ମୁମ୍ବାଇ,୨୪।୫: ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ରବିବାର କହିଛନ୍ତି ରାଜ୍ୟରେ ପୂର୍ବରୁ କରୋନା ସଂକ୍ରମଣ ଉଦ୍ବେଗଜନକ ସ୍ଥିତିରେ ରହିଛି। ଆଗାମୀ ଦିନରେ ରାଜ୍ୟରେ କରୋନାର ପ୍ରକୋପ ଆହୁରି ବୃଦ୍ଧି ପାଇବ। ହେଲ ଏହାକୁ ନେଇ ଭୟଭିତ ହେବାର ନାହିଁ। ସମସ୍ତେ ମିଶି ଏହି ଯୁଦ୍ଧରେ ଲଢିବାକୁ ପ୍ରସ୍ତୁତ ରହିବା ଦରକାର। ସରକାର ମଧ୍ୟ ସବୁ ପରିସ୍ଥିତିର ସାମ୍ନା କରିବାକୁ ପ୍ରସ୍ତୁତ ଅଛନ୍ତି ବୋଲି ସେ କହିଛନ୍ତି। ଏବେବି କିଛି ଲୋକ ଲକ୍ଡାଉନ ନିୟମ ପାଳନ କରୁ ନ ଥିବା ଦେଖାଯାଉଛି। ଯଦିଓ ପୂର୍ବରୁ ସତର୍କ କରି ଦିଆଯାଇଥିଲା କି ମେ’ ମାସ ଶେଷ ବେଳକୁ ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା ଦେଢ ଲକ୍ଷରେ ପହଞ୍ଚିବ ସେହି ତୁଳନାରେ ସଂକ୍ରମିତଙ୍କ ସଂଖ୍ୟା ବହୁତ କମ୍ ରହିଛି ବୋଲି ଠାକରେ କହିଛନ୍ତି। ତେଣୁ ଆମେ ସମସ୍ତେ ମିଶି ଲଢିଲେ କରୋନାକୁ ହରାଇ ପାରିବା ବୋଲି ସେ କହିଛନ୍ତି। ସୂଚନାଯୋଗ୍ୟ, ଏବେ ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା ୪୭ ହଜାର ଅତିକ୍ରମ କରି ସାରିଲାଣି। ସୋମବାର ଇଦ୍ ଥିବାରୁ ଘରେ ରହି ଏହି ପର୍ବ ପାଳନ କରିବାକୁ ସେ ଜନସାଧାରଣଙ୍କୁ ଅନୁରୋଧ କହିଛନ୍ତି।
