ଉତ୍ତରାଖଣ୍ଡ ପାହାଡ଼ିଆ ଅଞ୍ଚଳର ଦୁର୍ଗମ ଗାଁଗୁଡିକରେ ଲକ୍ଡାଉନ୍ରେ ଓ୍ୟଷଧ ପହଞ୍ଚାଉଛନ୍ତି ମନୀଷ ପନ୍ଥ। ମୁଖ୍ୟତଃ ପକ୍ଷାଘାତ, ଉଚ୍ଚରକ୍ତଚାପ ଏବଂ ଅନ୍ୟ ଜୀବନଶୈଳୀ ସମ୍ବନ୍ଧିତ ରୋଗରେ ପୀଡ଼ିତ ଲୋକମାନଙ୍କ ଆବଶ୍ୟକତାକୁ ଲକ୍ଷ୍ୟ କରି ମନୀଷ ସେମାନଙ୍କୁ ସହଯୋଗ କରୁଛନ୍ତି। ୩୦ ବର୍ଷୀୟ ମନୀଷ ଉତ୍ତରାଖଣ୍ଡ ଅଗ୍ନିଶମ ବିଭାଗରେ ଫାୟାରମ୍ୟାନ୍ ଭାବେ କାର୍ଯ୍ୟକରନ୍ତି। ସେ ପୌରି ସହରର ବାସିନ୍ଦା। ଲକ୍ଡାଉନ୍ରେ ଡେରାଡୁନ, ଆଲମୋରା, ଚାମୋଲି, ପିଥୋରଗଡ, ରୁଦ୍ରପୟାଗ, ଉତ୍ତରାକାଶୀ ଓ ଅନ୍ୟ ସହରରେ ମାର୍ଚ୍ଚ ୨୨ ଜନତା କଫୁର୍ୟଠାରୁ ଏପର୍ଯ୍ୟନ୍ତ ସେ ବରିଷ୍ଠ ନାଗରିକ, ଗର୍ଭବତୀ ଓ ପିଲାମାନଙ୍କୁ ଏହି ସେବା ଯୋଗାଇଆସୁଛନ୍ତି। ସେ ଦିନବେଳା ଡ୍ୟୁଟିକୁ ଯାଉଛନ୍ତି ଓ ରାତିରେ ରୋଗୀମାନଙ୍କ ନିକଟରେ ଓ୍ୟଷଧ ପହଞ୍ଚାଉଛନ୍ତି। ‘ଅପରେଶନ୍ ସଞ୍ଜିବନୀ’ ମାଧ୍ୟମରେ ଏହି ସେବା ଜାରି ରଖିଛନ୍ତି। ଏଥିପାଇଁ ଲୋକେ ତାଙ୍କୁ ‘ଫାୟାରମ୍ୟାନ୍’ ବଦଳରେ ‘ମେଡିସିନ ମ୍ୟାନ୍’ ବୋଲି ସମ୍ବୋନ୍ଧନ କରୁଛନ୍ତି। ଯେଉଁମାନଙ୍କର ଓ୍ୟଷଧ ଆବଶ୍ୟକ ସେମାନେ ଫେସ୍ବୁକରେ ଜଣାଇବା ସହ ସେମାନଙ୍କ ଠିକଣା ଓ ଡାକ୍ତରଙ୍କ ପ୍ରେସ୍କ୍ରିପ୍ସନର ଫଟୋ ପୋଷ୍ଟ କରିବା ଲାଗି ଅନୁରୋଧ କରୁଛନ୍ତି। ଏ ସବୁ ତଥ୍ୟ ପାଇବା ପରେ ସେ ରାତିରେ ଓ୍ୟଷଧ ଧରି ସେମାନଙ୍କ ଘର ଅଭିମୁଖେ ବାହାରିଯାଉଛନ୍ତି। ମନୀଷ ଏଥିପାଇଁ ତାଙ୍କ ଘର ପାଖରୁ ୧୦୦ କି.ମି ଦୂରରେ ଥିବା ଲୋକଙ୍କ ପାଖରେ ପହଞ୍ଚି ଯାଉଛନ୍ତି। ପ୍ରତିକୂଳ ପରିବେଶରେ ହିମାଳୟର ବିପଦପୂର୍ଣ୍ଣ ପାହାଡ଼ିଆ ରାସ୍ତାରେ ସେ ବାଇକ୍ରେ ଯାଉଛନ୍ତି। ବିଭିନ୍ନ ଅଞ୍ଚଳର ଦୁର୍ଗମ ଗାଁରେ ପହଞ୍ଚିବା ପାଇଁ ତାଙ୍କ ସାଙ୍ଗମାନେ ସହଯୋଗ କରୁଛନ୍ତି। ସେ ଏଥିପାଇଁ ନିଜ ପକେଟ୍ରୁ ଅଧିକ ଖର୍ଚ୍ଚ କରୁଛନ୍ତି, କିନ୍ତୁ ପାଉଛନ୍ତି କମ୍। ଯେଉଁମାନେ ଅତ୍ୟାବଶ୍ୟକ ସାମଗ୍ରୀ କିଣିପାରୁନାହାନ୍ତି ସେମାନଙ୍କୁ ବି ମନୀଷ ସାହାଯ୍ୟ କରୁଛନ୍ତି।
