‘ଅତ୍ୟାଚାର, ଆକ୍ରୋଶ ବିରୋଧରେ ମୁହଁ ଖୋଲନ୍ତୁ ମହିଳା’

ନାତୁଣୀ ହାକିମ ହେଉ, ଏହା ଥିଲା ଜେଜେଙ୍କ ଇଚ୍ଛା। ସେହି ସ୍ବପ୍ନ ଏବେ ପୂରଣ ହୋଇଛି। ହେଲେ ନାତୁଣୀର ଏହି ଖୁସି ଦେଖିବାକୁ ଜେଜେ ନାହାନ୍ତି। କେବେଠୁ ତାଙ୍କର ସ୍ବର୍ଗାବାସ ହୋଇସାରିଛି। ସେ ଥିଲେ ନିଶ୍ଚିତ ଏହି ଖୁସି ଦ୍ୱିଗୁଣିତ ହୋଇଥାନ୍ତା ବୋଲି କହିଛନ୍ତି ଓଡ଼ିଶା ଜୁଡିସିଆଲ ସର୍ଭିସ (ଓଜେଏସ୍‌) ପରୀକ୍ଷାରେ ରାଜ୍ୟ ଟପ୍ପର ହୋଇଥିବା ଅନୁଗୋଳ ଶୁଶୁଡ଼ାର ଈପ୍‌ସିତା ଅଭିନନ୍ଦିତା ମିଶ୍ର(୨୪)। ରୋଟାରୀ ପବ୍ଲିକ ସ୍କୁଲରେ ସ୍କୁଲ ଶିକ୍ଷା ଶେଷ କରିଥିବା ଈପ୍‌ସିତା ଡିଏଭି ପବ୍ଲିକ ସ୍କୁଲରେ ଯୁକ୍ତ ୨ ପଢ଼ିଥିଲେ। ପରେ ଭୁବନେଶ୍ୱରସ୍ଥିତ ୟୁନିଭର୍ସିଟି ଲ’ କଲେଜରେ ସ୍ନାତକ ଓ ଉତ୍କଳ ବିଶ୍ୱବିଦ୍ୟାଳୟରେ ଥିବା ଏଲ୍‌ଏଲ୍‌ଏମ୍‌ରେ ସ୍ନାତକୋତ୍ତର କରିଥିଲେ। ସେହି ପରୀକ୍ଷା ଫଳ ବାହାରି ନ ଥିବାବେଳେ ପ୍ରଥମ ଥର ଓଜେଏସ୍‌ ପରୀକ୍ଷାରେ ତାଙ୍କୁ ଶ୍ରେଷ୍ଠ ହେବାର ସଫଳତା ମିଳିଛି। ଜେଜେବାପା ସ୍ବର୍ଗତ ପଣ୍ଡିତ ନିତ୍ୟାନନ୍ଦ ମିଶ୍ରଙ୍କ ଆଶୀର୍ବାଦ, ଆଇନଜୀବୀ ସୁରେଶ କୁମାର ମିଶ୍ରଙ୍କ ଠାରୁ ପ୍ରୋତ୍ସାହନ ଓ ଆଶୁତୋଷ ମିଶ୍ର, ୟୁ.ସି. ମିଶ୍ରଙ୍କ ମାର୍ଗଦର୍ଶନ ଯୋଗୁ ସେ ଏହି ସଫଳତା ହାସଲ କରିପାରିଛନ୍ତି। ବାପା ଆଇନଜୀବୀ ଧ୍ରୁବ ଚରଣ ମିଶ୍ର ଓ ମା’ ଅବସରପ୍ରାପ୍ତ ଶିକ୍ଷୟିତ୍ରୀ ହିଲୋଲିନୀ ମିଶ୍ରଙ୍କ ପ୍ରେରଣା ତାଙ୍କୁ ବିନା କୋଚିଂରେ ବିଚାରପତି ହେବାର ସୌଭାଗ୍ୟ ଦେଇପାରିଛି ବୋଲି ଈପ୍‌ସିତା ପ୍ରକାଶ କରିଛନ୍ତି। ଓଡ଼ିଶୀ ନୃତ୍ୟରେ ରୁଚି ରଖୁଥିବା ଈପ୍‌ସିତା ରାଜ୍ୟପାଳ ଟ୍ରଫି ପାଇଥିଲେ ବି ଏବେ ନ୍ୟାୟିକ ବ୍ୟବସ୍ଥାରେ ରହି ସମସ୍ତଙ୍କୁ ଉପଯୁକ୍ତ ନ୍ୟାୟ ପ୍ରଦାନ କରିବେ ବୋଲି ‘ଧରିତ୍ରୀ’ ସହ ଆଳାପ ବେଳେ କହିଛନ୍ତି।

ପ୍ରଶ୍ନ: କେମିତି ଥିଲା ପ୍ରସ୍ତୁତି?
ଭୁବନେଶ୍ୱରସ୍ଥିତ ୟୁନିଭର୍ସିଟି ଲ’ କଲେଜରେ ପ୍ରଥମ ବର୍ଷ ନାମ ଲେଖାଇବା ସମୟରେ ଓଜେଏସ୍‌ ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କରିଥିଲି। ପାଠ ପଢ଼ା ସହ ସମୟ ପାଇଲେ ଉକ୍ତ ପ୍ରସ୍ତୁତି ଦିଗରେ ଅଗ୍ରସର ହେଉଥିଲି।
ପ୍ରଶ୍ନ: ଏବେ ଟପ୍ପର, କିପରି ଲାଗୁଛି?
ଲିଖିତ ସହ ମୌଖିକ ପରୀକ୍ଷା ଭଲ ହୋଇଥିଲା। ଓଜେଏସ୍‌ ପାଇବି ବୋଲି ନିଶ୍ଚିତ ଥିଲି। କିନ୍ତୁ ପ୍ରଥମ ସ୍ଥାନ କଥା ଭାବି ନ ଥିଲି। ଯେତିକି ଖୁସି ଲାଗୁଛି, ଜେଜେ ଥିଲେ ତାହା ବହୁ ଅଧିକ ହୋଇଥାନ୍ତା।
ପ୍ରଶ୍ନ: ନ୍ୟାୟିକ ଆସ୍ଥାକୁ କିପରି ବଜାୟ ରଖିବେ?
ବ୍ୟବସ୍ଥାରେ ଏବେ ସମ୍ପୂର୍ଣ୍ଣ ଅନଭିଜ୍ଞ। ଓଡ଼ିଶା ଜୁଡିସିଆଲ ଏକାଡେମୀରେ ଗୋଟିଏ ବର୍ଷ ପ୍ରୋବେଶନରେ ରହିବି। ସେଠାରୁ ବହୁତ କିଛି ଶିଖିବାର ଅଛି। ଏଥିସହ ନ୍ୟାୟିକ ବ୍ୟବସ୍ଥାରେ ପ୍ରତ୍ୟେକ ଦିନ କିଛି ନା କିଛି ଶିଖିବାକୁ ପଡ଼ିଥାଏ। ତେଣୁ ନ୍ୟାୟାଳୟକୁ ଆସୁଥିବା ପ୍ରତ୍ୟେକ ଲୋକଙ୍କୁ ନ୍ୟାୟ ଦେବା ପାଇଁ ଚେଷ୍ଟା କରିବି।
ପ୍ରଶ୍ନ: ଅସଂଖ୍ୟ ମାମଲା ସହ ବିଚାରରେ ବିଳମ୍ବ, ଏହାକୁ ନେଇ କ’ଣ କହିବେ?
କାରଣ ହେଉଛି କୋର୍ଟରେ ଆବଶ୍ୟକ ସଂଖ୍ୟକ ବିଚାରପତି ଓ କର୍ମଚାରୀ ନାହନ୍ତି। ଫଳରେ ନ୍ୟାୟିକ ବ୍ୟବସ୍ଥାରେ ମାମଲା ଗୁଡ଼ିକର ତ୍ୱରିତ ଫଇସଲା ହୋଇପାରୁନାହିଁ।
ପ୍ରଶ୍ନ: ବଢ଼ୁଥିବା ନାରୀ ନିର୍ଯାତନା ଏବେ ବଡ଼ ସମସ୍ୟା, ରୋକିବାର ଉପାୟ କ’ଣ?
ବିଭିନ୍ନ ନିର୍ଯାତନା, ଆକ୍ରୋଶ ବିରୋଧରେ ମହିଳାମାନେ ଆଇନର ଆଶ୍ରୟ ନେଉଥିବା ଦେଖାଯାଉଛି। ହେଲେ ଏବେ ବି ଅନେକେ ଲୋକଲଜ୍ଜା କାରଣରୁ ଚୁପ୍‌ ରହିଯାଉଛନ୍ତି। ସେମାନେ ମୁହଁ ଖୋଲିବା ଦରକାର। ଏହାଦ୍ୱାରା ହିଁ ସମାଜରେ ଥିବା ଖଳ ପ୍ରକୃତିର ଲୋକମାନେ ଦଣ୍ଡିତ ହେବେ ଓ ମହିଳାମାନେ ସୁରକ୍ଷିତ ରହିପାରିବେ।
ପ୍ରଶ୍ନ:କୋର୍ଟ ପ୍ରତି ଥିବା ଲୋକଙ୍କ ଭୟ କେମିତି ଦୂର ହେବ?
ଉତ୍ତର: ଅଦାଲତକୁ ଲୋକମାନେ ଭୟ କରିବା କଥା ନୁହେଁ। ଏହାଛଡ଼ା କୋର୍ଟ ନ ଆସି ବି ସେମାନେ ନ୍ୟାୟ ପାଇପାରିବେ। ଏଥିପାଇଁ ଲୋକ ଅଦାଲତ ହେଲାଣି ଓ ତା’ ସାଙ୍ଗକୁ ଟ୍ରିବ୍ୟୁନାଲ ମଧ୍ୟ ରହିଛି। ଜନସାଧାରଣ ସଚେତନ ହେଲେ ଏସବୁ ଫୋରମରେ ସେମାନଙ୍କ ମାମଲାର ବିଚାର ହୋଇପାରିବ।
ପ୍ରଶ୍ନ: ନ୍ୟାୟ ବ୍ୟବସ୍ଥା ଓ ଓଡ଼ିଶୀ ନୃତ୍ୟ ନିଶା, ଏକାଠି କ’ଣ ସମ୍ଭବ?
ଓଡ଼ିଶୀ ନୃତ୍ୟ ମୋର ନିଶା। ସ୍କୁଲ କ୍ୟାରିୟରରୁ ଏହାକୁ ନେଇ ଆଗକୁ ବଢ଼ିଆସିଛି। ଭୁବନେଶ୍ୱର, ହାଇଦ୍ରାବାଦ, ଦିଲ୍ଲୀ, ଭୋପାଳରେ ଭଲ ପ୍ରଦର୍ଶନ କରିଛି। ରାଜ୍ୟପାଳ ଟ୍ରଫି ବି ପାଇଛି। ନ୍ୟାୟିକ ବ୍ୟବସ୍ଥାରେ ବାନ୍ଧି ହେବା ପରେ ଘରେ ନୃତ୍ୟ ଅଭ୍ୟାସ ଜାରି ରଖିଛି। ସୁଯୋଗ ପାଇଲେ ନିଶ୍ଚିତ ଭାବେ ଓଡ଼ିଶୀ ନୃତ୍ୟ ପରିବେଷଣ କରିବି।

 


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ଫେୟାର୍‌ନେସ୍‌ କ୍ରିମ୍‌ ବ୍ୟବହାରରୁ ନାବାଳିକାଙ୍କୁ କିଡନୀ ରୋଗ

ଥିରୁଭାନନ୍ତପୁରମ, ୨୨ା୧୧: ଅନ୍‌ଲାଇନରୁ କିଣାଯାଇଥିବା ପାରଦ ମିଶ୍ରିତ ଫେୟାରନେସ୍‌ କ୍ରିମ ବ୍ୟବହାର କରିବା ପରେ କେରଳର ଜଣେ ୧୭ ବର୍ଷୀୟା ନାବାଳିକାଙ୍କଠାରେ ଗୁରୁତର କିଡ୍‌ନୀ ସମସ୍ୟା ଦେଖାଦେଇଛି।…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ରାଜନୀତି ମଇଦାନରେ କ୍ରିକେଟର ୟୁଜବେନ୍ଦ୍ର ଚହଲ; ଭାଜପାରେ ହେଲେ ସାମିଲ, ମିଳିଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୨।୧୧: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ତାଙ୍କର ରାଜନୈତିକ ଇନିଂସ ଆରମ୍ଭ କରିବାର ଘୋଷଣା କରିଛନ୍ତି। ସେ ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ତାଙ୍କୁ…

ମେଟା କାର୍ଯ୍ୟାଳୟରେ ଯୁବକଂଗ୍ରେସର ଭଙ୍ଗାରୁଜା

ନୂଆଦିଲ୍ଲୀ,୨୨ା୧୧: କେତେଜଣ ଦଳୀୟ ନେତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟକୁ ମେଟା ହଟାଇ ଦେଇଥିବାରୁ ଏହା ବିରୋଧରେ ଯୁବ କଂଗ୍ରେସ ପକ୍ଷରୁ ମୁମ୍ୱାଇ, ହାଇଦ୍ରାବାଦ, ଗୁରୁଗ୍ରାମ ଆଦି ବିଭିନ୍ନ ସ୍ଥାନରେ…

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?