ହାଟଡିହୀ, ୨୪। ୪ (ଡି.ଏନ.ଏ.)-କେନ୍ଦୁଝର ଜିଲା ହାଟଡିହୀ ବ୍ଲକ ପନ୍ଦାଡୋ ପଞ୍ଚାୟତରେ କରୋନା ମୁକାବିଲା ଲାଗି ସରପଞ୍ଚ ଅନିରୁଦ୍ଧ ବେହେରା ଓ ଜିଆରଏସ ପଙ୍କଜ ତ୍ରିପାଠୀ ଲୋକଙ୍କୁ ସଚେତନ କରିଛନ୍ତି। ଏହି ପଞ୍ଚାୟତ ଅଧୀନରେ ୬ଟି ଗ୍ରାମର ୧୨ଟି ୱାର୍ଡ ରହିଛି। ହିତାଧିକାରୀଙ୍କ ଘର ଘର ବୁଲି ସାବୁନ, ମାସ୍କ ବଣ୍ଟନ କରାଯାଇଛି। ପ୍ରତି ରାଶନ କାର୍ଡଧାରୀଙ୍କୁ ୧୦୦୦ଟଙ୍କା ଏବଂ ନିର୍ମାଣ ଶ୍ରମିକଙ୍କୁ ୧୫୦୦ ଟଙ୍କା ପ୍ରଦାନ କରିଛନ୍ତି। ଏଥିସହ କେନାଲ କାର୍ଯ୍ୟରେ ନିୟୋଜିତ ଥିବା ଶ୍ରମିକଙ୍କ ରହିବା ଓ ଖାଇବା ବ୍ୟବସ୍ଥା ପଞ୍ଚାୟତ ତରଫରୁ କରାଯାଇଛି। ହାଇସ୍କୁଲ ଠାରେ ଏକ ଆଇସୋଲେସନ କେନ୍ଦ୍ର ଖୋଲା ଯାଇଛି। ପଞ୍ଚାୟତ ତରଫରୁ ନିଆଯାଉଥିବା ବିଭିନ୍ନ ପଦକ୍ଷେପକୁ ପ୍ରଶଂସା କରାଯାଇଛି।
