ନୂଆଦିଲ୍ଲୀ, ୧୭।୬: ଲଦାଖଠାରେ ଭାରତ ଚାଇନା ସୀମାରେ ଥିବା ଗଲଓ୍ବାନ ଘାଟିରେ ଦୁଇପକ୍ଷଙ୍କ ମଧ୍ୟରେ ହୋଇଥିବା ହିଂସକ ସଂଘର୍ଷରେ ବିହାର ସାରଣ ଜିଲାର ଯବାନ ସୁନୀଲ କୁମାର ଶହୀଦ ହୋଇଥିବା ଖବର ମିଳିଥିଲା। ତେବେ ପ୍ରକୃତରେ ଭୁଲ ବଶତଃ ଏଭଳି ସୂଚନା ଦିଆଯାଇଥିଲା। ଖବର ମିଳିବା ପରେ ଦୀଘରା ପରସା ଗାଁରେ ବାସ କରୁଥିବା ସୁନୀଲଙ୍କ ପରିବାର ସଦସ୍ୟ ଏବଂ ଗ୍ରାମବାସୀ ଦୁଃଖରେ ଭାଙ୍ଗି ପଡ଼ିଥିଲେ। ତେବେ ବୁଧବାର ସୁନୀଲଙ୍କ ଫୋନ୍ ଆସିଲା ସେ ସ୍ତ୍ରୀ ମେନକାଙ୍କ ସହିତ କଥାବାର୍ତ୍ତା କରିଛନ୍ତି। ସେ ଠିକ୍ ଥିବା ସୁନୀଲ କହିଛନ୍ତି। ମଙ୍ଗଳବାର ସନ୍ଧ୍ୟାରେ ସୁନୀଲଙ୍କ ଶହୀଦ ହେବା ଖବର ପାଇ ମେନକା କାନ୍ଦି କାନ୍ଦି ବେହୋସ ହୋଇଯାଇଥିଲେ। ଏବେ ସୁନୀଲଙ୍କ ସହିତ କଥା ହେବା ପରେ ତାଙ୍କ ମୁହଁରେ ହସ ଫୁଟିଛି। ସୂଚନା ଯୋଗ୍ୟ, ଲଦାଖରେ ମୁତୟନ ଥିବା ଯବାନ ସୁନୀଲ ଶହୀଦ ହୋଇଥିବାବେଳେ ଜୀବିତ ସୁନୀଲ ଲେହରେ କାର୍ଯ୍ୟ କରୁଛନ୍ତି। ଉଭୟଙ୍କର ପିତାଙ୍କ ନାମ ମଧ୍ୟ ସୁଖଦେଓ ରାୟ। ତେଣୁ ସୂଚନା ଦେବାରେ ଭୁଲ୍ ହୋଇଥିବା କୁହାଯାଉଛି।
