ବରଗଡ଼ ଅଫିସ୍,୧୮।୫: ସରକାର ସ୍ବାସ୍ଥ୍ୟକର୍ମୀଙ୍କୁ କରୋନା ଯୋଦ୍ଧା ଭାବେ ଅଭିହିତ କରିଛନ୍ତି । ଏହା ସହିତ ଅଗ୍ରୀମ ଦରମା ପ୍ରଦାନ ପାଇଁ ମଧ୍ୟ ଘୋଷଣା ହୋଇଛି । ମାତ୍ର କରୋନା ମୁକାବିଲା ସମୟରେ ସ୍ବାସ୍ଥ୍ୟକର୍ମୀମାନଙ୍କୁ ବିଭିନ୍ନ ସୁବିଧା ସୁଯୋଗରୁ ବଞ୍ଚିତ କରାଯାଉଛି ଏବଂ ସରକାରଙ୍କ ଘୋଷଣା ଧୂଆଁବାଣ ପାଲଟିଥିବା ଅଭିଯୋଗ ହୋଇଛି। ଏଭଳି ଅଭିଯୋଗ ଆଣି ୨୦୧୩ରେ ନିଯୁକ୍ତି ପାଇଥିବା ବରଗଡ଼ ଜିଲାର ସ୍ବାସ୍ଥ୍ୟକର୍ମୀମାନେ ସୋମବାର ବରଗଡ଼ ଜିଲା ମୁଖ୍ୟ ଚିକିତ୍ସାଧିକାରୀ (ସିଡ଼ିଏମଓ)ଙ୍କୁ ଫେରାଦ ହୋଇଥିଲେ । ଏ ନେଇ ସିଡ଼ିଏମଓ ଡା. ବିଭୂତି ଭୂଷଣ ମେହେରଙ୍କୁ ସେମାନେ ୪ଦଫା ସମ୍ବଳିତ ଏକ ସ୍ମାରକପତ୍ର ପ୍ରଦାନ କରିଛନ୍ତି। ୨୦୧୩ରୁ ବର୍ତ୍ତମାନ ପର୍ଯ୍ୟନ୍ତ ଗ୍ରେଡ୍-ପେ ପ୍ରଦାନ, ଚାକିରିକୁ ୬ବର୍ଷ ପୂରଣ ହେବା ଦିନଠାରୁ ନିୟମିତ ଘୋଷଣା କରାଯାଇ ତଦନୁଯାୟୀ ଦରମା ପ୍ରଦାନ, କୋଭିଡ୍-୧୯ର ପ୍ରୋତ୍ସାହନ ରାଶି ପ୍ରଦାନ ଏବଂ ୪ମାସର ଅଗ୍ରୀମ ଦରମା ପ୍ରଦାନ କରିବାକୁ ସ୍ମାରକପତ୍ରରେ ଦାବି କରାଯାଇଛି । ନମିତା ପୁଟେଲ, ବିନ୍ଦୁ ଦୀପ, ଅନୁପମା ଦାଶ, ମାମୀ ରଣା ପ୍ରମୁଖ ସିଡିଏମଓଙ୍କୁ ସ୍ମାରକପତ୍ର ପ୍ରଦାନ କରିିଥିଲେ ।
