ଲଦାଖ ଗାଲଓ୍ବାନ ଭ୍ୟାଲିରେ ଭାରତ-ଚାଇନା ସେନା ମୁହାଁମୁହିଁ ଘଟଣାରେ ୨୦ ଯବାନ ଶହୀଦ ହୋଇଛନ୍ତି। ଏହା ପରେ ସମଗ୍ର ଦେଶରେ ଚାଇନା ସାମଗ୍ରୀ ବ୍ୟାନ୍ ପାଇଁ ସ୍ବର ଉତ୍ତୋଳନ ହେଉଛି। ଏହି କ୍ରମରେ ସୁରଟ ସହରର ଭରଛା ଅଞ୍ଚଳରେ ଥିବା ପଞ୍ଚରତ୍ନ ସୋସାଇଟିର ଲୋକେ ଚାଇନା ସାମଗ୍ରୀକୁ ବ୍ୟାନ କରିବାକୁ ନିଷ୍ପତ୍ତି ନେଇଛନ୍ତି। ଏତିକିବେଳେ ଜଣେ ବ୍ୟକ୍ତି ରାଗରେ ନିଜ ଘର ବାଲୋକୋନିରୁ ଏକ ଚାଇନା ତିଆରି ଏଲ୍ସିଡି ଟିଭିକୁ ଫୋପାଡି ଦେଇଥିବା ଦେଖିବାକୁ ମିଳୁଛି। ଏହି ସୋସାଇଟି ବାହାରେ ଏକ ବ୍ୟାନର ଲଗାଯାଇଛି ଯେଉଁଥିଲେ ଲେଖା ଅଛି- ଆଜିଠାରୁ ଆମେ ଚାଇନାରେ ତିଆରି ସମସ୍ତ ଜିନିଷକୁ ବ୍ୟାନ୍ କରୁଛୁ। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
