ଝାରସୁଗୁଡା ଅଫିସ,୨୫ା୫-ଝାରସୁଗୁଡାସ୍ଥିତ ବୀର ସୁରେନ୍ଦ୍ର ସାଏ ବିମାନବନ୍ଦରରୁ ବିମାନ ଚଳାଚଳ ଆରମ୍ଭ ହୋଇଛି। ସୋମବାର ଏହି ବିମାନବନ୍ଦରରୁ ନୂଆଦିଲ୍ଲୀ ଓ ହାଇଦ୍ରାବାଦକୁ ବିମାନ ଚଳାଚଳ କରିଛି। ତେବେ କୋଲକତାକୁ ଯିବାକୁ ଥିବା ବିମାନ ବାତିଲ ହୋଇଥିବା ବିମାନବନ୍ଦର କର୍ତୃପକ୍ଷ ସୂଚନା ଦେଇଛନ୍ତି। ସକାଳେ ବିମାନବନ୍ଦର କର୍ତୃପକ୍ଷ, ଏସ୍ପି ରାହୁଲ ପିଆର ଓ ଜିଲା ପ୍ରଶାସନର ବରିଷ୍ଠ ଅଧିକାରୀମାନେ ବିମାନବନ୍ଦରକୁ ଯାଇ ତଦାରଖ କରିଥିଲେ। ଯାତ୍ରୀମାନଙ୍କୁ ସାମାଜିକ ଦୂରତା ସହିତ ସୁରକ୍ଷା ସାମଗ୍ରୀ ପରିଧାନ କରିବାକୁ ବିମାନବନ୍ଦରର ପ୍ରବେଶ ଦ୍ୱାରରେ ଉପସ୍ଥିତ କର୍ମଚାରୀମାନେ ସଚେତନ କରିଥିଲେ। ସେହିପରି ଯାତ୍ରୀମାନଙ୍କୁ ସୁରକ୍ଷା କର୍ମୀମାନେ ଯାଞ୍ଚ କରି ଭିତରକୁ ଛାଡୁଥିବା ଦେଖିବାକୁ ମିଳିଥିଲା।
