ମୁମ୍ବାଇ,୧୩।୬: ବଲିଉଡ୍ ନାୟକ ଅନିଲ କପୁର, ରିତେଶ ଦେଶମୁଖ, ନାୟିକା ଦିଶା ପାଟନି ପ୍ରମୁଖ ମହାରାଷ୍ଟ୍ରର ଶିବସେନା ନେତା ତଥା କ୍ୟାବିନେଟ ମନ୍ତ୍ରୀ ଆଦିତ୍ୟ ଠାକରେଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ‘ମଲଙ୍ଗ’ ଅଭିନେତା ଅନିଲ କପୁର ଆଦିତ୍ୟଙ୍କ ସୁସ୍ଥ ଓ ଦୀର୍ଘ ଜୀବନ କାମନା କରିଛନ୍ତି। ଏହାସହ ଯୁବବର୍ଗଙ୍କ ପାଇଁ ଆଦିତ୍ୟ ପ୍ରେରଣା ବୋଲି ମଧ୍ୟ ଅନିଲ ଟୁଇଟ୍ କରି ଲେଖିବା ସହ ଆଦିତ୍ୟଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଅନ୍ୟପଟେ ନାୟିକା ଦିଶା ପାଟନି ଶନିବାର ନିଜ ଜନ୍ମଦିନ ପାଳନ କରୁଥିବା ବେଳେ ପ୍ରଥମକରି ଆଦିତ୍ୟଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ସେହିପରି ବଲିଉଡ୍ ନାୟକ ରିତେଶ ଦେଶମୁଖ ମଧ୍ୟ ଆଦିତ୍ୟଙ୍କୁ ଭାଇ ବୋଲି ସମ୍ବୋଧନ କରି ଟୁଇଟର ଜରିଆରେ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଶିବସେନାର ପ୍ରତିଷ୍ଠାତା ବାଲ ଠାକରେଙ୍କ ନାତି ଓ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ପୁଅ ଆଦିତ୍ୟ ୩୦ ବର୍ଷ ବୟସରେ ପଦାର୍ପଣ କରିଛନ୍ତି। ଖୁବ୍ କମ୍ ବୟସରୁ ସେ ରାଜନୀତିରେ ପାଦ ଦେଇଛନ୍ତି।
