ମାଲକାନଗିରି,୮ା୬ (ଡି.ଏନ୍.ଏ.)-ମାଲକାନଗିରି ଜିଲା ସଦର ମହକୁମା ମୁଖ୍ୟ ଚିକିତ୍ସାଳୟର ଲିଫ୍ଟ୍ ଦୀର୍ଘ ଏକମାସ ହେବ ଅଚଳ ହୋଇ ପଡିଛି। ଫଳରେ ରୋଗୀ ହନ୍ତସନ୍ତ ହେଉଛନ୍ତି। ୭ମହଲା ବିଶିଷ୍ଟ ଏହି ଚିକିତ୍ସାଳୟରେ ୪ଟି ଲିଫ୍ଟି ଥିବା ବେଳେ ସେଥିରୁ ପୂର୍ବରୁ ୩ଟି ଲିଫ୍ଟ ଅଚଳ ହୋଇ ପଡିଛି। ଏବେ କାର୍ଯ୍ୟ କରୁଥିବା ଲିଫ୍ଟଟି ମଧ୍ୟ ଅଚଳ ହୋଇ ପଡିଛି ା ଚିକିତ୍ସାଳୟର ତୃତୀୟ, ଚତୁର୍ଥ ଓ ପଞ୍ଚମ ମହଲାରେ ଶିଶୁ ବିଭାଗ, ମହିଳା ବିଭାଗ, ଅସ୍ତିଶଲ୍ୟ, ଭେଷଜ ବିଭାଗ ଭଳି ଗୁରୁତ୍ୱପୂର୍ଣ୍ଣ ବିଭାଗ ରହିଛି। ବୃଦ୍ଧାବୃଦ୍ଧ କିମ୍ବା ଜରୁରୀ ଗୁରୁତର ରୋଗୀଙ୍କୁ ଉପର ମହଲାକୁ ନେବା ଆଣିବା ବେଳେ ସମସ୍ୟା ହେଉଛି। ଏ ସମ୍ପର୍କରେ ଜିଲା ମୁଖ୍ୟ ଚିକିତ୍ସାଧିକାରୀ ଅନିଲ ପାଢୀଙ୍କୁ ପଚାରିବାରୁ ସେ କହିଛନ୍ତି ଯେ, ବିଶାଖାପାଟଣାର ଏକ ଘରୋଇ କମ୍ପାନୀ ଉପରେ ଲିଫ୍ଟଗୁଡିକର ରକ୍ଷଣାବେକ୍ଷଣ ଦାୟିତ୍ୱ ରହିଛି। ଲକଡାଉନ ଯୋଗୁ ମରାମତି କରିବାକୁ କମ୍ପାନୀ ଲୋକ ଆସିପାରୁ ନାହାନ୍ତି। ଆଗାମୀ ଦୁଇଦିନ ମଧ୍ୟରେ ଏହାର ମରାମତି ହେବ ବୋଲି ସେ କହିଛନ୍ତି।
