ମୁମ୍ବାଇ,୨୬।୭- ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଓ ତାଙ୍କ ପତ୍ନୀ ଅନୁଷ୍କା ଶର୍ମା ଇନ୍ଷ୍ଟାଗ୍ରାମରେ ଜଣେ ବଡ଼ ଫଲୋଅର ହରାଇଛନ୍ତି। ଦଳର ଉପଅଧିନାୟକ ରୋହିତ ଉଭୟ ବିରାଟ ଓ ଅନୁଷ୍କା (ବିରୁଷ୍କା)ଙ୍କୁ ଅନ୍ଫଲୋ କରିଛନ୍ତି। ଏହା ଭାରତୀୟ ଦଳରେ ଥିବା ଫାଟକୁ ଦର୍ଶାଉଛି। ନିକଟରେ ଶେଷ ହୋଇଥିବା ବିଶ୍ୱକପ୍ର ସେମିଫାଇନାଲ ପରାଜୟ ପରେ ଦଳର ଦୁଇ ଗୁରୁତ୍ୱପୂର୍ଣ୍ଣ ଖେଳାଳିଙ୍କ ମଧ୍ୟରେ ଠିକ୍ ବୁଝମଣା ନ ଥିବା କିଛି ରିପୋର୍ଟରେ ପ୍ରକାଶ ପାଇଥିଲା। ଦଳର କୌଣସି ଖେଳାଳି ସ୍ପଷ୍ଟ ସୂଚନା ଦେଇ ନାହାନ୍ତି। ତେବେ କୋହଲିଙ୍କୁ ଅନ୍ଫଲୋ କରି ରୋହିତ ଦଳରେ ଫାଟ ଥିବା ରିପୋର୍ଟରେ ମୋହର ମାରିଛନ୍ତି। ଉଲ୍ଲେଖଥାଉ କି, ବିରୁଷ୍କା ମଧ୍ୟ ରୋହିତଙ୍କୁ ଫଲୋ କରୁନାହାନ୍ତି।
