥାନ ଫେରନ୍ତା ଯୁବକ ସଞ୍ଜୀବ କୁମାର ପାତ୍ର ଝରକା ପଟେ ମୋବାଇଲରେ ତାଙ୍କ ଫଟୋ ଉଠାଇଥିଲେ। ୩ ତାରିଖରେ ସଞ୍ଜୀବ ସମ୍ପୃକ୍ତ ଯୁବତୀଙ୍କୁ ଉକ୍ତ ଫଟୋ ଦେଖାଇ ତାଙ୍କ ସହ ଶାରୀରିକ ସମ୍ପର୍କ ରଖିବା ପାଇଁ କହିଥିଲେ। ଯଦି ତାଙ୍କ କଥାରେ ରାଜି ନ ହୁଅନ୍ତି ତେବେ ଫଟୋ ସୋସିଆଲ ମିଡିଆରେ ଭାଇରାଲ୍ କରିଦେବାକୁ ସେ ଧମକ ଦେଇଥିଲେ। ଯୁବତୀ ଜଣକ ପ୍ରଥମେ ଏହି ଘଟଣାରେ ନୀରବ ରହିଥିଲେ। ପରେ ଏନେଇ ନୋଡାଲ ଅଫିସର, ବିଡିଓ, ତହସିଲଦାର ଓ କେନ୍ଦ୍ର ଦାୟିତ୍ୱରେ ଥିବା ସରପଞ୍ଚଙ୍କୁ ଜଣାଇଥିଲେ। ପ୍ରଶାସନ ଘଟଣାର ଅନୁସନ୍ଧାନ କରିବା ସହ ଯୁବତୀ ଜଣକ ୧୫ତାରିଖରେ ଥାନାରେ ଅଭିଯୋଗ କରିଥିଲେ। ପୋଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି।
