Posted inଖେଳ

ରାଇନାଙ୍କୁ ଧୋନୀ ସମର୍ଥନ କରୁଥିଲେ: ଯୁବରାଜ

ନୂଆଦିଲ୍ଲୀ, ୧୯।୪ (ପିଟି): ସବୁ ଅଧିନାୟକଙ୍କର ଦଳରେ ଜଣେ ପ୍ରିୟ ଖେଳାଳି ରହିଥାନ୍ତି। ଏହି ଖେଳାଳିଙ୍କୁ ଅଧିନାୟକମାନେ ସମର୍ଥନ କରିବା ସହ ବିଭିନ୍ନ ପ୍ରକାର ସହାୟତା ପ୍ରଦାନ କରିଥାନ୍ତି। ଏହି ଦୃଷ୍ଟିକୋଣରୁ ଦେଖିବାକୁ ଗଲେ ମହେନ୍ଦ୍ର ସିଂ ଧୋନୀଙ୍କ ପ୍ରିୟ ଖେଳାଳି ସୁରେଶ ରାଇନା ରହିଥିଲେ ବୋଲି ପୂର୍ବତନ ଭାରତୀୟ ଅଲରାଉଣ୍ଡ ଯୁବରାଜ ସିଂ କହିଛନ୍ତି। ରାଇନାକୁ ଧୋନୀ ବହୁ ପରିମାଣରେ ସମର୍ଥନ କରୁଥିବା ଅନୁଭବ କରିଛି ବୋଲି ସେ କହିଛନ୍ତି।
ଏ ନେଇ ଯୁବରାଜ ୨୦୧୧ ବିଶ୍ୱକପ୍‌ରେ ଧୋନୀଙ୍କ ଧର୍ମ ସଙ୍କଟ ବିଷୟରେ ଉଲ୍ଲେଖ କରିଛନ୍ତି। ବିଶ୍ୱକପ୍‌ ଦଳରେ ୟୁସୁଫ ପଠାନ ଓ ରାଇନାଙ୍କ ମଧ୍ୟରୁ ଜଣକୁ ଚୟନ କରିବା ନେଇ ଧୋନୀ ଦ୍ୱନ୍ଦ୍ୱରେ ପଡିଥିଲେ। ସେତେବେଳେ ଅବଶ୍ୟ ଧୋନୀ ରାଇନାଙ୍କୁ ସମର୍ଥନ କରିଥିଲେ ଯୁବରାଜ ‘ସ୍ପୋଟର୍‌ସ ଟକ୍‌’କୁ ସାକ୍ଷାତ୍‌କାର ଦେଇ କହିଛନ୍ତି। ବିଶ୍ୱକପ ଅଧାରୁ ୟୁସୁଫ୍‌ଙ୍କୁ ବାଦ୍‌ ଦିଆଯାଇଥିଲା। ଏହି ବିଶ୍ୱକପ୍‌ରେ ଭାରତ ଚାମ୍ପିୟନ ହୋଇଥିଲା ଓ ଯୁବରାଜ ଏହି ଐତିହାସିକ ବିଜୟରେ ମୁଖ୍ୟ ଭୂମିକା ଗ୍ରହଣ କରି ପ୍ଲେୟାର ଅଫ୍‌ ଦି ଟୁର୍ନାମେଣ୍ଟ ବିବେଚିତ ହୋଇଥିଲେ। ସେତେବେଳେ ୟୁସୁଫ୍‌ ଭଲ ପ୍ରଦର୍ଶନ କରୁଥିଲେ। ଉଭୟ ବ୍ୟାଟ୍‌ ଓ ବଲ୍‌ରେ ମୋର ପ୍ରଦର୍ଶନ ମଧ୍ୟ ଭଲ ଥିଲା। କିନ୍ତୁ ରାଇନା ସେତେ ଭଲ ଫର୍ମରେ ନ ଥିଲେ ବୋଲି ଯୁବରାଜ କହିଛନ୍ତି। ଦଳରେ ବାମ୍‌ହାତୀ ସ୍ପିନର ନ ଥିଲେ ଓ ମୁଁ ଉଇକେଟ ହାସଲ କରିବାରେ ସମର୍ଥ ହୋଇଥିଲି।
୨୦୦୭ରେ ଅନୁଷ୍ଠିତ ଟି୨୦ ବିଶ୍ୱକପ୍‌ର ପ୍ରାରମ୍ଭିକ ସଂସ୍କରଣରେ ଇଂଲଣ୍ଡ ବିପକ୍ଷ ମ୍ୟାଚ୍‌ରେ ଯୁବରାଜ ଷ୍ଟୁଆର୍ଟ ବ୍ରଡଙ୍କ ଗୋଟିଏ ଓଭରରେ ୬ଟି ଛକା ମାରି ବିଶ୍ୱ ରେକର୍ଡ କରିଥିଲେ। ତେବେ ଏହାପରେ ସେ ଏହି ମ୍ୟାଚ୍‌ରେ ବ୍ୟବହାର କରିଥିବା ତାଙ୍କ ବ୍ୟାଟ୍‌କୁ ନେଇ ବିବାଦ ଓ ଚର୍ଚ୍ଚା ଆରମ୍ଭ ହୋଇଥିଲା। ସେତେବେଳେ ଏହି ବ୍ୟାଟ୍‌ରେ ଫାଇବର ଲାଗିଥିବାର ଅଭିଯୋଗ ଆଣିଥିଲେ ଅଷ୍ଟ୍ରେଲୀୟ କୋଚ୍‌। ଏହାକୁ ମ୍ୟାଚ୍‌ ରେଫରୀ ପରୀକ୍ଷା କରିଛନ୍ତି କି ବୋଲି ପ୍ରଶ୍ନ ମଧ୍ୟ ହୋଇଥିଲା। ତାଙ୍କୁ ଅବଶ୍ୟ ବ୍ୟାଟ୍‌ ଚେକ୍‌ ବା ପରୀକ୍ଷା କରିବାକୁ ଦେଇଥିଲି। ଏପରି କି ପୂର୍ବତନ ଅଷ୍ଟ୍ରେଲୀୟ ଉଇକେଟକିପର ବ୍ୟାଟ୍ସମ୍ୟାନ ଆଡାମ ଗିଲଖ୍ରୀଷ୍ଟ ଏହି ବ୍ୟାଟ କିଏ ତିଆରି କରିଥିଲା ବୋଲି ପ୍ରଶ୍ନ ପଚାରିଥିଲେ। ମ୍ୟାଚ୍‌ ରେଫରି ମଧ୍ୟ ଏହି ବ୍ୟାଟ୍‌କୁ ପରୀକ୍ଷା କରିଥିଲେ। କିନ୍ତୁ ସତ କଥା କହିବାକୁ ଗଲେ ଏହି ବ୍ୟାଟ୍‌ ମୋ ପାଇଁ ବିଶେଷ ମହତ୍ତ୍ୱ ରଖୁଛି ବୋଲି ଯୁବରାଜ କହିଛନ୍ତି। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ସଭାପତି ସୌରଭ ଗାଙ୍ଗୁଲିଙ୍କୁ ସେ ପ୍ରଶଂସା କରିଛନ୍ତି। ଯୁବ ପ୍ରତିଭା ଚିହ୍ନଟ କରିବା ଓ ବିକାଶରେ ତାଙ୍କ ଭୂମିକା ସବୁବେଳେ ପ୍ରଶଂସନୀୟ। ଗାଙ୍ଗୁଲି ହେଉଛନ୍ତି ମୋର ଫେଭରାଇଟ୍‌ ଅଧିନାୟକ। ସେ ମୋତେ ବହୁତ ଓ ସର୍ବାଧିକ ସମର୍ଥନ କରିଛନ୍ତି। ସେତେବେଳେ ଆମେ ଯୁବକ ଥିଲୁ ଓ ଆମର ପ୍ରତିଭା ବିକାଶରେ ତାଙ୍କ ପ୍ରଚ୍ଛନ୍ନ ଭୂମିକା ରହିଛି ବୋଲି ଯୁବରାଜ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଷ୍ଟେଜ୍‌ ୧୯ ଜିତିଲେ ସିମନ ୟେଟ୍ସ

ରୋମ୍‌, ୨୯ା୫:ଗ୍ରେଟ୍‌ ବ୍ରିଟେନର ସିମନ ୟେଟ୍ସ (ଟିମ୍‌ ବାଇକ୍‌ ଏକ୍ସଚେଞ୍ଜ୍‌) ଗିରୋ ଡି’ ଇଟାଲିଆ ସାଇକ୍ଲିଂ ରେସ୍‌ର ୧୯ତମ ଷ୍ଟେଜ୍‌ ଜିତିଛନ୍ତି। ଆବିଏଟ୍‌ଗ୍ରାସୋଠାରୁ ଆଲ୍ପ ଡି’...

ସେମିଫାଇନାଲ ମ୍ୟାଚ୍‌ ହାରିବା ପରେ ଅଧିନାୟକଙ୍କ ସହ କଥା ହେଲେ ମୋଦି

ଟୋକିଓ,୩।୮: ଟୋକିଓ ଅଲିମ୍ପିକ୍ସରେ ଭାରତୀୟ ପୁରୁଷ ହକି ଦଳର ସ୍ବର୍ଣ୍ଣ ଜିତିବା ଆଶା ଭାଙ୍ଗିଯାଇଛି। ବେଲଜିୟମ ପ୍ରଥମ ସେମିଫାଇନାଲରେ ଭାରତୀୟ ପୁରୁଷ ହକି ଦଳକୁ ୨-୫ରେ...

କ୍ରୀଡ଼ାକ୍ଷେତ୍ରରେ ପ୍ରଭାବଶାଳୀ ମହିଳା ତାଲିକାରେ ନୀତା ଅମ୍ବାନି

ଭୁବନେଶ୍ୱର,୧୩।୩(ସ୍ପୋଟର୍‌ସ ବ୍ୟୁରୋ)- ଆଇପିଏଲ ଫ୍ରାଞ୍ଚାଇଜ ମୁମ୍ବାଇ ଇଣ୍ଡିଆନ୍ସ ଦଳର ମାଲିକାଣୀ ତଥା ରିଲାଏନ୍ସ ଫାଉଣ୍ଡେଶନର ଅଧ୍ୟକ୍ଷା ନୀତା ଅମ୍ବାନି ୨୦୨୦ କ୍ରୀଡ଼ାକ୍ଷେତ୍ରରେ ସବୁଠୁ ପ୍ରଭାବଶାଳୀ ଟପ୍‌...

ଅଲିମ୍ପିକ୍‌ ଟେଷ୍ଟ ଇଭେଣ୍ଟ: ଫାଇନାଲରେ ଶିବ, ପୂଜା

ଟୋକିଓ,୩୦।୧୦(ପି.ଟି.)- ପୂର୍ବତନ ବିଶ୍ୱ ଚାମ୍ପିୟନଶିପ୍‌ ବ୍ରୋଞ୍ଜ ପଦକଧାରୀ ଶିବ ଥପ୍ପା (୬୩ କେଜି) ଓ ପୂଜାରାଣୀ (୭୫ କେଜି) ଏଠାରେ ଚାଲିଥିବା ଅଲିମ୍ପିକ୍‌ ଟେଷ୍ଟ ବକ୍ସିଂ...

ଆଇସିସି ହଲ୍‌ ଅଫ୍‌ ଫେମ୍‌ରେ ଭିନୁ ମଙ୍କଡ଼

ଦୁବାଇ, ୧୪ା୬ (ପି.ଟି.)-ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ହଲ୍‌ ଅଫ୍‌ ଫେମ୍‌ ତାଲିକାରେ ରବିବାର ଖେଳର ୧୦ଜଣ ଆଇକନ୍‌ଙ୍କୁ ସାମିଲ କରାଯାଇଛି। ୫ଟି ଯୁଗର ୨ଜଣ...

ମୋତେ ଦରକାର ନାହିଁ, ମୋ କୋଚ୍‌ଙ୍କୁ ସମ୍ମାନ ଦିଅ: ଅମିତ୍‌ ପଙ୍ଘାଲ

ନୂଅଦିଲ୍ଲୀ,୨୨।୯(ପି.ଟି.): ମୋତେ କୌଣସି ବ୍ୟକ୍ତିଗତ ସମ୍ମାନ କିମ୍ବା ପୁରସ୍କାର ଦରକାର ନାହିଁ। କିନ୍ତୁ ମୋ କୋଚ୍‌ ଅନିଲ ଧାଙ୍କରଙ୍କୁ ଦ୍ରୋଣାଚାର୍ଯ୍ୟ ପୁରସ୍କାରରେ ସମ୍ମାନିତ କରାଯାଉ ବୋଲି...

ହାମିଲଟନ ଟେଷ୍ଟ: ନ୍ୟୁଜିଲାଣ୍ଡ ସ୍ଥିତି ଦୃଢ଼

ହାମିଲଟନ, ୩୦।୧୧(ଏଏଫପି): ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଏକ ଇନିଂସ ଓ ୬୫ ରନରେ ବିଜୟ ହାସଲ କରିବା ପରେ ସ୍ଥାନୀୟ ସେଡନ ପାର୍କ ଗ୍ରାଉଣ୍ଡରେ...

ରାହୁଲଙ୍କ ଖେଳ ଭାବନା ଉପରେ ପ୍ରଶ୍ନ ଉଠାଇଲେ କଂଗ୍ରେସ ନେତା

ସିଡନୀ,୧।୧୨: ଅଷ୍ଟ୍ରେଲିଆର ବିସ୍ଫୋରକ ବ୍ୟାଟ୍ସମ୍ୟାନ ଡେଭିଡ ୱାର୍ଣ୍ଣର ଆହତ କାରଣରୁ ଭାରତ ବିପକ୍ଷ ୩ଟି ଟି-୨୦ ମ୍ୟାଚରୁ ବାଦ ପଡିଛନ୍ତି। ଦ୍ୱିତୀୟ ଦିନିକିଆରେ ଫିଲ୍ଡିଂ କରୁଥିବାବେଳେ...

Advertisement
Ten Cric Info


Archives

Model This Week