ପ୍ରଧାନମନ୍ତ୍ରୀ ଆବାସ ଯୋଜନାରେ ଦୁର୍ନୀତି

ଖୋର୍ଦ୍ଧା ଅଫିସ,୩୦ା୧:  ଖୋର୍ଦ୍ଧା ମ୍ୟୁନିସିପାଲିଟିରେ ପ୍ରଧାନମନ୍ତ୍ରୀ ଆବାସ ଯୋଜନାରେ ବ୍ୟାପକ ଅନିୟମିତତା ହୋଇଥିବାର ମୁଖ୍ୟମନ୍ତ୍ରୀ ଓ ଖୋର୍ଦ୍ଧା ଜିଲାପାଳଙ୍କ ନିକଟରେ ଅଭିଯୋଗ ହୋଇଛି। ଆବାସ ଯୋଜନାରେ କାର୍ଯ୍ୟାଦେଶ ପାଇଥିବା ହିତାଧିକାରୀଙ୍କ ୪ ପର୍ଯ୍ୟାୟର ଫଟୋ ଉତ୍ତୋଳନ ଓ ୪ ପର୍ଯ୍ୟାୟର ବିଲ୍‌ ମଞ୍ଜୁର ପାଇଁ ୫ରୁ ୧୦ ହଜାର ଟଙ୍କା ଲାଞ୍ଚ ନିଆଯାଉଛି। ସେହିଭଳି ପୁରୁଣା କାନ୍ଥରେ ଛାତ ପକାଇ ବିଲ୍‌ ମଞ୍ଜୁର କରାଯାଉଛି। ଛାତ ଘର ଲୋକଙ୍କୁ ଆବାସ ଯୋଜନାର କାର୍ଯ୍ୟାଦେଶ ଦିଆଯାଉଥିବାର ଅଭିଯୋଗ ରହିଛି। ଏହାର ଭିଜିଲାନ୍ସ ତଦନ୍ତ କରିବାକୁ ଦାବି ହେଉଛି।
ଅଭିଯୋଗ ଅନୁସାରେ ୨୦୧୮-୧୯ ଆର୍ଥିକବଷର୍ର୍ରେ ୪ନଂ. ୱାର୍ଡରେ ୩ ଜଣ ସ୍ବଚ୍ଛଳ ବର୍ଗର ଲୋକ କାର୍ଯ୍ୟାଦେଶ ପାଇ ଘର କରିଛନ୍ତି। ୭ନଂ. ୱାର୍ଡରେ ପୁରୁଣା ଘର ଛାତ ପତନ ହୋଇ ରହିଥିଲା। ଅନ୍ୟ ସ୍ଥାନର ନିଅଁ ଖୋଳା ଓ ପ୍ଲିନ୍ଥ ପର୍ଯ୍ୟନ୍ତ ଫଟୋ ଦେଖାଇ ୩ ପର୍ଯ୍ୟାୟ ବିଲ୍‌ କରାଇ ନିଆଯାଇଛି। ପରେ ନୂଆ ଛାତ ପକାଇ ପୁରୁଣା କାନ୍ଥରେ ପ୍ଲାଷ୍ଟର କରାଇ ଅନିୟମିତତାକୁ ଘୋଡାଇବାକୁ ଚେଷ୍ଟା କରାଯାଇଛି। ୧୪ ନଂ. ୱାର୍ଡରେ ୨ଜଣ କୋଠା ଘର ଥିବା ସ୍ବଚ୍ଛଳ ବର୍ଗର ଲୋକଙ୍କୁ କାର୍ଯ୍ୟାଦେଶ ଦେଇ ପୁରୁଣା କୋଠା ଘରକୁ ଲଗାଇ ନୂଆ କୋଠା ଘରରେ ବିଲ୍‌ କରାଯାଇଛି। ୧୬, ୧୦, ୯ ନଂ. ୱାର୍ଡରେ ଜଣେ ଲେଖାଏ ସ୍ବଚ୍ଛଳ ବର୍ଗର ବ୍ୟକ୍ତି ପୁଣି ପୁରଣା କୋଠା ଘର ଥାଇ କାର୍ଯ୍ୟାଦେଶ ପାଇ ନୂଆ ଘର କରିଛନ୍ତି।
ଅସ୍ଥାୟୀ ଅମିନ ସର୍ବେସର୍ବା
ଖୋର୍ଦ୍ଧା ମ୍ୟୁନିସିପାଲିଟିରେ ସ୍ଥାୟୀ ଅମିନ ଥାଉ ଥାଉ ଜଣେ ଅସ୍ଥାୟୀ ଅମିନ ନିଯୁକ୍ତି ପାଇଛନ୍ତି। ଅସ୍ଥାୟୀ ଅମିନ ରଖିବାକୁ ସରକାରୀ ନିର୍ଦ୍ଦେଶନାମା ନ ଥିବାବେଳେ କିପରି ନିଯୁକ୍ତି ଦିଆଯାଇଛି ତାହା ତଦନ୍ତ ସାପେକ୍ଷ। ତେବେ ଅସ୍ଥାୟୀ ଅମିନ ଆବାସ ଯୋଜନାର ଅନେକ ଅନିୟମିତତାରେ ସମ୍ପୃକ୍ତ ଥିଲେ ମଧ୍ୟ ତାଙ୍କୁ ଘଣ୍ଟ ଘୋଡା ଯାଉଥିବା ଅଭିଯୋଗ ହେଉଛି। ଅସ୍ଥାୟୀ ଅମିନଙ୍କ କାର୍ଯ୍ୟକୁ ଅନୁଧ୍ୟାନ କରି ପଦକ୍ଷେପ ନେବାକୁ ଅନୁରୋଧ କରାଯାଇଛି।
ଘର କଲା ପରେ ମିଳୁନି ବିଲ୍‌
ୱାର୍ଡ ନଂ. ୧୫ ପଲଟନପଡିଆରେ ରୁହନ୍ତି ପୁଷ୍ପାରାଣୀ ରାଉତ। ୨୦୧୯ ଫେବୃୟାରୀ ୨୭ରେ ଆବାସ ଯୋଜନାରେ ୭୨୩ ନଂ.ରେ ଘର କରିବା ପାଇଁ କାର୍ଯ୍ୟାଦେଶ ପାଇଥିଲେ। ଇତିମଧ୍ୟରେ ୧୦ ମାସରୁ ଊର୍ଦ୍ଧ୍ୱ ବିତି ଯାଇଛି। ହେଲେ ପୁଷ୍ପାରାଣୀ ଆଦୌ ବିଲ୍‌ ପାଇ ନାହାନ୍ତି। ପୁଷ୍ପାରାଣୀଙ୍କ ଘର ନିିମିଟାଲ ପର୍ଯ୍ୟନ୍ତ ଶେଷ ହୋଇଛି। ଘରର କାର୍ଯ୍ୟକୁ ଅନୁଧ୍ୟାନ କଲେ ପ୍ରଥମ କିସ୍ତିରେ ୪୦ ହଜାର ଓ ୨ୟ କିସ୍ତିରେ ୬୦ ହଜାର ଏପରି ୧ ଲକ୍ଷ ଟଙ୍କା ପାଇ ସାରନ୍ତେଣି। ହେଲେ ଆଜି ଆସ, କାଲି ଆସ କହି ପୁଷ୍ପାରାଣୀଙ୍କୁ ଅଫିସକୁ ଦୌଡା ଯାଉଛି। ଏପରି କି ବିଲ୍‌ ମଞ୍ଜୁର ଓ ଦୁଇ ପର୍ଯ୍ୟାୟର ଫଟୋ ଉତ୍ତୋଳନ ପାଇଁ ଲାଞ୍ଚ ନ ଦେବାରୁ ତାଙ୍କ ବିଲ୍‌ ପଡି ରହିଥିବା ପୁଷ୍ପାରାଣୀ ଅଭିଯୋଗ କରିଛନ୍ତି। ଆଉ କେତେବର୍ଷ ଅପେକ୍ଷା କଲା ପରେ ବିଲ୍‌ ମିଳିବ ବୋଲି ପୁଷ୍ପାରାଣୀ କହିଛନ୍ତି। ତେବେ ସେ ଲାଞ୍ଚ ଆଦୌ ଦେବେ ନାହିଁ ବୋଲି କହିଛନ୍ତି। ୧୦ ଦିନ ଭିତରେ ତାଙ୍କର ବିଲ ନ ଦେଲେ ମ୍ୟୁନିସିପାଲିଟି ସମ୍ମୁଖରେ ଅନଶନ କରିବେ ବୋଲି କହିଛନ୍ତି। ଏ ନେଇ ପୌର ପ୍ରଶାସକ ତଥା ଜିଲାପାଳ ସିତାଂଶୁ ରାଉତ କୁହନ୍ତି, ଆବାସ ଯୋଜନାରେ ଯେଉଁ ଦୁର୍ନୀତି ଅଭିଯୋଗ ଆସିଛି ତା’ର ତଦନ୍ତ କରାଯାଇ ପଦକ୍ଷେପ ନିଆଯିବ।


Enter your email to get our daily news in your inbox.

All Right Reserved By Dharitri.Com

ଘୋଷଣା ହେଲା ବିଜେଡିର ତୃତୀୟ ପ୍ରାର୍ଥୀ ତାଲିକା! ଏହି ପ୍ରାର୍ଥୀଙ୍କ ନାଁରେ ଲାଗିଲା ମୋହର…

ଭୁବନେଶ୍ୱର,୨୯।୩: ମୁଣ୍ଡ ଉପରେ ନିର୍ବାଚନ। ନିର୍ବାଚନ ଯେତେ ପାଖେଇ ଆସୁଛି ନବୀନ ନିବାସରେ ଭିଡ ସେତିକି ଜମୁଛି। ତେବେ ଆସନ୍ତା ବିଧାନସଭା ନିର୍ବାଚନ ପାଇଁ ହୋଲିରେ...

‘ଡବଲ ଇଞ୍ଜିନ ସରକାର ଲାଗି ଶପଥପାଠ କରାଇଲା ଭାଜପା’

ଛତ୍ରପୁର,୨୮।୩(ସନ୍ତୋଷ ପାଢ଼ୀ ): ଗଞ୍ଜାମ ଜିଲା ଛତ୍ରପୁର ସ୍ଥିତ ଶିବକୁମାର ପଟ୍ଟନାୟକ ରିଡିଙ୍ଗ ରୁମ୍‌ଠାରେ ଭାଜପା ପକ୍ଷରୁ ଏକ ସମ୍ବର୍ଦ୍ଧନା ସଭା ଆୟୋଜନ ହୋଇଯାଇଛି l...

ଅନସୂୟାଙ୍କ ପ୍ରାର୍ଥତ୍ତ୍ୱକୁ ବିରୋଧ: ପରିବର୍ତ୍ତନ ନ ହେଲେ ଅନ୍ୟ ପନ୍ଥା

ରାୟଗଡ଼ା,୨୯।୩(ଆଶିଷ ରଞ୍ଜନ ପଣ୍ଡା)- ରାୟଗଡ଼ା ବିଧାନସଭା ଆସନ ପ୍ରାର୍ଥତ୍ନୀ ଅନସୂୟା ମାଝିଙ୍କ ପ୍ରାର୍ଥତ୍ତ୍ୱକୁ ବିରୋଧ ତେଜିବାରେ ଲାଗିଛି। ଶୁକ୍ରବାର ବିଜେଡି ରାଜ୍ୟ ଉପସଭାପତି ଏନ୍‌.ଭାସ୍କର ରାଓଙ୍କ...

ଆଗକୁ ନିର୍ବାଚନ: ବଦଳିଲେ ଜିଲା ମହିଳା ମୋର୍ଚ୍ଚା ସଭାନେତ୍ରୀ

ଭଦ୍ରକ,୨୯।୩(ସନାତନ ରାଉତ): ସାଧାରଣ ନିର୍ବାଚନ ପୂର୍ବରୁ ଭଦ୍ରକ ଜିଲା ମହିଳା ମୋର୍ଚ୍ଚା ସଭାନେତ୍ରୀ ପଦରେ ବଦଳ କରାଯାଇଛି। ଭଦ୍ରକ ବ୍ଲକ ଅଧୀନ କୋରକୋରା ପଞ୍ଚାୟତ ନୂଆସାହିର...

ତାତି ଛୁଇଁଲା ୪୦

ଭୁବନେଶ୍ୱର,୨୯।୩: ଚଳିତବର୍ଷ ପ୍ରଥମ ଥର ପାଇଁ ରାଜ୍ୟରେ ୪୦ ଡ଼ିଗ୍ରୀ ଛୁଇଁଲା ତାତି। ଟିଟଲାଗଡ, ବଲାଙ୍ଗିର, ବୌଦ୍ଧ, ଭବାନୀପାଟଣା ଓ ନୟାଗଡରେ ତାପମାତ୍ରା ୪୦ ଡ଼ିଗ୍ରୀ...

ଦ୍ୱିତୀୟ ଥର ଭରସା ରଖିଥିବାରୁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ବିଷ୍ଣୁବ୍ରତ

ବାସୁଦେବପୁର,୨୯ା୩(ନାରାୟଣ ପ୍ରସାଦ ବାରିକ୍‌): ଭଦ୍ରକ ଜିଲା ବାସୁଦେବପୁର ବିଜେଡି ଶିବିର ଏବେ ଚଳଚଞ୍ଚଳ ହୋଇପଡ଼ିଛି। ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତରାୟ ପୁନର୍ବାର ଏହି ନିର୍ବାଚନ ମଣ୍ଡଳୀରୁ...

ପ୍ରତି ନିର୍ବାଚନରେ ବଢିଚାଲିଛି ଖର୍ଚ୍ଚ ସୀମା, ଲୋକ ସଭା ନିର୍ବାଚନରେ ଏତେ ଲକ୍ଷ ଟଙ୍କା ଖର୍ଚ୍ଚ କରନ୍ତି ପ୍ରାର୍ଥୀ

ନୂଆଦିଲ୍ଲୀ,୨୯।୩: ଲୋକ ସଭା ନିର୍ବାଚନ ୨୦୨୪ର ସମସ୍ତ ପ୍ରକ୍ରିୟା ଆରମ୍ଭ ହୋଇସାରିଛି। ନିର୍ବାଚନ ପ୍ରକ୍ରିୟା ମଧ୍ୟରେ ନିର୍ବାଚନ କମିଶନରଙ୍କ ଦାୟିତ୍ୱ ରହିଥାଏ କି କ୍ଷମତାସୀନ ଦଳ...

ଆଜି ଗୁଡ୍‌ ଫ୍ରାଇଡେ: ବାଇବେଲ ପାଠକରି ସାମୂହିକ ପ୍ରାର୍ଥନା କଲେ ଶ୍ରଦ୍ଧାଳୁ

ଦାରିଙ୍ଗବାଡି,୨୯।୩ (ଅରୁଣ ସାହୁ ): ଆଜି ଗୁଡ୍‌ ଫ୍ରାଇଡେ। ଏହାକୁ ଶ୍ରଦ୍ଧାଳୁମାନେ ରୀତିନୀତି ଅନୁସାରେ ପାଳନ କରିଛନ୍ତି। ଯିଶୁଖ୍ରୀଷ୍ଟଙ୍କୁ ଆଜିର ଦିନରେ କାଲବରୀ ନାମକ ଏକ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri