ଯାଁଳା,୨୪ା୩(ଡି.ଏନ୍.ଏ.)- ଜଟଣୀ ଥାନା ଅଧୀନ ଯାଁଳା ଫାଣ୍ଡି ଅନ୍ତର୍ଗତ ୧୬ନମ୍ବର ଜାତୀୟ ରାଜପଥରେ ଥିବା ଏକ ଫଳ ଦୋକାନରୁ ସୋମବାର ବିଳମ୍ବିତ ରାତିରେ କେତେକ ଦୁର୍ବୃତ୍ତ ଫଳ ଚୋରି କରିବା ପରେ ଦୋକାନରେ ନିଆଁ ଲଗାଇ ଦେଇଛନ୍ତି। ଖବରପାଇ ଯାଁଳା ପୋଲିସ ଭୋରୁ ଘଟଣାସ୍ଥଳରେ ପହଞ୍ଚତ୍ ତଦନ୍ତ ଚଳାଇଛି। ସୂଚନାଯୋଗ୍ୟ, ରାଜପଥ ପାର୍ଶ୍ୱ ଏକ ବ୍ୟାଙ୍କ ନିକଟରେ ସୁଶାନ୍ତ ସାହୁ ନାମକ ବ୍ୟକ୍ତି ଅସ୍ଥାୟୀ ଫଳ ଦୋକାନ କରିଥିଲେ। କରୋନା ଭାଇରସ ସଂକ୍ରମଣ ପାଇଁ ବିଭିନ୍ନ କଟକଣା ଯୋଗୁ ଦୋକାନ ବନ୍ଦ କରି ସେ ଗାଁକୁ ଚାଲିଯାଇଥିଲେ। ରାତି ପ୍ରାୟ ୧ଟା ସମୟରେ ଦୁର୍ବୃତମାନେ ଫଳ ଓ ତରଭୁଜ ଲୁଟି ନେବା ପରେ ଏହା ମଧ୍ୟରେ ଥିବା ଖାଲି ଫଳ ପେଟିଗୁଡ଼ିକରେ ନିଆଁ ଲଗାଇ ଦେଇଥିଲେ। ଭୋର ସମୟରେ ଲୋକେ ଦେଖି ପୋଲିସକୁ ଜଣାଇଥିବାବେଳେ ଦୋକାନଟି ସମ୍ପୂର୍ଣ୍ଣ ପୋଡ଼ିଯାଇଛି। ସ୍ଥାନୀୟ ଲୋକଙ୍କଠାରୁ ଖବରପାଇ ସୁଶାନ୍ତ ପହଞ୍ଚତ୍ଥିବାବେଳେ ଦୋକାନ ମଧ୍ୟରେ ୫୦ହଜାରରୁ ଊର୍ଦ୍ଧ୍ୱ ଟଙ୍କାର ବିଭିନ୍ନ ଫଳ ଓ ତରଭୁଜ ରହିଥିବା କହିଥିଲେ।
