ହିତାଧିକାରୀଙ୍କ ଘର ଆଗରେ ଅଧିକାରୀ

ଭଦ୍ରକ ଅଫିସ,୧୪।୩- ପ୍ରଧାନମନ୍ତ୍ରୀ ଆବାସ ଯୋଜନାରେ ଗ୍ରାମାଞ୍ଚଳର ଲୋକଙ୍କୁ ଗୃହ ଯୋଗାଇ ଦିଆଯାଉଛି। ସମସ୍ତେ ଯେପରି ପକ୍କାଘର ପାଇପାରିବେ ସେ ନେଇ ପ୍ରୟାସ ଜାରି ରହିଛି। କିନ୍ତୁ ଭଦ୍ରକ ଜିଲାରେ ଅଧିକାଂଶ ହିତାଧିକାରୀ କାର୍ଯ୍ୟାଦେଶ ପାଇ ମଧ୍ୟ ଘର କରିନାହାନ୍ତି, ଯାହାର ପରିଣାମସ୍ବରୂପ ଜିଲା ଏ କ୍ଷେତ୍ରରେ ପଛରେ ପଡ଼ିଯାଇଛି। ଏଥିପାଇଁ ଜିଲାସ୍ତରୀୟ ଅଧିକାରୀମାନେ ଗଁାକୁ ଯାଇ ଘର ଘର ବୁଲି ହିତାଧିକାରୀମାନଙ୍କୁ ସଚେତନ କରୁଥିବା ଦେଖିବାକୁ ମିଳିଛି।
୨୦୧୯-୨୦ ଆର୍ଥିକ ବର୍ଷରେ ଏହି ଯୋଜନାରେ ଭଦ୍ରକ ଜିଲା ରାଜ୍ୟରେ ୨୫ ନମ୍ବରରେ ରହିଛି। ଅର୍ଥାତ୍‌ ସ୍ଥିତି ନୈରାଶ୍ୟଜନକ। ଏ ସମ୍ପର୍କରେ ଦୈନିକ ରାଜ୍ୟସ୍ତରରୁ ସମୀକ୍ଷା ପରେ ସମୀକ୍ଷା କରାଯାଉଛି, କିନ୍ତୁ ଫଳ ଆଶାତୀତ ମିଳିପାରୁନାହିଁ। ଜିଲାସ୍ତରୀୟ ଅଧିକାରୀମାନେ ପ୍ରଧାନମନ୍ତ୍ରୀ ଆବାସ କାର୍ଯ୍ୟାଦେଶ ପାଇଥିବା ହିତାଧିକାରୀଙ୍କୁ ଭେଟିବା ପାଇଁ ଏବେ ସପ୍ତାହରେ ପ୍ରାୟ ୩ରୁ ୪ଦିନ ଗଁାମୁହଁା। ବ୍ଲକସ୍ତରୀୟ ଅଧିକାରୀ, ପଞ୍ଚାୟତର ଜିଆର୍‌ଏସ୍‌ ଓ କାର୍ଯ୍ୟନିର୍ବାହୀ ଅଧିକାରୀଙ୍କୁ ନେଇ ହିତାଧିକାରୀଙ୍କ ଘରକୁ ଯାଇ ତୁରନ୍ତ କାମ ସାରିବାକୁ ପରାମର୍ଶ ଦେବା ସହ ତାଗିଦ୍‌ ମଧ୍ୟ କରୁଛନ୍ତି। ହେଲେ ଆଶାତୀତ ଫଳ ମିଳିପାରୁ ନ ଥିବା ରିପୋର୍ଟରୁ ଜଣାପଡ଼ିଛି। ମିଳିଥିବା ରିପୋର୍ଟ ମୁତାବକ, ସମ୍ବଲପୁର ଜିଲାର ହିତାଧିକାରୀ ସର୍ବାଧିକ ଘର ସମ୍ପୂର୍ଣ୍ଣ କରି ୧ ନମ୍ବରରେ ରହିଥିବାବେଳେ ଝାରସୁଗୁଡ଼ା ୨ ଓ ଗଞ୍ଜାମ ୩ ନମ୍ବରରେ ରହିଛି। ଭଦ୍ରକର ସ୍ଥାନ ନୈରାଶ୍ୟଜନକ ନେଇ ଅଧିକାରୀମାନଙ୍କୁ ଚିନ୍ତାରେ ପକାଇଛି।
ଜିଲାସ୍ତରୀୟ ରିପୋର୍ଟକୁ ସମୀକ୍ଷା କଲେ ଜିଲାର ୭ଟି ବ୍ଲକରେ ଆର୍ଥତ୍କ ବର୍ଷର ଏପ୍ରିଲରେ ୨୯,୪୨୯ଟି ଗୃହ ହିତାଧିକାରୀଙ୍କୁ ବଣ୍ଟନ କରାଯାଇଥିଲା। ଚଳିତ ମାର୍ଚ୍ଚ ୩୧ ସୁଦ୍ଧା ସାରିବାକୁ ଧାର୍ଯ୍ୟ ହୋଇଥିଲା। କିନ୍ତୁ ମାସ ଶେଷହେବାକୁ ୧୫ ଦିନ ବାକି ରହିଥିଲେ ମଧ୍ୟ ଫଳ ନୈରାଶ୍ୟଜନକ ରହିଛି। ମାତ୍ର ୪୨.୪୮ ପ୍ରତିଶତ ଗୃହ ନିର୍ମାଣ କାର୍ଯ୍ୟ ଶେଷ ହୋଇଛି। ୧୧ ହଜାର ୫୭ ଗୃହ ନିର୍ମାଣ କାର୍ଯ୍ୟ ଆରମ୍ଭ ହୋଇନାହିଁ। ବାସୁଦେବପୁର ବ୍ଲକରେ ୨୨୯୫, ଭଦ୍ରକରେ ୧୦୩୭, ଭଣ୍ଡାରିପୋଖରୀରେ ୮୧୨, ବନ୍ତରେ ୧୨୧୧, ଚାନ୍ଦବାଲିରେ ୨୭୭୫, ଧାମନଗରରେ ୧୧୬୧ ଏବଂ ତିହିଡ଼ିରେ ୧୭୬୬ ହିତାଧିକାରୀ ପ୍ରଥମ କିସ୍ତି ଟଙ୍କା ନେଇ କାର୍ଯ୍ୟ ଆରମ୍ଭ କରିନାହାନ୍ତି। ଜିଲାସ୍ତରୀୟ ଅଧିକାରୀ, ପ୍ରକଳ୍ପ ନିର୍ଦ୍ଦେଶକ, ସହାୟକ ପ୍ରକଳ୍ପ ନିର୍ଦ୍ଦେଶକ, ଏଷ୍ଟିମେଟର ଓ ଏକ୍‌ଜିକ୍ୟୁଟିଭ୍‌ ଇଞ୍ଜିନିୟରମାନେ ଏହି ହିତାଧିକାରୀମାନଙ୍କ ଘରକୁ ଯାଇ ତୁରନ୍ତ ଘର ନିର୍ମାଣ କରି ସରକାରୀ ଟଙ୍କା ନେବାକୁ ପରାମର୍ଶ ଦେଉଛନ୍ତି। ଏ ସମ୍ପର୍କରେ ଅତିରିକ୍ତ ପ୍ରକଳ୍ପ ନିର୍ଦ୍ଦେଶକ ରାଜେନ୍ଦ୍ର କୁମାର ପଣ୍ଡାଙ୍କୁ ପଚାରିବାରୁ ସେ କହିଛନ୍ତି ଯେ, ଘର ଘର ବୁଲି ସଚେତନ କରାଯାଉଛି ହେଲେ ହିତାଧିକାରୀମାନେ ବିଭିନ୍ନ କାରଣ ଦର୍ଶାଇ ଫାଙ୍କୁଛନ୍ତି। କିଏ ଲଗାଣ ବର୍ଷା କାରଣରୁ ଘର କରିପାରି ନ ଥିବା ଦର୍ଶାଉଥିବା ବେଳେ ଅନ୍ୟ କେତେଜଣ ଚତୁରତାର ସହ ପ୍ରତିକ୍ରିୟା ରଖୁଛନ୍ତି। ଅନ୍ୟପକ୍ଷେ ବିଡିଓମାନଙ୍କୁ ନେଇ ଉପଯୁକ୍ତ ସମୟ ବ୍ୟବଧାନରେ ସ୍ଥିତିର ଉନ୍ନତି ଲାଗି ସମୀକ୍ଷା କରାଯାଉଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ୪୦୭୩ ବି.ଟେକ୍‌ ସିଟ୍‌ ହ୍ରାସ

ଭୁବନେଶ୍ୱର, ୯ା୭(ବ୍ୟୁରୋ)- ପ୍ରତିବର୍ଷ ରାଜ୍ୟରେ ବିଭିନ୍ନ ଇଞ୍ଜିନିୟରିଂ କଲେଜରେ ବି.ଟେକ୍‌ ସିଟ୍‌ ଖାଲି ପଡ଼ୁଛି। କେବଳ ଘରୋଇ ନୁହେଁ, ସରକାରୀ କଲେଜରେ ମଧ୍ୟ ସିଟ୍‌ ପୂରଣ...

କରୋନା ସଚେତନତା କଲା ଯୁବକ ସଂଘ

ବନ୍ତ,୨୯।୩(ଡି.ଏନ୍‌.ଏ.): ଭଦ୍ରକ ଜିଲା ବନ୍ତ ବ୍ଲକ ନିଳୋକସ୍ଥିତ ନିଳକଣ୍ଠେଶ୍ୱର ୟୁନାଇଟେଡ୍‌ ୟୁଥ୍‌ କ୍ଲବର ସଦସ୍ୟମାନେ ଗ୍ରାମ ପରିକ୍ରମା କରି ଲୋକମାନଙ୍କୁ କରୋନା ସଚେତନତା କରାଇଥିବାର ଦେଖାଯାଇଛି।...

୪ ଘଣ୍ଟା ମହାପ୍ରଭୁଙ୍କ ଦର୍ଶନ ବନ୍ଦ

ପୁରୀ ଅଫିସ, ୧୧।୩: ଶ୍ରୀମନ୍ଦିରରେ ବୁଧବାର ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଦ୍ୱିପ୍ରହର ଧୂପ ସରିବା ପରେ ଦତ୍ତ ମହାପାତ୍ର ସେବକମାନେ ଶ୍ରୀମନ୍ଦିର ଗର୍ଭଗୃହକୁ...

ଶାସକ ଦଳକୁ ବିଷ୍ଣୁ, ସୁରେଶଙ୍କ ସମାଲୋଚନା

ଭୁବନେଶ୍ୱର,୨।୭(ବ୍ୟୁରୋ): ରାଜ୍ୟ ସରକାର ୨୦୧୯-୨୦ ଆର୍ଥିକ ବର୍ଷ ପାଇଁ ବଜେଟ ଉପସ୍ଥାପନ କରିସାରିଛନ୍ତି। ଏହା ଉପରେ ସୋମବାରଠାରୁ ବିଧାନସଭାରେ ଆଲୋଚନା ଆରମ୍ଭ ହୋଇଛି। ଅଧିବେଶନର ଦ୍ୱିତୀୟାର୍ଦ୍ଧରେ...

ଆଜି ରାଜ୍ୟରେ ସର୍ବାଧିକ ଆକ୍ରାନ୍ତ ଚିହ୍ନଟ: କ୍ୱାରାଣ୍ଟାଇନ୍‌ ସେଣ୍ଟରର ୧୧୯, ଲୋକାଲ କେସ୍‌ ୧୦

ଭୁବନେଶ୍ୱର,୩୧।୫(ବ୍ୟୁରୋ): ରବିବାର ରାଜ୍ୟରେ ସର୍ବାଧିକ ୧୨୯ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ନୂଆ ପଜିଟିଭ୍‌ ୧୯ ଜିଲାର ଥିବା ବେଳେ କେନ୍ଦ୍ରାପଡ଼ାରୁ ସର୍ବାଧିକ ଆକ୍ରାନ୍ତ ଅଛନ୍ତି।...

ସନ୍ଧ୍ୟାରେ ନବୀନ-ଧର୍ମେନ୍ଦ୍ର ସାକ୍ଷାତ

ଭୁବନେଶ୍ୱର,୨୭।୨(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ମଧ୍ୟରେ ଗୁରୁବାର ସାକ୍ଷାତ ଆଲୋଚନା ହେବାର କାର୍ଯ୍ୟକ୍ରମ ରହିଛି। ସନ୍ଧ୍ୟା ୬ଟାରେ ଲୋକ ସେବା...

ମେଡିକାଲ ପାଇଁ ସ୍ପଟ୍‌ ଆଡମିଶନ

ଭୁବନେଶ୍ୱର,୩।୮(ବ୍ୟୁରୋ): ଖାଲିଥିବା ମେଡିକାଲ ଓ ଡେଣ୍ଟାଲ କଲେଜ ପାଇଁ ସ୍ପଟ୍‌ ଆଡମିଶନ ହେବ। ରବିବାରଠାରୁ ୩ ଦିନ ଧରି ଏହି ସ୍ପଟ୍‌ ଆଡମିଶନ ଚାଲିବ। ବର୍ତ୍ତମାନ...

ଶ୍ରୀମନ୍ଦିର ବାଇଶିପାହଚ ହେବ ମରାମତି

ପୁରୀ ଅଫିସ, ୨୭।୧୦: ମରାମତି ହେବ ଶ୍ରୀମନ୍ଦିର ବାଇଶିପାହଚ। ଏଥିପାଇଁ ଏଏସ୍‌ଆଇର ଏକ ୪ ଜଣିଆ ଟିମ୍‌ ବୁଧବାର ଶ୍ରୀମନ୍ଦିରରେ ଅନୁଧ୍ୟାନ କରିଛନ୍ତି। ବାଇଶି ପାହାଚ...


Coronavirus Update

Archives

Model This Week

Why Dharitri