ହତ୍ୟାକାରୀଙ୍କୁ ଆଜୀବନ ଜେଲ
7:52 amJanuary 29, 2020January 29, 2020 / 21

ଆଠମଲ୍ଲିକ, ୨୯ା୧(ଡି.ଏନ.ଏ.) – ଆଠମଲ୍ଲିକ ଆଡିଶନାଲ ସେସନ୍ସ ଜଜ୍‌ ଏସ୍‌. ଆର୍‌. ସାମନ୍ତ ମଙ୍ଗଳବାର ଏକ ହତ୍ୟା ମାମଲାର ଶୁଣାଣି କରି ଦୁଇ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିବା ସହ ଆଜୀବନ କାରାଦଣ୍ଡ ଶୁଣାଇଛନ୍ତି। ମାମଲାର ବିବରଣୀରୁ ପ୍ରକାଶ, ୨୦୧୬ ସେପ୍ଟେମ୍ବର ୧୦ରେ ହଣ୍ଡପା ଥାନା ପ୍ରତାପପୁର ଗ୍ରାମର ସଞ୍ଜୟ ମାହାରଙ୍କୁ ସେହି ଥାନା ବଇଶିଣା ଗ୍ରାମର ଭଦ୍ରି ମାହାର (୪୦) ଓ ପ୍ରତାପପୁର ଗ୍ରାମର ବୀରେନ ବେହେରା (୨୫) ଘରୁ ଅପହରଣ କରି ଆଣିବା ସହ ଠେଙ୍ଗାରେ ମାଡ଼ ମାରିଥିଲେ। ସେଠାରେ ସଞ୍ଜୟଙ୍କ ମୃତ୍ୟୁ ହେବା ପରେ ଅଭିଯୁକ୍ତମାନେ ମୃତଦେହକୁ କଟରଙ୍ଗା ଗ୍ରାମ ବେହେରାବନ୍ଧରେ ଫିଙ୍ଗି ଦେଇଥିଲେ। ଏ ସଂକ୍ରାନ୍ତରେ ଥାନାରେ ନଂ. ୧୧୦/୧୬ରେ ଏକ ମାମଲା ରୁଜୁ କରିବା ସହ ପୋଲିସ ଭଦ୍ରି ଓ ବୀରେନଙ୍କୁ ଗିରଫ କରିଥିଲା। ଆଡିଶନାଲ୍‌ ପବ୍ଲିକ ପ୍ରସିକ୍ୟୁଟର ଅସିତ୍‌ ରଞ୍ଜନ ଦେଓ ମକଦ୍ଦମା ପରିଚାଳନା କରିଥିଲେ।