ରାୟଗଡ଼ା ଅଫିସ,୩।୬: ଓଡ଼ିଶାର ୨୯ଟି ଜିଲାରେ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଗ୍ରୀନ୍ ଜୋନ୍ରେ ରହିଥିଲା ରାୟଗଡ଼ା ଜିଲା ମାତ୍ର ବୁଧବାର ରାୟଗଡ଼ାରୁ ଜଣେ ପଜିଟିଭ୍ ଚିହ୍ନଟ ହୋଇଥିବା ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ ଯୋଗେ ସୂଚିତ କରାଯାଇଛି। ସେ ଦିଲ୍ଲୀ ଫେରନ୍ତା ବୋଲି ଜଣାପଡ଼ିଛି । ତେବେ ତାଙ୍କ ପରିବାରର ସଦସ୍ୟ ହୋମ କ୍ୱାରାଣ୍ଟାଇନ୍ରେ ରହୁଥିଲେ। ଏକ ସ୍ବତନ୍ତ୍ର ଡାକ୍ତରୀ ଟିମ୍ ତାଙ୍କର ପ୍ରତିଦିନ ସ୍ବାସ୍ଥ୍ୟ ପରୀକ୍ଷା କରୁଥିଲେ । ସେମାନେ ରାୟଗଡ଼ାର ରାମକୃଷ୍ଣନଗରରେ ଏକ ଭଡ଼ାଘରେ ରହୁଥିଲେ। ୨୯ ତାରିଖରେ ତାଙ୍କ ସ୍ବାବ୍ ସଂଗ୍ରହ କରାଯାଇଥିଲା। ରାୟଗଡ଼ା ନିକଟ ଓଡ଼ୁଗୁଡ଼ାରେ ତାଙ୍କ ଗ୍ରାମ ହୋଇଥିବାରୁ ଜିଲା ପ୍ରଶାସନ ପକ୍ଷରୁ ଓଡ଼ୁଗୁଡ଼ା ଗ୍ରାମର କିଛି ଅଞ୍ଚଳ ଏବଂ ରାମକୃଷ୍ଣନଗରକୁ କଣ୍ଟେନ୍ମେଣ୍ଟ ଜୋନ୍ ଭାବେ ଘୋଷଣା କରାଯାଇଛି। ଏ ନେଇ ଜିଲାପାଳ ପ୍ରମୋଦ କୁମାର ବେହେରା ସୂଚନା ଦେଇଛନ୍ତି ।
