ଭଟଲି,୨୬ା୪(ଡି.ଏନ.ଏ.) ପଶ୍ଚିମୋତ୍କଳ ଶ୍ରୀକ୍ଷେତ୍ର ଭାବେ ଅଭିହିତ ବରଗଡ଼ ଜିଲା ଭଟଲି ଦଧିବାମନ ପୀଠରେ ଅକ୍ଷୟ ତୃତୀୟା ନୀତି ନିୟମ ସହ ରଥକାଠ ଅନୁକୂଳ କରାଯାଇଛି। ବର୍ତ୍ତମାନ ସମଗ୍ର ଦେଶରେ କରୋନା(କୋଭିଡ଼-୧୯) ପାଇଁ କଟକଣା ରହଛି। ସେହି ନିୟମ ଆଧାରରେ ସାମଜିକ ଦୂରତ୍ୱକୁ ଦୃଷ୍ଟିରେ ରଖି ଏହି ରଥକାଠ ଅନୁକୂଳ ହୋଇଛି। ଏହି ଅବସରରେ ମହାପ୍ରଭୁ ଶ୍ରୀ ଶ୍ରୀ ଦଧିବାମନଙ୍କ ରଥର ଚକ ଏବଂ ଅଖକୁ ପୂଜା କରାଯିବା ସହିତ ରଥ ତିଆରି କାମ ଆରମ୍ଭ ହୋଇଛି। ଏଥିପାଇଁ ମନ୍ଦିର କମିଟି ପକ୍ଷରୁ ଗୋପିନାଥ ସାହୁଙ୍କୁ ବିଶ୍ୱକର୍ମା ଭାବେ ବରଣ କରାଯାଇଛି। ା ଏଥିରେ ମନ୍ଦିର ପୂଜକ ଗୌରଚନ୍ଦ୍ର ରଥ ଏବଂ ଲଳିତ ରଥ ପୂଜକ ଦାୟିତ୍ୱ ତୁଳାଇଛନ୍ତି। ମନ୍ଦିରରୁ ଆଜ୍ଞାମାଳ ଆସିବା ପରେ ରଥ କାମ ଅନୁକୂଳ ହୋଇଥିଲା ା ଏହି ପୂଜାରେ ମନ୍ଦିର ପ୍ରଶାସନର ସଦସ୍ୟ ଉପସ୍ଥିତ ଥିଲେ।
