ମୁମ୍ବାଇ: ବଲିଉଡ୍ ସେଲିବ୍ରିଟିମାନେ ଏବେ ଜଣକ ପରେ ଜଣେ ଟୁଇଟର ଆକାଉଣ୍ଟରୁ ଦୂରେଇ ଯାଉଥିବା ଦେଖାଯାଇଛି। କିଛିଦିନ ତଳେ ନାୟିକା ସୋନାକ୍ଷୀ ସିହ୍ନା ଟୁଇଟରକୁ ବାଏ ବାଏ କହିଥିବା ବେଳେ ଏବେ ଅଭିନେତା ସକିବ ସଲିମ, ଜାହିର ଇକବାଲ ଓ ସଲମାନ ଖାଁଙ୍କ ଭଉଣୀ ଅର୍ପିତାଙ୍କ ସ୍ବାମୀ ଆୟୁଷ ଶର୍ମା ମଧ୍ୟ ଟୁଇଟରକୁ ବାଏ ବାଏ କହିଥିବା ଜଣାପଡିଛି। ପ୍ରଥମେ ସୋନାକ୍ଷୀ ନେଗେଟିଭିଟି ପାଇଁ ଟୁଇଟର ଛାଡିଥିବା ପ୍ରକାଶ କରିଥିବା ବେଳେ ଏବେ ଅଭିନେତା ସକିବ ସଲିମ ମଧ୍ୟ ସମାନ କଥା ଲେଖିଛନ୍ତି। ସେ ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି ଟୁଇଟର ପ୍ରଥମେ ତାଙ୍କ ପାଇଁ ଥିଲା ଭଲପାଇବା। ଏଥିରୁ ସେ ବହୁତ କିଛି ଶିଖିଛନ୍ତି। ହେଲେ ଏବେ ସମସ୍ତେ ନେଗେଟିଭିଟି ଭିତରେ ହଜି ଯାଇଛନ୍ତି। ତେଣୁ ମୋ ଜୀବନରେ ଏମିତି ଶକ୍ତିର ଆବଶ୍ୟକତା ନାହିଁ ବୋଲି ଦର୍ଶାଇ ସେ ଟୁଇଟର ଛାଡିଥିବା କହିଛନ୍ତି। ଅନ୍ୟପଟେ ଜହିର ଇକବାଲ ଓ ଆୟୁଷ ଶର୍ମା କାହିଁକି ଟୁଇଟର ଛାଡିଲେ ତାହା ସମ୍ପୂର୍ଣ୍ଣ ଭାବେ ସ୍ପଷ୍ଟ କରି ନ ଥିଲେ ମଧ୍ୟ ଏମାନେ ଟୁଇଟରକୁ ବାଏ ବାଏ କହିଛନ୍ତି। ଏହାପରେ ତାଙ୍କ ଫଲୋୟର୍ସମାନେ ନିଶ୍ଚିତ ଭାବେ ନିରାଶ ହେବେ ବୋଲି ଆଲୋଚନା ହେଉଛି।
