ଆମେ ପୃଥିବୀକୁ ପରିବର୍ତ୍ତନ କରିପାରିବା ନାହିଁ, କିନ୍ତୁ ଅନ୍ୟମାନଙ୍କ ଲାଗି ଏକ ଭଲ ଜୀବନର ଆଶା ସୃଷ୍ଟି କରିପାରିବା। ଏମିତି ଭାବନା ଆଣି ସମାଜସେବାରେ ଲାଗିଛନ୍ତି ନାଗାଲାଣ୍ଡର ଡିମାପୁରନିବାସୀ ସୁବୋନେମ୍ବା ଲଙ୍ଗକୁମେର୍। ନିଜସ୍ବ ଉଦ୍ୟମରେ ପ୍ରତିଷ୍ଠା କରିଛନ୍ତି ସ୍କୁଲ୍। ଯୌନ ଶୋଷଣର ଶିକାର ହେଉଥିବା ଶିଶୁ ଓ ଶିଶୁଶ୍ରମିକଙ୍କୁ ଉଦ୍ଧାର କରି ଶିକ୍ଷା ଦେଉଛନ୍ତିି। ୯ ବର୍ଷ ବୟସରେ ସୁବୋନେମ୍ବା ପିତାଙ୍କୁ ଓ ୧୨ବର୍ଷ ବୟସରେ ମା’ଙ୍କୁ ହରାଇ ମାମୁ ଘରେ ରହିଥିଲେ। ପିତାଙ୍କର ଜଣେ ବନ୍ଧୁଙ୍କଠାରୁ ସାହାଯ୍ୟ ପାଇ ପଢିବା ସହ ହୋଟେଲରେ ପାଣିଦେବା, ଜାଳେଣି କାଠ ସଂଗ୍ରହ କରିବା, ଅତିଥିମାନଙ୍କ ପାଇଁ ରୋଷେଇ କରିବା ସହ ଘରର ବିଭିନ୍ନ କାର୍ଯ୍ୟ କରୁଥିଲେ। ୨୦୦୦ରେ ଡିଗ୍ରୀ ହାସଲ କରିବା ପରେ ପ୍ରଥମେ ସେ ଶିକ୍ଷା ମାଧ୍ୟମରେ ଶିଶୁଶ୍ରମିକଙ୍କୁ ଥଇଥାନ କରିବା ଲାଗି କାର୍ଯ୍ୟ କରୁଥିବା ଏକ ଏନ୍ଜିଓରେ ଡ୍ରାଇଭର ଭାବେ କାର୍ଯ୍ୟ କରିଥିଲେ। ନିଜେ ଏକ ସେକେଣ୍ଡ ହ୍ୟାଣ୍ଡ କାର୍ କିଣି ଚଲାଉଥିତ୍ଲେ। ଏନ୍ଜିଓ ଅନ୍ୟତ୍ର ଚାଲିଯିବା ପରେ ସ୍କୁଲରେ ସେତେବେଳେ ୧୮୦ ପିଲା ଥିଲେ। କାର ବିକ୍ରି କରି ଶିକ୍ଷକମାନଙ୍କୁ ଦରମା ଦେଇ ପୁଣି ସ୍କୁଲ୍ ଚଳାଇଥିଲେ। ଏବେ ସୁବୋନେମ୍ବା ଡିମାପୁରରେ ଏକ ସ୍କୁଲ୍, ଟୁଲିରେ ଏକ ଆବାସିକ ସ୍କୁଲ୍, ଅନୌପଚାରିକ ଭାବେ ରାଜ୍ୟର ବିଭିନ୍ନ ଜାଗାରେ ୧୫ଟି ସ୍କୁଲ୍ ଏବଂ ଏକ ମୋବାଇଲ ମେଡିକାଲ ୟୁନିଟ୍ ଚଳାଉଛନ୍ତି।
