ଶିକ୍ଷାକେନ୍ଦ୍ରକୁ କ୍ୱାରାଣ୍ଟାଇନ୍‌ ସେଣ୍ଟର ନ କରିବାକୁ ଦାବି
9:07 pmMay 21, 2020 / 56

ବୁଗୁଡ଼ା,୨୧ା୫(ଡି.ଏନ.ଏ.)- ବୁଗୁଡ଼ା ସହରର ସାହି ମଧ୍ୟରେ ଅବସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରକୁ କ୍ୱାରାଣ୍ଟାଇନ୍‌ ସେଣ୍ଟର ନ କରିବାକୁ ଗୁରୁବାର ସାହିବାସିନ୍ଦା ବୁଗୁଡ଼ା ଏନ୍‌ଏସି କାର୍ଯ୍ୟନିର୍ବାହୀ ଅଧିକାରୀ ରଶ୍ମିରଞ୍ଜନ ଦାଶଙ୍କୁ ଲିଖିତ ଭାବେ ଅଭିଯୋଗ କରିଛନ୍ତି। ଉକ୍ତ ଅନୁଷ୍ଠାନଟି ସାହି ମଝିରେ ଥିବାବେଳେ ଏହା ନିକଟରେ ପରିବା ମାର୍କେଟ ରହିଛି। ପ୍ରତିଦିନ ପଶ୍ଚିମବଙ୍ଗରୁ ଆଳୁ, ପିଆଜ ଆଦି ସାମଗ୍ରୀ ବୋଝେଇ ହୋଇ ଟ୍ରକ ଏଠାକୁ ଆସିଥାଏ। ସେମାନଙ୍କ ଠାରୁ ମଧ୍ୟ ସଂକ୍ରମଣ ଆଶଙ୍କା ରହୁଛି। ଏବେ ଉକ୍ତ ଶିକ୍ଷାକେନ୍ଦ୍ରରେ କ୍ୱାରାଣ୍ଟାଇନ୍‌ ସେଣ୍ଟର କଲେ ସାହି ଲୋକେ କରୋନା ସଂକ୍ରମଣ ଆଶଙ୍କାରେ ଘରୁ ବାହାରିପାରିବେ ନାହିଁ। ତେଣୁ ଉକ୍ତ ଶିକ୍ଷାକେନ୍ଦ୍ରକୁ କ୍ୱାରାଣ୍ଟାଇନ୍‌ ସେଣ୍ଟର ନ କରିବାକୁ ସାହିର ରବି ନାରାୟଣ ପଟ୍ଟନାୟକ, ସନ୍ୟାସୀ ପ୍ରଧାନ, ପ୍ରଣବ ପ୍ରକାଶ, ସନ୍ତୋଷ କୁମାର ବେହେରା, ଅମର ପ୍ରସାଦ ବିଷୋୟୀ ପ୍ରମୁଖ ଲିଖିତ ଅଭିଯୋଗ କରିଛନ୍ତି।