ଫୁଲବାଣୀ ଅଫିସ, ୧୯ା୪-କନ୍ଧମାଳ ଜିଲାରେ ଦ୍ୱିତୀୟ ପର୍ଯ୍ୟାୟ ନିର୍ବାଚନ ଗୁରୁବାର ଅନୁଷ୍ଠିତ ହୋଇଯାଇଛି| କନ୍ଧମାଳ ଲୋକ ସଭା ଅଧୀନ ୭ ବିଧାନସଭା ନିର୍ବାଚନମଣ୍ଡଳୀରେ ସନ୍ଧ୍ୟା ୫ଟା ସୁଦ୍ଧା ମତଦାନ ହାର ୫୭.୪ ରହିଛି। ଫୁଲବାଣୀ ବିଧାନସଭାରେ ୫୯%, ବାଲିଗୁଡା ବିଧାନସଭାରେ ୫୩.୨, ଜି.ଉଦୟଗିରି ବିଧାନସଭାରେ ୬୩%, କଣ୍ଟାମାଳ ବିଧାନସଭାରେ ୬୭%, ବୌଦ୍ଧ ବିଧାନସଭାରେ ୬୫%, ଦଶପଲ୍ଲା ବିଧାନସଭାରେ ୪୬%, ଭଞ୍ଜନଗର ବିଧାନସଭାରେ ୫୮% ମତଦାନ ହୋଇଛି ା
ପ୍ରବଳ ଖରାହେତୁ ଅପରାହ୍ନରେ ଭୋଟରଙ୍କ ଗହଳି ବୁଥ୍ରେ ଦେଖିବାକୁ ମିଳିଥିଲା ା କେତେକ ସ୍ଥାନରେ ସନ୍ଧ୍ୟା ସାଢ଼େ ୬ଟାରୁ ଊର୍ଦ୍ଧ୍ୱ ସମୟ ଧରି ଭୋଟିଂ ହୋଇଛି ା ଫୁଲବାଣୀ ବିଧାନସଭା ନିର୍ବାଚନମଣ୍ଡଳୀ ଫିରିଙ୍ଗିଆ ବ୍ଲକରେ ନିର୍ବାଚନକୁ ନେଇ ପ୍ରଶାସନ ଅଡୁଆର ପଡିଛି। କୋଏରମାଣ୍ଡୁ-ବାରାହାଲା ରାସ୍ତା ସରୁପାଜୁ ପାଖରେ ମାଓବାଦୀମାନେ ଗଛ ପକାଇ ଥିବାରୁ ପୋଲିଂ ପାଟି ଅଟକି ରହିଛନ୍ତି ା ପୋଲିସ ନ ପହଞ୍ଚିବା ପର୍ଯ୍ୟନ୍ତ ସେଠାରେ ଅଟକି ରହିବାକୁ ପ୍ରଶାସନ ପକ୍ଷରୁ କୁହାଯାଇଛି। ରାତି ହୋଇଯାଇଥିବାରୁ ଇଭିଏମ୍ ସହ ପୋଲିଂ ପାଟି ଫେରାଇ ଆଣିବା ଏକ ପ୍ରକାର ଅସମ୍ଭବ ହୋଇପଡିଛି। ସେହିପରି ବୁଧବାର ସୁମରବନ୍ଧ ପଞ୍ଚାୟତରେ ମାଓବାଦୀ ପୋଲିଂ ପାଟି ଗାଡି ପୋଡି ଦେଇଥିଲେ ା ହେଲେ ଗୁରୁବାର ସେଠାରେ ନିର୍ବାଚନ କାର୍ଯ୍ୟ ସୁରୁଖୁରୁରେ ସରିଛି ା ବାଲିଗୁଡା ନିର୍ବାଚନମଣ୍ଡଳୀର ବାଟାଗୁଡା ପଞ୍ଚାୟତର ଗଙ୍ଗେରୀ, ଡୁକାମିଲା, ପଲସିମିଲା ଓ ଟଙ୍ଗମ ଗ୍ରାମର ପ୍ରାୟ ୬୦୦ରୁ ଊର୍ଦ୍ଧ୍ୱ ଭୋଟର ଭୋଟ ବର୍ଜନ କରିଛନ୍ତିି ା ସେମାନଙ୍କ ମୌଳିକ ସମସ୍ୟା ସମାଧାନ ହୋଇ ନ ଥିବାରୁ ଏହି ପଦକ୍ଷେପ ନେଇଛନ୍ତି ା ସେହିପରି ଦାରିଙ୍ଗବାଡିରେ କେତେକ ବୁଥ୍ରେ ଇଭିଏମରେ ତ୍ରୁଟି ଦେଖା ଯିବାରୁ ଭୋଟ ଗ୍ରହଣ ବିଳମ୍ବ ହୋଇଥିଲା। ଫୁଲବାଣୀର ତୁଡିପାଜୁ ପଞ୍ଚାୟତ ଡକାଙ୍ଗି ଗ୍ରାମବାସୀ ସେମାନଙ୍କ କେତେକ ସମସ୍ୟା ନେଇ ସକାଳ ପ୍ରାୟ ୯ଟା ପର୍ଯ୍ୟନ୍ତ ଭୋଟ ବର୍ଜନ କରିଥିଲେ ା ପ୍ରଶାସନ ପହଞ୍ଚି ସେମାନଙ୍କୁ ବୁଝାଶୁଝା କରିବାରୁ ଗ୍ରାମବାସୀ ଭୋଟ ଦେଇଥିଲେ ା
