ଲସ୍ କାବୋସ(ମେକ୍ସିକୋ),୩।୮(ପି.ଟି.)- ଭାରତର ଡିଭିଜ ଶରନ ଓ ତାଙ୍କ ସାଥୀ ଜୋନାଥନ ଏର୍ଲିଚ ଏଠାରେ ଚାଲିଥିବା ଏଟିପି ୨୫୦ ଲସ୍ କାବୋସ ଟେନିସ ଟୁର୍ନାମେଣ୍ଟର ପୁରୁଷ ଡବଲ୍ସ ବର୍ଗର ସେମିଫାଇନାଲରୁ ବିଦାୟ ନେଇଛନ୍ତି। ଶରନ ଓ ଏର୍ଲିଚ ୨-୬, ୬-୩, ୩-୧୦ ସେଟ୍ରେ ଡୋମିନିକ ଇଙ୍ଗଲଟ ଓ ଅଷ୍ଟିନ କ୍ରାଜିକଙ୍କଠାରୁ ପରାଜୟବରଣ କରିଛନ୍ତି। ଏହି ମ୍ୟାଚ୍ରେ ଇଣ୍ଡୋ-ଇସ୍ରାଏଲ ଖେଳାଳି ଏକଘଣ୍ଟା ୨୦ ମିନିଟ୍ ଧରି ସଂଘର୍ଷ କରିବା ସତ୍ତ୍ୱେ ପରାସ୍ତ ହୋଇଥିଲେ। ପ୍ରଥମ ସେଟ୍ ହାରିବା ପରେ ଅଣସିଡ୍ ଶରନ ଓ ଏର୍ଲିଚ ଦ୍ୱିତୀୟ ସେଟ୍ ମ୍ୟାଚ୍କୁ ଫେରିଥିଲେ। ଏହାପରେ ଟପ୍ ସିଡ୍ ବ୍ରିଟିଶ-ଆମେରିକା ଯୋଡ଼ି ସୁପର ଟାଇବ୍ରେକରକୁ ସହଜରେ ଜିତିବା ସହ ଫାଇନାଲରେ ସ୍ଥାନ ପକ୍କା କରିଛନ୍ତି।
