ସିଲାବସ୍‌ ବାହାରୁ ପ୍ରଶ୍ନ

କାମାକ୍ଷାନଗର, ୧୫ା୩(ଡି.ଏନ.ଏ.) – ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚ୍‌ଏସ୍‌ଇ) ପକ୍ଷରୁ ସାରା ରାଜ୍ୟରେ ଆରମ୍ଭ ହୋଇଛି ଯୁକ୍ତ ୨ପରୀକ୍ଷା। ପରୀକ୍ଷାକୁ ଶୃଙ୍ଖଳିତ ଏବଂ ବିଧିବ୍ୟବସ୍ଥିତ କରିବାକୁ କାଉନ୍‌ସିଲ ପକ୍ଷରୁ ଯଥାସାଧ୍ୟ ଉଦ୍ୟମ କରାଯାଇଥିବା କୁହାଯାଉଛି। ହେଲେ ବୁଧବାର ଶେଷ ହୋଇଥିବା ଗଣିତ ପରୀକ୍ଷାରେ ସିଲାବସ୍‌ ବାହାରୁ ଆସିଥିବା ପ୍ରଶ୍ନକୁ ନେଇ ପରୀକ୍ଷାର୍ଥୀଙ୍କ ଚିନ୍ତା ବଢ଼ିଛି। ଏହାକୁ ନେଇ ଅନେକ ପରୀକ୍ଷାର୍ଥୀ ଚାପରେ ଥିବାବେଳେ ଆଗାମୀ ପରୀକ୍ଷାରେ ମଧ୍ୟ ସିଲାବସ୍‌ ବାହାରୁ ପ୍ରଶ୍ନ ଆସିପାରେ ବୋଲି ସେମାନେ ଆଶଙ୍କା ବ୍ୟକ୍ତ କରିଛନ୍ତି।
ଢେଙ୍କାନାଳ ଜିଲାର କେତେଜଣ ପରୀକ୍ଷାର୍ଥୀ ଅଭିଯୋଗ କରିଛନ୍ତି, ଗଣିତ ପରୀକ୍ଷାରେ କେତେକ ପ୍ରଶ୍ନ ପୁରୁଣା ସିଲାବସ୍‌ ଅନୁଯାୟୀ ଆସିଥିଲା। ଆଉ କେତେକ ପ୍ରଶ୍ନ ସିଲାବସ୍‌ ବାହାରୁ ପଡ଼ିଥିଲା। ଗଣିତ ପ୍ରଶ୍ନପତ୍ର ଏ-ସେଟ୍‌ର ୫ନଂ. ଡି, ଡି-ସେଟ୍‌ର ୫ନଂ. ସି, ଡି- ସେଟର ୫ନଂ. ଏ, ଡି-ସେଟ୍‌ର ୫ନଂ. ଇ ପ୍ରଶ୍ନ ସିଲାବସ୍‌ ବାହାରୁ ଆସିଛି। ଅନ୍ୟ କେତେକ ପ୍ରଶ୍ନ ପାଠ୍ୟପୁସ୍ତକ ସମ୍ପର୍କିତ ନୁହେଁ ବୋଲି ଅଭିଯୋଗ ହୋଇଛି। ମେଧାବୀ ଛାତ୍ରୀଛାତ୍ର ଭଲ ମାର୍କ ରଖିବାକୁ ଆଶା ବାନ୍ଧିଥିବାବେଳେ ଏପରି ପ୍ରଶ୍ନ ସେମାନଙ୍କ ମନୋବଳକୁ ହ୍ରାସ କରିଛି।
ଏ ନେଇ ଘରୋଇ ଆବାସିକ କଲେଜର ଛାତ୍ର ପ୍ରିୟାଂଶୁ ବେହେରା କୁହନ୍ତି, ସେ ମାଟ୍ରିକ୍‌ ପରୀକ୍ଷାରେ ୯୪% ନମ୍ବର ରଖି ପାସ୍‌ ହୋଇଥିଲେ। ଚଳିତ ବର୍ଷ ମଧ୍ୟ ଭଲ କରିବେ ବୋଲି ଆଶା ରଖିଛନ୍ତି। ଗଣିତରେ ୧୦୦ ମାର୍କ ରଖିବାକୁ ସେ କଠିନ ପରିଶ୍ରମ କରିଥିଲେ। ହେଲେ ସିଲାବସ୍‌ ବାହାରୁ ଆସିଥିବା ପ୍ରଶ୍ନ ଯୋଗୁ ଲକ୍ଷ୍ୟ ପୂରଣ ହେବା ନେଇ ଆଶଙ୍କା ବଢ଼ିଛି। ଛାତ୍ରୀ ସୋନାଲି ନାୟକ କୁହନ୍ତି, ପ୍ରଶ୍ନରେ କେତେକ ତ୍ରୁଟି ରହିଛି। କାଉନସିଲ ପକ୍ଷରୁ ପ୍ରଦାନ କରାଯାଉଥିବା ଉତ୍ତର ଖାତା ଲେଖିବାକୁ ଯଥେଷ୍ଟ ହେଉନାହିଁ। ଏହା ଅନ୍ୟ ଏକ ସମସ୍ୟା ସୃଷ୍ଟି କରିଛି। ଏଥି ପ୍ରତି ଶିକ୍ଷା ବିଭାଗ ଦୃଷ୍ଟି ଦେବାକୁ ସେ ଦାବି କରିଛନ୍ତି। କାମାକ୍ଷାନଗର ମହାବିଦ୍ୟାଳୟର ଛାତ୍ରୀ ପାୟଲ ପଲ୍ଲବୀ ସାହୁ କୁହନ୍ତି, ପାଠ୍ୟପୁସ୍ତକ ଅନୁଯାୟୀ ପ୍ରଶ୍ନ ଆସିବ ଭାବି ତଦନୁଯାୟୀ ପ୍ରସ୍ତୁତ ହୋଇଥିଲୁ। ହେଲେ ବାହାରୁ ଆସିଥିବା ପ୍ରଶ୍ନ ଗଣିତରେ ମାର୍କ କମାଇବା ଆଶଙ୍କା ବଢ଼ାଇଛି। ଇ-ଟେକ୍‌ ଆବାସିକ କଲେଜ ଅଧ୍ୟକ୍ଷ ତଥା ଗଣିତ ଅଧ୍ୟାପକ ଡ. ସୁରେଶ ମିଶ୍ର କୁହନ୍ତି, ସାଧାରଣତଃ ପିଲାମାନେ ପାଠ୍ୟପୁସ୍ତକରେ ଥିବା ବିଷୟ ଅନୁଯାୟୀ ପ୍ରସ୍ତୁତ ହୋଇଥାନ୍ତି। ବାହାରୁ ପ୍ରଶ୍ନ ଆସିଲେ ଏହା ସେମାନଙ୍କ ପାଇଁ କଷ୍ଟକର ହୋଇଥାଏ। ବିଶେଷ କରି ମେଧାବୀ ଛାତ୍ରୀଛାତ୍ର ଏଥିରେ ବେଶି ସମସ୍ୟାରେ ପଡ଼ିଥାନ୍ତି। କାମାକ୍ଷାନଗର କଲେଜ ଅଧ୍ୟକ୍ଷ ତଥା ବରିଷ୍ଠ ଗଣିତ ଅଧ୍ୟାପକ ଡ. ରାମଚନ୍ଦ୍ର ସାହୁ କୁହନ୍ତି, ଗଣିତ ପରୀକ୍ଷାରେ ପ୍ରଶ୍ନପତ୍ର ପ୍ରସ୍ତୁତିରେ ତ୍ରୁଟିବିଚ୍ୟୁତି ଦେଖିବାକୁ ମିଳିଛି। ଗଣିତ ଉତ୍ତର ଖାତାରେ ଅଧିକ ସ୍ଥାନ ନ ଥିବାରୁ ପିଲାମାନେ ସମସ୍ୟାରେ ପଡ଼ିଥିଲେ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଶ୍ୱଶୁରଘର ଗାଁରେ ଜ୍ୱାଇଁଙ୍କୁ ହତ୍ୟା, ଦୁଇ ଶଳା ଅଟକ

ପରଜଙ୍ଗ,୭।୪(ଡି.ଏନ୍‌.ଏ): ଶ୍ୱଶୁରଘର ଗାଁରୁ ଜ୍ୱାଇଁଙ୍କ ମୃତଦେହ ଉଦ୍ଧାର ହୋଇଛି। ଏଭଳି ଏକ ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲା ପରଜଙ୍ଗ ଥାନା ସାଆନ୍ଦା ଫାଣ୍ଡି ଅଧୀନ...

କୂଅରୁ ୫ ଫୁଟର ରଣାସାପ ଉଦ୍ଧାର: ବନ ବିଭାଗକୁ ହସ୍ତାନ୍ତର

ପରଜଙ୍ଗ,୩୦।୬(ଡି.ଏନ.ଏ.): ଢେଙ୍କାନାଳ ଜିଲା ପରଜଙ୍ଗ ବ୍ଲକ ପାଟରପଦା ପଞ୍ଚାୟତ କଟାବାହାଳ ଗ୍ରାମର ରାମ ପ୍ରଧାନଙ୍କ ବାରିରେ ଥିବା କୂଅରୁ ରବିବାର ଏକ ୫ଫୁଟ ଲମ୍ବର ରଣାସାପ...

କରୋନା ଲାଗି ଢେଙ୍କାନାଳରେ ୧୪୪ ଧାରା: ସାଇନ୍ସ ପାର୍କ ବନ୍ଦ, ସରକାରୀ କର୍ମଚାରୀଙ୍କ ଛୁଟି ବାତିଲ

ଢେଙ୍କାନାଳ ଅଫିସ ,୧୬।୩: କରୋନା ସଂକ୍ରମଣକୁ ରୋକିବା ଲାଗି ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଥିବା ବେଳେ ସୋମବାର ଢେଙ୍କାନାଳ ଜିଲା ପ୍ରଶାସନ ପକ୍ଷରୁ ଜିଲା...

ମଇଁଷି ପଲ ଉପରେ ଚଢିଗଲା ଟ୍ରେନ : ୩୧ ମଇଁଷି ମୃତ

ଢେଙ୍କାନାଳ ଅଫିସ, ୨୭।୧୧-ଢେଙ୍କାନାଳ ସଦର ଥାନା ଗୋବିନ୍ଦପୁର ଫାଣ୍ଡି ଅନ୍ତର୍ଗତ ଯୋରନ୍ଦା ରୋଡ୍‌ ରେଳଷ୍ଟେଶନ ନିକଟରେ ଶୁକ୍ରବାର ଅପରାହ୍ନ ୩ଟା ୧୧ରେ ଛାତିଥରା ଦୁର୍ଘଟଣା ଘଟିଛି।...

କପିଳାସ ଅଭୟାରଣ୍ୟରେ ସଫାରି

ଢେଙ୍କାନାଳ ଅଫିସ, ୩।୩ – ଜୈବ ବିବିଧତା ଏବଂ ବନ୍ୟପ୍ରାଣୀ ସମ୍ଭାରରେ ଭରପୂର କପିଳାସ ଅଭୟାରଣ୍ୟରେ ଖୁବ୍‌ଶୀଘ୍ର ସଫାରିର ମଜା ନେବେ ପର୍ଯ୍ୟଟକ। ଏଥିଲାଗି ବନ...

ରୁଗ୍‌ଣ ହେଉଛି ତାଳଚେର ଆର୍‌ଏମ୍‌ସି: ଆୟର ୭୦ ପ୍ରତିଶତ ଯାଉଛି ଦରମାରେ

ତାଳଚେର,୩ା୧(ନି.ପ୍ର.) – ତାଳଚେର ନିୟନ୍ତ୍ରିତ ବଜାର କମିଟି (ଆର୍‌ଏମ୍‌ସି) ସ୍ଥାପନ ହେବାର ପ୍ରାୟ ୨୭ ବର୍ଷ ହେଲାଣି। ଏହାର ବାର୍ଷିକ ଆୟ ୨୭ ଲକ୍ଷ। କିନ୍ତୁ...

ମଣ୍ଡି ଖୋଲିବାରେ ବିଳମ୍ବ: ପ୍ରତିବାଦରେ ଚାଷୀଙ୍କ ଧାରଣା

ବନ୍ତଳା,୬ା୧(ଡି.ଏନ.ଏ.)- ଧାନମଣ୍ଡି ଖୋଲାଯିବାରେ ବିଳମ୍ବ ପ୍ରତିବାଦରେ ଅନୁଗୋଳ ବ୍ଲକ ମାଟିଆସାହି ପଞ୍ଚାୟତ ପୁରୁଣାଗଡ଼ରେ ଥିବା ସେବା ସମବାୟ ସମିତି ସମ୍ମୁଖରେ ସୋମବାର ୫୦ରୁ ଊଦ୍ଧର୍‌ବ ଚାଷୀ...

ମାଷ୍ଟରମାଇଣ୍ଡ ଜେଲ୍‌ ୱାର୍ଡର

ଢେଙ୍କାନାଳ ଅଫିସ, ୨୨।୨ – ଢେଙ୍କାନାଳ ସହର ଦୋଳମଣ୍ଡପ ସାହିରେ ଗତ ବୁଧବାର ସନ୍ଧ୍ୟାରେ ସଂଘଟିତ ବହୁଚର୍ଚ୍ଚିତ ପୂର୍ଣ୍ଣଚନ୍ଦ୍ର ବେହେରା ଓରଫ୍‌ ମିଛୁ (୪୭) ହତ୍ୟାକାଣ୍ଡ...

Advertisement


Archives

Model This Week

Why Dharitri