ସମସ୍ତିପୁର : ବିହାରର ସମସ୍ତିପୁର ଜିଲାର ଏକ ଗାଁ ଭୋଦଘାଟ। ଏହି ଗାଁରେ ଯିଏ ମଦ ବିକ୍ରି କରିବ କିମ୍ବା ପିଇବ ସେ ୫୧ ହଜାର ଟଙ୍କା ଜରିମାନା ଦେବ ବୋଲି ସର୍ବସମ୍ମତିିକ୍ରମେ ନିଷ୍ପତ୍ତି ନିଆଯାଇଛି। ବିହାରରେ ମଦ ପୂରା ବନ୍ଦ କରାଯାଇଥିଲେ ବି ଲୁଚାଛପାରେ ତାହା ଚାଲିବା ଘଟଣା ବହୁସମୟରେ ନଜରକୁ ଆସୁଛି। ଲୋକମାନେ ବେଆଇନ ଭାବେ ମଦ ପ୍ରସ୍ତୁତ କରୁଛନ୍ତି ଓ ପିଉଛନ୍ତି। ଖାସ କରି ଯୁବକମାନେ ନିଶାର ଶିକାର ହୋଇ ସେମାନଙ୍କ ଭବିଷ୍ୟତ ନଷ୍ଟ କରୁଛନ୍ତି। ଏଣୁ ଗାଁର ଯୁବକମାନଙ୍କୁ ନିଶାଠାରୁ ଦୂରେଇ ରଖିବା ପାଇଁ ଏଭଳି ନିଷ୍ପତ୍ତି ନିଆଯାଇଛି। କେବଳ ଏତିକି ନୁହେଁ ଜରିମାନା ଦେବା ସହ ନିଶା କାରବାରରେ ଜଡିତ ବ୍ୟକ୍ତିକୁ ମଧ୍ୟ ପୋଲିସରେ ଦିଆଯିବାର ବ୍ୟବସ୍ଥା କରାଯାଇଛି। ଜରିମାନାରୁ ଯେଉଁ ଅର୍ଥ ମିଳିବ ତାହାକୁ ଗାଁର ବିକାଶ ପାଇଁ ଖର୍ଚ୍ଚ କରାଯିବ ବୋଲି ସେଠାରେ ନିଶା ନିବାରଣ ଲାଗିି ନେତୃତ୍ୱ ନେଉଥିବା ସମାଜସେବୀ ସୁରେଶ ଚୌଧୁରୀ କହିଛନ୍ତି। ଏମିତିକି ଗାଁ ବାହାରେ ଯଦି କେହି ମଦ ପିଇ ଗାଁ ଭିତରକୁ ଆସନ୍ତି ତାଙ୍କୁ ମଧ୍ୟ ଗାଁରେ ପ୍ରବେଶ କରାଇଦିଆଯିବନାହଁି। ଏତିକିରେ ଭୋଦଘାଟ ଅଟକି ଯାଇନି। ଗାଁରେ ଗୁଟ୍ଖା ବିକ୍ରି ଉପରେ ମଧ୍ୟ କଟକଣା ଲଗାଯାଇଛି। ଗାଁରେ ଡିଜେ ବି ବାଜିପାରିବନାର୍ହି । ଏହି ସବୁ କଟକଣା କିଭଳି କାର୍ଯ୍ୟକାରୀ ହେବ ତାହା ଉପରେ ନଜର ରଖିତ୍ବା ପାଇଁ ଭୋଦଘାଟରେ ଏକ କମିଟି ଗଢାଯାଇଛି। ଯେଉଁମାନେ ଗାଁର ନିଷ୍ପ୍ବତ୍ତିକୁ ଅମାନ୍ୟ କରିବେ ସେମାନଙ୍କୁ ଦଣ୍ଡଦେବାର ଦାୟିତ୍ୱ ଏହି କମିଟିକୁ ଦିଆଯାଇଛି। ଗାଁରୁ ନିଶା ପୂରା ମୂଳପୋଛ ହେବାରେ ଭୋଦଘାଟ ଯେଉଁ ନିଷ୍ପ୍ବତ୍ତି ନେଇଛି ତାହା କେବଳ ବିହାର ନୁହେଁ ସାରା ଦେଶକୁ ବି ବାଟ ଦେଖାଇବ ବୋଲି କୁହାଯାଇପାରେ।
