ବାଙ୍ଗିରିପୋଷି,୯ା୬(ଡି.ଏନ୍.ଏ.)- ରାତି ପାଟ୍ରୋଲିଂ ବେଳେ ମୟୂରଭଞ୍ଜ ଜିଲା ବାଙ୍ଗିରିପୋଷି ବନ ବିଭାଗ ୩ଟି ମଟର ସାଇକେଲ ସହ କେନ୍ଦୁପତ୍ର ଓ କାଠପଟା ଜବତ କରିଛି। ଏହି ଘଟଣାରେ ୩ ଅଭିଯୁକ୍ତ ଗିରଫ ହୋଇଛନ୍ତି। ଗିରଫ ଅଭିଯୁକ୍ତମାନେ ହେଲେ ଝାରପୋଖରୀଆ ଥାନା ଅନ୍ତର୍ଗତ କାଇରାକଚା ଗ୍ରାମର ରାଜୀବ ପାଲ, ରତିଲା ଗ୍ରାମର ଦୁର୍ଗା ମୁଣ୍ଡା ଓ ଝାଡଖଣ୍ଡ ରାଜ୍ୟ କଇଁମା ଗ୍ରାମର ବିଷ୍ଣୁପଦ ପଇରା। ଜବତ କେନ୍ଦୁପତ୍ରର ଆନୁମାନିକ ମୂଲ୍ୟ ୩୦ ହଜାର ଟଙ୍କାରୁ ଊର୍ଦ୍ଧ୍ୱ ହେବ ବୋଲି ଉପବନାଞ୍ଚଳ ଅଧିକାରୀ ଶୈଳେନ୍ଦ୍ର ଦାସ ସୂଚନା ଦେଇଛନ୍ତି। ଏହି ଚଢ଼ାଉରେ ଚନ୍ଦ୍ରକାନ୍ତ ରାଉତ,ବିକାଶ ଚନ୍ଦ୍ର ନାଏକ,ଗୋବିନ୍ଦ ଗିରି ବନ କର୍ମଚାରୀମାନେ ପ୍ରମୁଖ ସାମିଲ ଥିଲେ।
