ଶିକ୍ଷା, ସେବା ଯୋଗାଇବା ଆସ୍‌ମାଙ୍କ ନିଶା

ଯୋଡ଼ା, ୨।୩(ଡି.ଏନ.ଏ.)-ଧର୍ମକୁ ନେଇ ସବୁଆଡ଼େ ହିଂସା ବିବାଦ ଚାଲିଥିବା ବେଳେ କେନ୍ଦୁଝର ଜିଲା ଅନ୍ତର୍ଗତ ଯୋଡା ସହରର ମୁସଲିମ୍‌ ମହିଳା ଆସ୍‌ମା ଖାତୁନ୍‌ ଦେଇଚାଲିଛନ୍ତି ନିରବଚ୍ଛିନ୍ନ ଭାବେ ଶିକ୍ଷାଦାନ ଓ ସେବା। ଜାତି ଧର୍ମ ନିର୍ବିଶେଷରେ ଛୋଟ ଛୋଟ ପିଲାମାନଙ୍କୁ ଶିକ୍ଷାଦାନ ଓ ସାଧାରଣ ଲୋକଙ୍କୁ ସେବା ଯୋଗାଇବା ତାଙ୍କର ଯେପରି ଏକ ନିଶା ପାଲଟିଛି। ଦୀର୍ଘ ୨୦ ବର୍ଷ ଧରି ଅଞ୍ଚଳରେ ବେବି ଦିଦି ନାମରେ ପରିଚିତ ଥିବା ଆସ୍‌ମା ଖାତୁନ୍‌ ଏହି ସେବା ନିଶୁଳ୍କ ଓ ନିଃସ୍ବାର୍ଥପରଭାବେ ଯୋଗାଇଆସୁଛନ୍ତି। ଏହିପରି କାର୍ଯ୍ୟ ଦେଖି ୭ ବର୍ଷ ତଳେ ତାଙ୍କୁ ଅଙ୍ଗନଓ୍ବାଡିରେ ଶିକ୍ଷା ସହାୟିକା ଭାବେ ନିଯୁକ୍ତି ମିଳିଥିଲା। ଏ ସମ୍ପର୍କରେ ଆସ୍‌ମା ତାଙ୍କ ପ୍ରତିକ୍ରିୟାରେ କହନ୍ତି ଯେ, ସ୍ବାମୀଙ୍କ ମୃତ୍ୟୁ ପରେ ତାଙ୍କ ଝିଅପୁଅଙ୍କୁ ବହୁ କଷ୍ଟ ସହି ପାଠ ପଢାଇଥିଲେ ା ଦୁଃଖ ଓ ଦାରିଦ୍ର୍ୟ ହେତୁ ତାଙ୍କ ଝିଅ ଓ ପୁଅଙ୍କୁ ସେ ଉଚ୍ଚ ଶିକ୍ଷିତ କରିପାରିନଥିଲେ। ଏହି ଦୁଃଖ ତାଙ୍କୁ ଗରିବ ଶିଶୁ ମାନଙ୍କୁ ଶିକ୍ଷା ଦାନ କରିବା ପାଇଁ ପ୍ରେରଣା ଯୋଗାଇଥିଲା। ସକାଳୁ ଉଠି ବିଭିନ୍ନ ବସ୍ତିର ଗରିବ କୁନି କୁନି ଶିଶୁମାନଙ୍କୁ ଆଣି ସେ ପାଠ ପଢାଇଥାନ୍ତି। ଏପରିକି ସେ ନିଃସ୍ବାର୍ଥପର ଭାବେ ବିନା ଘୃଣାରେ ସେମାନଙ୍କର ନିତ୍ୟକର୍ମ କରିଥାନ୍ତି।
ଆସ୍‌ମା ମୟୂରଭଞ୍ଜ ଜିଲା କରଞ୍ଜିଆ ଅଞ୍ଚଳରେ ରହି ଏକ ଓଡିଆ ମିଡିୟମ ସ୍କୁଲରେ ପାଠ ପଢିଥିଲେ। ଏତଦ୍‌ବ୍ୟତୀତ ଧର୍ମ, ଜାତି ନିର୍ବିଶେଷରେ ଗରିବ ଲୋକମାନଙ୍କୁ ରାଶନକାର୍ଡ, ବିଭିନ୍ନ ଭତ୍ତା, ଜନ୍ମମୃତ୍ୟୁ ପ୍ରମାଣପତ୍ର ପ୍ରଭୃତି କାର୍ଯ୍ୟରେ ସେ ସହାୟତା ପ୍ରଦାନ କରିଥାନ୍ତି। ଯେଉଁ ଶିଶୁ ମାନେ ଅଙ୍ଗନଓ୍ବାଡି କେନ୍ଦ୍ରକୁ ଆସିପାରି ନ ଥାନ୍ତି। ସେମାନଙ୍କ ଘରକୁ ଘର ଯାଇ ଅଙ୍ଗନଓ୍ବାଡିକୁ ଆସିଥିବା ଔଷଧ ବାଣ୍ଟିଥାନ୍ତି। ସେ ଜଣେ ମୁସଲିମ୍‌ ସମ୍ପ୍ରଦାୟର ହୋଇଥିଲେ ହେଁ, ସ୍ଥାନୀୟ ଶିଶୁମାନଙ୍କର ଯତ୍ନ ନେବା ଓ ସେମାନଙ୍କୁ ନିଶୁଳ୍କ ପାଠ ପଢାଇବାକୁ ତାଙ୍କ ସମ୍ପ୍ରଦାୟର କେହି ଏଥିରେ ବିରୋଧ କରୁ ନ ଥିବା ବରଂ ଏହି କାର୍ଯ୍ୟ ପାଇଁ ତାଙ୍କୁ ସମର୍ଥନ କରିବା ସହିତ ଉତ୍ସାହିତ କରୁଥିବା ସେ କହିଛନ୍ତି। ଶିକ୍ଷା ଓ ସେବା ଯୋଗାଇବା ଦ୍ୱାରା ସେ ଖୁବ୍‌ ଆନନ୍ଦିତ ଅନୁଭବ କରନ୍ତି। ବହୁ ସଂଖ୍ୟାରେ ଅଞ୍ଚଳରେ ଗରିବ ଶିଶୁ ମାନଙ୍କୁ ଆଗାମୀ ଦିନରେ ଏହି ସେବା ଯୋଗାଇବା ତାଙ୍କର ଲକ୍ଷ୍ୟ ରହିଥିବା ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଟ୍ରକକୁ ପଛରୁ ପିଟିଲା ମିନି ଟ୍ରକ: ଘଣ୍ଟାଏ ପରେ ଉଦ୍ଧାର ହେଲେ ଚାଳକ

ପାଟଣା,୨୯।୩(ସ୍ବ. ପ୍ର.): କେନ୍ଦୁଝର ଜିଲା ପାଟଣା ବ୍ଲକ ୪୯ ନମ୍ବର ଜାତୀୟ ରାଜପଥ ଖୀରେଇଟାଙ୍ଗିରୀ ପେଟ୍ରୋଲ ପମ୍ପ ନିକଟରେ ସୋମବାର ବିଳମ୍ବିତ ରାତିରେ ଏକ ସଡ଼କ...

ମଉଳିଲା ରଜ ଉତ୍ସବ

କେନ୍ଦୁଝର,୧୧।୬(ସ୍ବ.ପ୍ର.): ଆଉ ଶୁଭିବ ନାହିଁ ରଜ ଗୀତ ଓ ଦୋଳିର କଟମଟ ଶବ୍ଦ। କାଂ ଭା ଦେଖିବାକୁ ମିଳିବ ଦୋଳି। କିନ୍ତୁ ପୂର୍ବଭଳି ରଜ ମହୋତ୍ସବ,...

ସୁରକ୍ଷାକର୍ମୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ

ଯୋଡ଼ା, ୨୨।୧୦(ଡି.ଏନ୍‌.ଏ.): କେନ୍ଦୁଝର ଜିଲା ଯୋଡା ସହର ଓ୍ବାର୍ଡ ନଂ. ୩ ରେ ଥିବା ରାଉତ କମ୍ପ୍ଲେକ୍ସ ବିଲ୍ଡିଂର ଜଣେ ସୁରକ୍ଷାକର୍ମୀଙ୍କ ଝୁଲନ୍ତା ମୃତଦେହ ମଙ୍ଗଳବାର...

ଶ୍ରୀହୀନ ଗଡ଼ଖାଇ, ରାଜବାଟୀ

କେନ୍ଦୁଝର, ୮।୯(ସ୍ବ.ପ୍ର.)-ଚୂଳିଆ ପାହାଡ଼ରୁ ଜୁଡିଆ ଘାଟି ପର୍ଯ୍ୟନ୍ତ ବିସ୍ତୃତ ପର୍ବତ ପାଦ ଦେଶରେ ବିଦ୍ୟମାନ କେନ୍ଦୁଝର ପୁରାତନ ରାଜବାଟୀ। ଏହାର ସୁରକ୍ଷା ପାଇଁ ପଶ୍ଚିମ ଓ...

ପରିବା ଦର ଆକାଶଛୁଆଁ

କେନ୍ଦୁଝର, ୨୮ା୯(ଡି.ଏନ.ଏ.)- କେନ୍ଦୁଝର ପରି ଏକ କୃଷିଭିତ୍ତିକ ଜିଲାରେ ଏବେ ପନିପରିବାର ଦର ଆକାଶଛୁଆଁ ହୋଇଥିବାବେଳେ ଏହାର ସିଧାସଳଖ ପ୍ରଭାବ ଖାଉଟିଙ୍କ ଉପରେ ପଡିଛି। ଲୋକେ...

ଜିଲା କଣ୍ଟ୍ରୋଲ ରୁମ୍‌ ଦାୟିତ୍ୱରେ ସଂଗ୍ରାମ

କେନ୍ଦୁଝର,୧୦।୪(ସ୍ବ.ପ୍ର.): କୋଭିଡ-୧୯ ମହାମାରୀ ସମୟରେ ଲୋକଙ୍କୁ ସହାୟତା ପ୍ରଦାନ କରିବାକୁ ଜିଲା କଣ୍ଟ୍ରୋଲ ରୁମ ଇନ୍‌ଚାର୍ଯ୍ୟ ଦାୟିତ୍ୱରେ ପିସିସି ସମ୍ପାଦକ ସଂଗ୍ରାମ ଦାସଙ୍କୁ ନିଯୁକ୍ତି ଦିଆଯାଇଛି।...

ବଡ଼ବିଲରେ ଫାଙ୍କା ଗୁଳିଚାଳନା: ୨.୭ ଲକ୍ଷ ଟଙ୍କା ଲୁଟି ଦୁର୍ବୃତ୍ତ ଫେରାର

ବଡବିଲ,୧୮।୪(ସ୍ବ.ପ୍ର.): କେନ୍ଦୁଝର ଜିଲା ବଡ଼ବିଲ ଥାନା ଠାକୁରାଣୀସ୍ଥିତ ଲୌହ ଖଣିର ମୁଖ୍ୟ ଫାଟକ ନିକଟରେ ଥିବା ଏକ ଖଣିଜ ପରିବହନକାରୀ ସଂସ୍ଥାର ଅସ୍ଥାୟୀ କାର୍ଯ୍ୟାଳୟରୁ ସୋମବାର...

ଟ୍ରେଲର ଯିବା ପାଇଁ ଘଣ୍ଟା ଘଣ୍ଟା ବିଦ୍ୟୁତକାଟ: ଉପଭୋକ୍ତା ହଇରାଣ

ଝୁମ୍ପୁରା, ୧୧।୮ (ଡି.ଏନ.ଏ.)-ବର୍ଷା ନାହିଁ ପବନ ନାହିଁ। ଗତ ଶୁକ୍ରବାର ରାତି ୧୦ଟା ବେଳେ, ହଠାତ୍‌ ଝୁମ୍ପୁରା ଅଞ୍ଚଳର ବିଦ୍ୟୁତ ସଂଯୋଗ ବିଚ୍ଛିନ୍ନ କରି ଦିଆଗଲା।...

Advertisement
Archives

Model This Week