ଛତ୍ରପୁର,୯।୬(ଡି.ଏନ.ଏ)- ଗଞ୍ଜାମ ପୋଲିସ ଜିଲାରେ କାର୍ଯ୍ୟରତ ଓଏସଏସଏଫ (ଓଡିଶା ସ୍ପେଶାଲ ଷ୍ଟ୍ରାଇକିଂ ଫୋର୍ସ)ର ଜଣେ ଯବାନ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେ ଖଲିକୋଟ ଥାାନା ଓ ହୁମ୍ମା ଫାଣ୍ଡି ଅଞ୍ଚଳରେ ଥିବା କ୍ୱାରାଣ୍ଟାଇନ୍ ସେଣ୍ଟର ଅଞ୍ଚଳରେ ପାଟ୍ରୋଲିଂ ଡ୍ୟୁଟି କରୁଥିଲେ। ଅସୁସ୍ଥ ପରେ ତାଙ୍କର କୋଭିଡ୍ ଟେଷ୍ଟିଂ କରାଯାଇଥିଲା। ରିପୋର୍ଟ ପଜିଟିଭ୍ ବାହାରିଥିଲା। ତାଙ୍କୁ ଶୀତଳାପଲ୍ଳୀସ୍ଥିତ ପାରଳା ମହାରାଜା କୋଭିଡ୍ କେୟାର ସେଣ୍ଟରରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି। ମଙ୍ଗଳବାର ଅପରାହ୍ନରେ ଗଞ୍ଜାମ ଏସପି ବ୍ରିଜେଶ କୁମାର ଏ ସମ୍ପର୍କରେ ଟୁଇଟ୍ କରି ସୂଚନା ଦେଇଛନ୍ତି। ସେ ଜଣେ ଆଗଧାଡିର କରୋନା ଯୋଦ୍ଧା ଏବଂ ତାଙ୍କୁ ସାଲୁଟ୍ । ତାଙ୍କ ଆରୋଗ୍ୟ କାମନା କରୁଛି ବୋଲି ଏସପି କହିଛନ୍ତି ା ପୂର୍ବରୁ ଗଞ୍ଜାମ ପୋଲିସ ଜିଲାରେ ୨ ଜଣ ହୋମଗାର୍ଡ କରୋନା ପଜିଟିଭ୍ ଚିହ୍ନଟ ହୋଇଥିଲେ ା
