ପୁରୀ ସମୁଦ୍ରରେ ଡଲ୍‌ଫିନ
9:23 pmApril 30, 2020 / 58

ପୁରୀ ଅଫିସ,୩୦ା୪:ପୁରୀ ସମୁଦ୍ରରେ ବୁଧବାର ପୂର୍ବାହ୍ନରେ କିଛି ଡଲ୍‌ଫିନ ଦେଖାଯାଇଛନ୍ତି। ହୋଟେଲ ଗୋଲ୍‌ଡେନ ଟ୍ରି ସମ୍ମୁଖ ସମୁଦ୍ରରେ ଉପକୂଳଠାରୁ ୧୦୦ ମିଟର ମଧ୍ୟରେ ଏହି ଡଲଫିନ ଯାଉଥିଲେ। ପୂର୍ବାହ୍ନ ପ୍ରାୟ ୧୧ଟାରେ ମଙ୍ଗଳା ମୁହାଣ ପଟୁ କିଛି ଡଲ୍‌ଫିନ ସଂସ୍କୃତ ବିଶ୍ୱବିଦ୍ୟାଳୟ ଆଡ଼କୁ ଯାଉଥିଲେ। ବର୍ତ୍ତମାନ ସମୁଦ୍ରରେ ମାଛଧରା ଉପରେ କଟକଣା ରହିଛି। ଫଳରେ ମତ୍ସ୍ୟଜୀବୀମାନେ ସମୁଦ୍ରକୁ ଯାଉ ନ ଥିବାବେଳେ ଡଙ୍ଗା, ବୋଟ, ଟ୍ରଲର ଆଦି ଚଳାଚଳ କରୁନାହିଁ। ତେଣୁ ସମୁଦ୍ର ଉପକୂଳଠାରୁ ମାତ୍ର ଅଳ୍ପ ଦୂରରେ ଡଲ୍‌ଫିନ ପହଁରି ଯାଉଥିବା ଦେଖିବାକୁ ମିଳିଥିଲା। ଏହା ଇରାୱାଡ଼ି ଡଲ୍‌ଫିନ ବୋଲି କୁହାଯାଉଛି।