ମଦୁରାଇ,୧୮।୬: ୟୁକେର ଶିକ୍ଷା ବ୍ୟବସ୍ଥାର ଶୈଳୀ ଭଳି ଭାରତରେ ମଧ୍ୟ ପାଠପଢ଼ାକୁ ମଜାଳିଆ କରିବା ପାଇଁ ଉଦ୍ୟମ ଆରମ୍ଭ ହୋଇଛି। ଟ୍ରେନ୍ର ଖେଳନା ହେଉ କି ସତରେ ଏହାକୁ ଦେଖିବା ପାଇଁ ପିଲାମାନେ ବହୁତ ଭଲ ପାଆନ୍ତି। ଛୁଆମାନଙ୍କୁ ପାଠପଢ଼ା ପ୍ରତି ଆକୃଷ୍ଟ କରିବା ପାଇଁ ଚେନ୍ନାଇର ମଦୁରାଇରେ ଥିବା ୧୫୦ ବର୍ଷର ପୁରୁଣା ସ୍କୁଲକୁ ଏକ ଟ୍ରେନ୍ ଭଳି ଡିଜାଇନ୍ କରାଯାଇଛି। ଉଚ୍ଚତମ ମାଧ୍ୟମିକ ସ୍କୁଲରେ ୨ହଜାରରୁ ଊର୍ଦ୍ଧ୍ୱ ପିଲା ପାଠ ପଢ଼ୁଥିବା ବେଳେ କେବଳ ପ୍ରାଇମେରି ବିଭାଗରେ ଶହେ ଜଣ ଛାତ୍ରୀଛାତ୍ର ରହିଛନ୍ତି। ଚଳିତ ଥର ସ୍କୁଲରେ ଛାତ୍ରୀଛାତ୍ରଙ୍କ ସଂଖ୍ୟା ଆହୁରି ବୃଦ୍ଧି ପାଇଁ ଆଡମିଶନ୍ରେ କିଛି ପରିବର୍ତ୍ତନ କରାଯାଇଛି। ପିଲାଙ୍କ ପାଇଁ ସ୍କୁଲର କୋଠରୀଗୁଡ଼ିକୁ ଟ୍ରେନ୍ ବଗିର ରୂପ ଦିଆଯାଇଛି। ଯାହାକୁ ଦେଖିଲେ ଲାଗିବ ଟ୍ରେନ୍ଟି ମଦୁରାଇରୁ ଚେନ୍ନାଇକୁ ଯାଉଛି।
