ସୋର, ୧୦ା୩(ଡି.ଏନ.ଏ.)-ବାଲେଶ୍ବର ଜିଲା ସୋର ଥାନା ଅନ୍ତର୍ଗତ ସୋର-ମଙ୍ଗଳପୁର ରାସ୍ତା ବାଗୁଡି ବଜାର ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଘଟଣାସ୍ଥଳରେ ଟ୍ରକ ତଳେ ଚାପି ହୋଇ ଜଣେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି।
ମଙ୍ଗଳବାର ସକାଳେ ମହୁମୁହାଣ ଗ୍ରାମର ନରେନ୍ଦ୍ର ଜେନା ବାଇକ୍ରେ ସୋର ଅଭିମୁଖେ ଯାଉଥିବା ବେଳେ ହଠାତ୍ ଦୁଇଟି ଷଣ୍ଢ ଲଢେଇ କରି ରାସ୍ତା ଉପରକୁ ଉଠିଆସି ବାଇକ୍କୁ ଧକ୍କା ଦେଇଥିଲେ। ଫଳରେ ନରେନ୍ଦ୍ର ତଳେ ପଡିଯିବାରୁ ସମ୍ମୁଖରେ ବାଗୁଡି ଅଭିମୁଖେ ଆସୁଥିବା ଟ୍ରକ ତାଙ୍କ ଉପରେ ଚଢିଯାଇଥିଲା। ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଥିଲା। ନରେନ୍ଦ୍ର ତାଙ୍କ ଝିଅକୁ ଆଣିବାକୁ କଲେଜଛକସ୍ଥିତ ମେସ୍କୁ ଯାଉଥିଲେ। ପୋଲିସ ଶବ ବ୍ୟବଚ୍ଛେଦ ପାଇଁ ପଠାଇ ଟ୍ରକକୁ ଅଟକ ରଖିଛି।
