ନିର୍ବାଚନ ଲଢିବେ ନାହିଁ ପୂର୍ବତନ ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ
8:15 pmNovember 9, 2022 / 07

ଅହମ୍ମଦାବାଦ୍‌,୯।୧୧: ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାଣି ଏବଂ ଉପମୁଖ୍ୟମନ୍ତ୍ରୀ ନିତିନ ପଟେଲ ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନ କରିବାକୁ ଇଚ୍ଛା ପ୍ରକାଶ କରିଛନ୍ତି। ଏ ସମ୍ପର୍କରେ ନିତିନ ପଟେଲ ରାଜ୍ୟ ସଭାପତିଙ୍କୁ ଏକ ଚିଠି ଲେଖିଛନ୍ତି। କିଛି ଦିନ ପୂର୍ବରୁ ନିତିନ ପଟେଲ ମଧ୍ୟ ଟିକେଟ ପାଇଁ ଏକ ଦାବି ଉପସ୍ଥାପନ କରିଥିଲେ। ତେବେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନ କରିବାକୁ ସେ ହଠାତ୍‌ ନିଷ୍ପତ୍ତି ନେଇଛନ୍ତି।
ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାରେ ତାଙ୍କର ଅକ୍ଷମତା ଦର୍ଶାଇ ନିତିନ ପଟେଲ ହାଇକମାଣ୍ଡଙ୍କୁ ଏକ ଚିଠି ମଧ୍ୟ ଲେଖିଛନ୍ତି। ଗୁଜରାଟର ପ୍ରାୟ ୮ ଜଣ ପୂର୍ବତନ ମନ୍ତ୍ରୀ ଏଥର ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ଏହି ନିର୍ବାଚନରେ ପୂର୍ବତନ ଉପମୁଖ୍ୟମନ୍ତ୍ରୀ ନିତିନ ପଟେଲ, ପୂର୍ବତନ ମନ୍ତ୍ରୀ ସୌରଭ ପଟେଲ, ପ୍ରଦୀପ ଜାଡେଜା, ଭୁପେନ୍ଦ୍ର ଚୁଡାସମା ପ୍ରତିଦ୍ୱନ୍ଦ୍ୱିତା କରିବେ ନାହିଁ। ପ୍ରାୟ ଆଠ ଜଣ ପୂର୍ବତନ ମନ୍ତ୍ରୀଙ୍କ ଆସନରେ ଭାଜପା ଯୁବ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି।