କାଲ ହେଲା ଖରାଦିନିଆଁ ଧୁକାଗରେଲ: ଭଂଗା କୁରିଆରେ ୭ ଅସାହା ଜୀବନ୍‌

ନୂଆପଡା ଅଫିସ/କୋମନା,୭ା୬- କେନ୍ଦ୍ର ଆର ରାଏଜ୍‌ ସରକାର ଗରିବ୍‌ ଦୁଖ, ନିଆଁ ସିମାନକୁ ପକାଘର ଯୁଗେଇ ଦେବାର ଲାଗି ଅନେକ ପରକାର ଆବାସ ଯୋଜନା କାଯ୍‌କାରୀ କରୁଛନ୍‌। ହେଲେ ବିଭାଗୀୟ ଅଧ୍‌କାରୀମାନକର ଉଦାସୀନତା ଲାଗି ଅନେକ ଜାଗାରେ ହକ୍‌ଦାର ହିତାଧିକାରୀ ଯୋଜନାର ଲାଭ ପାଏବାରୁ ବଁଚିତ୍‌ ହେଉଛନ୍‌। ଏନ୍‌ତା ଗୁଟେ ଉଦାହରନ୍‌ ଦେଖ୍‌ବାକେ ମିଲିଛେ ନୂଆପଡ଼ା ଜିଲା କୋମନା ବ୍ଲକ ସଦର ମହକୁମାନୁ ୧ କି.ମି. ଦୂରେ ଥିବାର ସିଙ୍ଗାରୀ ଗଁାରେ। ଗଁାର ଗୁଟେ ପରିବାର ବଛର ବଛର ହେଲା ଭଂଗା ଘରେ ରହିଆସୁଥିଲେ। ଏନ୍‌ତାଥି ଦିନାକେତେ ତଲେ ହେଇଥିବାର ଖରାଦିନିଅଁା ଧୁକାଗରେଲ ପରିବାରଟାକେ ବାସହରା କରିଦେଇଛେ। ଏହେଦେ ଇ ଗରିବ୍‌ ପରିବାରଟା ଗଁାରେ ଭିନେ ଭିନେ ଲୁକ୍‌କର ପିଁଢ଼ାରେ ଦିନ୍‌ ବିତଉଛନ୍‌। ଇ ଦୁଖି ପରିବାରର ଦୁରଦଶା ଦେଖ୍‌ଲେ ଯେକେହି ସରକାରୀ ଯୋଜନାର ଗତି କେନ୍‌ଆଡ଼େ ଠହରେଇ ପାରବା।
ସୂଚନା ଅନ୍‌ସାରେ ସିଙ୍ଗାରୀ ଗଁାର ବରୁଣ ନାଏକକଁର ପରିବାର କହିଲେ ତାକର ମାଏକିନା ନୀଲାଙ୍କ ଆର ୫ ଝି’ପୁଓ। ବରୁଣକଁର ନଁାରେ ଜମିବାଡ଼ି ବଲି କିଛି ନାଇଁ, ପରିବାରଟା ଦରିଦିରିଆ ସୀମାରେଖା ତଲେ ରହିଛନ୍‌। ଏନ୍‌ତାଥି ଫେର ପରିବାଟା ସବୁପରକାର ସରକାରୀ ସୁବିଧା ସୁଯୋଗରୁ ବଁଚିତ ହେଇ ରହିଛନ୍‌। ଘର କହେଲେ ଗଁାମୁଡ଼େ ଥିବାର ଝାଟିମାଟିର କୁରିଆଟେ। ବରୁଣକଁର କହିବାର ହିସାବେ ଗଁାମୁଡୁ ଦେଖ୍‌ଲେ ବ୍ଲକ ଅଫିସ ଦିଶ୍‌ସି। ସବୁଦିନ ବଡ଼ବଡ଼ିଆ ଅଧ୍‌କାରୀମାନେ ସଖାଲୁ ବେଲବୁଡ଼ା ତକ୍‌ ଗଁାକେ ଟହଲି ଆସୁଛନ୍‌। ହେଲେ କାହାରି ଦୁରୁଷ୍‌ଟି ତାକର ଉପରେ ନାଇଁ ପଡ଼ବାର। ପରିବାର ଲୋକ ଅନେକ ଥର ନେତା, ଅଧ୍‌କାରୀକୁଁ ଗୁହାରୀ କରିଛନ୍‌। ହେଲେ ଆବାସ ଯୋଜନା ତାଲିକାରେ ଠାନ୍‌ ନାଇଁ ପାଇପାରବାର। ଏନ୍‌ତା ବିଷମ୍‌ ପରିସ୍ଥିତିରେ ଦିନାକେତେ ତଲେ ହେଇଥିବାର ଧୁକାଗରେଲ ତାକର କୁରିଆକେ ଖିନ୍‌ଭିନ୍‌ କରିଦେଇଛେ। ଏହେଦ୍‌କା ପରିବାରଟା ବାରଦୁଆର ବୁଲି ମୁଡ଼ ଗୁଁଜୁଛନ୍‌। ଆଗ୍‌କେ ବରଷା ଦିନ୍‌ ମାଡ଼ିଆସୁଛେ। ଏନ୍‌ତାଥି ପରିବାରଟା କେନ୍‌ଠାନେ ରହିବେ ଆର ସରକାରକଁର ତରଫୁ ଘରଖଁଡ଼େ ମିଲବା କି ନାଇଁ ସଁଧେରେ ରହିଛନ୍‌। ଇ ଗରିବ୍‌ ନିଅଁାସି ପରିବାର ଉପରେ ବ୍ଲକ ପରଶାସନ ଦୁରୁଷ୍‌ଟି ଦେଇ ପଦକ୍ଷେପ ନେବାକେ ଜନସାଧାରନରେ ମତ ପରକାଶ ପାଉଛେ। ବରୁଣ ନାଏକ ଗୁଟେ ଉଦାହରନ୍‌ ଆଏ। ହେଲେ ଏନ୍‌ତା କେତେ ଯେ ବରୁଣ ବାସହରା ହେଇ ପରମାଦ ଗନୁଛନ୍‌ ତାର କିଛି ଠିକ୍‌ଠିକାନା ନାଇଁ। ଜିଲାରେ ଗୁଟେ ସର୍ଭେ କରି ଏନ୍‌ତା ବାସହରାମାନକୁ ଚିନ୍‌ହଁଟ କରବାର ସଂଗେ ତାହାକୁ ସରକାରୀ ସୁବିଧା ସୁଯୋଗ ଯୁଗେଇ ଦେବାର ନିହାତି ଜରୁରି ବଲି ବୁଧିଜୀବୀ ମହଲରେ ଦାବି ହେଉଛେ।


Enter your email to get our daily news in your inbox.

All Right Reserved By Dharitri.Com

ଡେବ୍ରିଗଡ଼ରେ ଠାବ ମହାବଳ ବାଘର ମଳିଲା ପରିଚୟ, ବୟସ ସ୍ପଷ୍ଟ କଲା ଏନଟିସିଏ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଓଡ଼ିଶାର ଡେବ୍ରିଗଡ଼ ଅଭୟାରଣ୍ୟରେ ଗତ ନଭେମ୍ବର ୯ ତାରିଖରେ ପ୍ରଥମ ଥର ପାଇଁ ଠାବ ହୋଇଥିବା ଅଣ୍ଡିରା ବାଘର ପରିଚୟ ଓ ବୟସ ଜାତୀୟ…

ମହିଳା ଡାକ୍ତରଙ୍କୁ ମାନସିକ ନିର୍ଯାତନା ଅଭିଯୋଗ: ସିଡିଏମ୍ଓଙ୍କୁ ଚିଠିଲେଖିଲେ ୩ ଡାକ୍ତର

ସମ୍ବଲପୁର,୧୭।୧୧(ପ୍ରମୋଦ ବହିଦାର): ସମ୍ବଲପୁର ଜିଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟରତ ମହିଳା ଡାକ୍ତରମାନଙ୍କୁ ମାନସିକ ନିର୍ଯାତନା ଏବଂ ଅପମାନଜନକ ବ୍ୟବହାର କରାଯାଉଥିବା ନେଇ ଏକ ସାଙ୍ଘାତିକ ଅଭିଯୋଗ ସାମ୍ନାକୁ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ହୀରାକୁଦ ଇକୋ-ରିଟ୍ରିଟ୍‌ ଉଦଘାଟନ କଲେ ଉପମୁଖ୍ୟମନ୍ତ୍ରୀ, ଏଥର ୫୦ଟି ଟେଣ୍ଟ୍ ସହ ୧୨୦ ଦିନ ଧରି ମଜା ନେବେ ପର୍ଯ୍ୟଟକ

ସମ୍ବଲପୁର,୧୬।୧୧(ପ୍ରମୋଦ ବହିଦାର): ରାଜ୍ୟ ପର୍ଯ୍ୟଟନ ବିଭାଗ ଆନୁକୂଲ୍ୟରେ ସମ୍ବଲପୁର ଜିଲାର ହୀରାକୁଦ (ବଲବସପୁର, ଜମାଦାରପାଲି ନିକଟ) ଠାରେ ଆୟୋଜିତ ହେଉଥିବା ଚଳିତ ବର୍ଷର ‘ଇକୋ-ରିଟ୍ରିଟ୍‌’ (ସପ୍ତମ ସଂସ୍କରଣ)…

ଜଣାପଡ଼ିଲା ଦେବ୍ରିଗଡ଼ରେ ଠାବ ମହାବଳର ଗତିପଥ: କେଉଁଠୁ ଆସିଲା…

ସମ୍ବଲପୁର, ୧୫।୧୧ (ପ୍ରମୋଦ ବହିଦାର): ଚଳିତ ନଭେମ୍ବର ମାସରେ ଓଡ଼ିଶାର ଦେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ଠାବ ହୋଇଥିବା ଏକ ବିରଳ ଅଣ୍ଡିରା ମହାବଳ ବାଘର ଗତିପଥ ସମ୍ପର୍କରେ…

ମାସେ ତଳେ ସାଙ୍ଗଙ୍କୁ ପଥରରେ ଛେଚି ହତ୍ୟା କରିଥିଲେ ସାଙ୍ଗ, ଆଜି ଅଭିଯୁକ୍ତଙ୍କୁ…

ସମ୍ବଲପୁର,୧୪ା୧୧(ପ୍ରମୋଦ ବହିଦାର): ମାସେ ତଳୁ ନିଖୋଜ ଥିବା ଜଣେ ବ୍ୟକ୍ତିଙ୍କ ହତ୍ୟାକାଣ୍ଡର ରହସ୍ୟ ଉନ୍ମୋଚନ କରିଛି ସମ୍ବଲପୁର ପୋଲିସ। ମଦ ପିଇବା ସମୟରେ ହୋଇଥିବା ବଚସାରୁ ଜଣେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?