ରଣପୁର ଏନ୍‌ଏସିରେ ଦୁର୍ନୀତି ଅଭିଯୋଗ : କାର୍ଯ୍ୟାଦେଶ ସତ୍ତ୍ୱେ ହିତାଧିକାରୀ ଆବାସ ଯୋଜନାରୁ ବଞ୍ଚିତ

ରଣପୁର,୨୪ା୬(ସ୍ବ.ପ୍ର.): ନୟାଗଡ଼ ଜିଲାରେ ପ୍ରକୃତ ହିତାଧିକାରୀ ପିସି ଦେଇ ନ ପାରି ପକ୍କା ଘରଖଣ୍ଡେ ପାଇବାରୁ ବଞ୍ଚିତ ହୋଇଥିବା ଅଭିଯୋଗ ହେଉଛି। ଉଲ୍ଲେଖଯୋଗ୍ୟ, ୨୦୧୯ ସୁଦ୍ଧା ରାଜ୍ୟର ସମସ୍ତ କଚ୍ଚାଘରକୁ ପକ୍କାଘର କରାଯିବ ବୋଲି ନିର୍ବାଚନୀ ଇସ୍ତାହାରରେ ରାଜ୍ୟ ସରକାର ପ୍ରତିଶୃତି ଦେଇ ୨୦୧୪ ନିର୍ବାଚନରେ ବିଜୟ ଲାଭ କରିଥିଲେ। ଆବାସ ଯୋଜନା ଅନୁସାରେ ମାଟିଘରକୁ ପକ୍କାଘର କରିବା ନିମନ୍ତେ ରଣପୁର ଏନ୍‌ଏସିରେ କାର୍ଯ୍ୟାଦେଶ ହୋଇଥିଲେ ମଧ୍ୟ କେତେଜଣ ସରକାରୀ ଅଧିକାରୀ, ନେତାଙ୍କ ଦୁର୍ନୀତି ବା ଲାଞ୍ଚ କାରବାର ଯୋଗୁ ହିତାଧିକାରୀମାନେ ପକ୍କାଘରଟିଏ ପାଇପାରି ନ ଥିବା ଅଭିଯୋଗ ହୋଇଛି। ଏ ନେଇ ହିତାଧିକାରୀମାନେ ବିଧାୟକ ଓ ଉଚ୍ଚ ଅଧିକାରୀଙ୍କୁ ଅଭିଯୋଗ କଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ହେଉ ନ ଥିବାରୁ ଅସନ୍ତୋଷ ପ୍ରକାଶ ପାଇଛି। ସୂଚନାଯୋଗ୍ୟ, ୨୦୧୮-୧୯ରେ ୮ଶହରୁ ଊର୍ଦ୍ଧ୍ୱ ହିତାଧିକାରଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା ଅନ୍ତର୍ଗତ ଗୃହ ନିର୍ମାଣ କିସ୍ତି ଅନୁସାରେ ୨ ଲକ୍ଷ ଟଙ୍କା ଲେଖାଏ ଅନୁଦାନ କାର୍ଯ୍ୟାଦେଶ ଆସିଥିଲା। ୬ ମାସରୁ ୧ ବର୍ଷ ମଧ୍ୟରେ ଗୃହ ନିର୍ମାଣ ସମ୍ପନ୍ନ କରିବା ନିୟମ ରହିଥିଲା। ତେବେ ପିସି ଦେଇ ନ ପାରିବାରୁ ୪ ମାସ ହେବ ୩ ପରିବାରକୁ କାର୍ଯ୍ୟାଦେଶ ପ୍ରଦାନରୁ ବଞ୍ଚତ୍ତ କରାଯାଇଥିବା ଅଭିଯୋଗ ହେଉଛି। ପ୍ରକାଶଯୋଗ୍ୟ, ରଣପୁର ବିଜ୍ଞାପିତ ଅଞ୍ଚଳ ପରିଷଦର ୨ନଂ ୱାର୍ଡରେ ବାବା ବାଲୁଙ୍କେଶ୍ୱର ଦେବଙ୍କର ମନ୍ଦିର ପୂଜା ଅର୍ଚ୍ଚନା ପାଇଁ ତତ୍କାଳୀନ ରାଜା ୧୫ ମାଳି ସମ୍ପ୍ରଦାୟ ପରିବାରକୁ ପୁରୁଣା ବସନ୍ତ ଗ୍ରାମରେ ଆଣି ରଖିଥିଲେ। ସେହି ସମୟରୁ ଠାକୁରଙ୍କ ନାମରେ ଥିବା ସ୍ଥିତିବାନ ଜମିରେ ଉକ୍ତ ପରିବାରଗୁଡ଼ିକ ଘର କରି ରହି ଆସୁଛନ୍ତି। ସହରାଞ୍ଚଳ ବାସଗୃହ ମିଶନରେ ସେମାନଙ୍କୁ ସାମିଲ କରିବା ପାଇଁ ନଗର ଉନ୍ନୟନ ବିଭାଗ ତରଫରୁ ସେମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଗାଇ ଦେବାକୁ କାର୍ଯ୍ୟାଦେଶ ମିଳିଥିଲା। ପ୍ରଥମେ କୃଷ୍ଣଚନ୍ଦ୍ର ରଣା, ପ୍ରକାଶ ରଣା, ଦେବାନନ୍ଦ ଦାଶ, ଅରକ୍ଷିତ ରଣା ପ୍ରମୁଖ ୪ ପରିବାର ନାମରେ କାର୍ଯ୍ୟାଦେଶ ରଣପୁର ଏନ୍‌ଏସି କାର୍ଯ୍ୟାଳୟକୁ ପଠାଯାଇଥିଲା। କାର୍ଯ୍ୟାଳୟ ତରଫରୁ ଏହି ହିତାଧିକାରୀମାନଙ୍କୁ ଅବଗତ ମଧ୍ୟ କରାଯାଇଥିଲା ା ତେବେ ହିତାଧିକାରୀମାନେ ଯେତେବେଳେ ଏନ୍‌ଏସି କାର୍ଯ୍ୟାଳୟକୁ ଯାଇଥିଲେ, ପ୍ରତି ହିତାଧିକାରୀଙ୍କୁ କାର୍ଯ୍ୟାଦେଶ ବାବଦରେ ୨୦ରୁ ୨୫ହଜାର ଟଙ୍କା ଦେବାପାଇଁ କୁହାଯାଇଥିଲା। ଗରିବ ପରିବାରଗୁଡିକ ଏତେ ଟଙ୍କା ଲାଞ୍ଚ ନ ଦେବାରୁ କାର୍ଯ୍ୟାଦେଶ ଦିଆଯାଉ ନ ଥିବା ଅଭିଯୋଗ ହୋଇଛି। ସେମାନଙ୍କ ମଧ୍ୟରୁ କେବଳ କୃଷ୍ଣଚନ୍ଦ୍ରଙ୍କୁ କାର୍ଯ୍ୟାଦେଶ ପ୍ରଦାନ ପରେ ସେ ପକ୍କାଗୃହ କରିଥିବାବେଳେ ଅନ୍ୟ ୩ ପରିବାର ସେହି ମାଟିକାନ୍ଥ ଓ ଚାଳଛପର ଉପରେ ଜରିପାଲ ଟାଣି ରହୁଛନ୍ତି। ୪ ହିତାଧିକାରୀଙ୍କ ମଧ୍ୟରୁ କେବଳ ଜଣେ ଆବାସ ସୁବିଧା ପାଇଥିବାବେଳେ ଅନ୍ୟମାନେ ଏଥିରୁ କିପରି ବଞ୍ଚତ୍ତ ହେଲେ ତାହା ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଏହି ପରିପ୍ରେକ୍ଷୀରେ ନୟାଗଡ଼ ଜିଲାପାଳ ତୁରନ୍ତ ଏହାର ସ୍ବଚ୍ଛ ତଦନ୍ତ କରି ଅନ୍ୟ ପରିବାରଗୁଡ଼ିକୁ ପକ୍କା ଗୃହ ଯୋଗାଇ ଦେବାକୁ ସାଧାରଣରେ ଦାବି ହୋଇଛି। ଏ ନେଇ ରଣପୁର ଏନ୍‌ଏସି ଅଧିକାରିଣୀ ଅର୍ଚ୍ଚନା ନାୟକଙ୍କୁ ପଚାରିବାରୁ ସେ କହିଥିଲେ, ୨ନଂ ୱାର୍ଡର କେତେଜଣ ହିତାଧିକାରୀଙ୍କ ନାମରେ ଆବାସ ଯୋଜନା କାର୍ଯ୍ୟାଦେଶ ଆସିଛି। ତଦନ୍ତ କରି କାର୍ଯ୍ୟାଦେଶ ପାଇଥିବା ଅନ୍ୟମାନଙ୍କ ପାଇଁ ପକ୍କାଗୃହର ବ୍ୟବସ୍ଥା କରାଯିବ। ସେ କହିଥିଲେ, ଏହି ଯୋଜନାରେ କୌଣସି ପିସି କାରବାର କରାଯାଉ ନାହିଁ। ଏନ୍‌ଏସି ଅଧ୍ୟକ୍ଷା ସବିତା ଦାସ କହିଥିଲେ, ପ୍ରକୃତ ହିତାଧିକାରୀ ତୁରନ୍ତ କାର୍ଯ୍ୟାଦେଶ ପାଇବା କଥା, କ’ଣ ପାଇଁ ୪ ମାସ ହେବ ସେମାନଙ୍କୁ କାର୍ଯ୍ୟାଦେଶ ଦିଆଯାଇ ନାହିଁ ତାହା ତଦନ୍ତ କରିବି। ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ କହିଛନ୍ତି, ମୁଁ ଏନ୍‌ଏସି ର ଅଧିକାରୀଙ୍କୁ ନିର୍ଦ୍ଦେଶ ଦେଇଛି ତୁରନ୍ତ ସେମାନଙ୍କୁ କାର୍ଯ୍ୟାଦେଶ ପ୍ରଦାନ କରିବେ। ଏହି କାର୍ଯ୍ୟାଳୟରେ କେତେଜଣ କର୍ମଚାରୀଙ୍କ ଅପାରଗତା ଯୋଗୁ ଗରିବ ଲୋକେ ହଇରାଣ ହେଉଛନ୍ତି।ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହି ହିତାଧିକାରୀମାନେ ପିସି ଦେଇ ନ ପାରିବାରୁ ସରକାରୀ କର୍ମଚାରୀମାନେ କାର୍ଯ୍ୟାଦେଶ ପ୍ରଦାନ କରିନାହାନ୍ତି ଏବଂ ଯେଉଁମାନେ ଏହା ଦେଇଛନ୍ତି ସେମାନଙ୍କୁ ତୁରନ୍ତ କାର୍ଯ୍ୟାଦେଶ ମିଳିଛି ବୋଲି ଓ୍ବାର୍ଡବାସୀ ଚିନ୍ତାମଣି ରଣା ମତ ପ୍ରକାଶ କରିଥିଲେ।


Enter your email to get our daily news in your inbox.

All Right Reserved By Dharitri.Com

ଅବ୍ୟବସ୍ଥାରେ ଗୋଲଗାଁ ବିଦ୍ୟାଳୟ : ୯ ଶ୍ରେଣୀ ଗୃହରୁ ୭ ବିପଦସଙ୍କୁଳ

ନୟାଗଡ଼ ଅଫିସ,୧୩।୯ : ନୟାଗଡ଼ ଜିଲା ରଣପୁର ବ୍ଲକ  ସୁଆଁସିଆସାହି ଅଙ୍ଗନୱାଡ଼ି କେନ୍ଦ୍ରରେ ୨୦୧୨ ମସିହା ଜୁଲାଇ ୯ରେ କାନ୍ଥ ଭୁଶୁଡ଼ି ୭ ଜଣ କୋମଳମତି...

ବାଲ୍ୟବିବାହ ଭୟରେ ଘରୁ ପଳାଇଥିବା ନାବାଳିକା ଉଦ୍ଧାର

ଓଡ଼ଗାଁ,୧୭।୧୧(ସ୍ବ.ପ୍ର.)-ବାଲ୍ୟ ବିବାହ ଭୟରେ ଘରୁ ନିଖୋଜ ହୋଇଯାଇଥିଲେ ଜଣେ ନାବାଳିକା। ଦୀର୍ଘମାସ ପରେ ଶନିବାର ତାଙ୍କୁ ସମ୍ପର୍କୀୟଙ୍କ ଘରୁ ଉଦ୍ଧାର କରାଯାଇଛି। ଘଟଣା ଘଟିଛି ନୟାଗଡ...

ମହାଜନଙ୍କ ପରିବାର ଲୋକେ ଆଖି ତାଡ଼ି ଦେଲେ

ନୟାଗଡ ଅଫିସ,୧୩।୨: ସୁଧ ବାବଦରେ ୫ ହଜାର ଟଙ୍କା କମ୍‌ ଦେବାକୁ କହିବାରୁ ମହାନଜଙ୍କ ପରିବାର ଲୋକେ ଜଣେ ବ୍ୟକ୍ତିଙ୍କ ଆଖି ତାଡି ଦେଇଛନ୍ତି। ନୟାଗଡ...

ବାଇକ୍‌ ଲୁଟେରା ଗ୍ୟାଙ୍ଗ୍‌ର ପର୍ଦ୍ଦାଫାଶ ୪ ଗିରଫ, ୧୦ ବାଇକ୍‌ ଜବତ

ନୟାଗଡ଼ ଅଫିସ,୨୪ା୯: ନୟାଗଡ଼ ଟାଉନ ଥାନା ପୋଲିସ ଏକ ବାଇକ୍‌ ଲୁଟେରା ଗ୍ୟାଙ୍ଗର ପର୍ଦ୍ଦାଫାଶ କରିଛି। ଏହି ଗ୍ୟାଙ୍ଗର ୪ ଜଣଙ୍କୁ ପୋଲିସ ଗିରଫ କରିଥିବାବେଳେ...

ଜିଲା ପାଠାଗାରରେ ଅବ୍ୟବସ୍ଥା: ଆସୁଛନ୍ତି ହାତଗଣତି ପାଠକ

ନୟାଗଡ଼ ଅଫିସ,୨୮ା୧୧: ଜିଲା ସୂଚନା ଓ ଲୋକସମ୍ପର୍କ କାର୍ଯ୍ୟାଳୟ ପରିସରରେ ଥିବା ଜିଲା ପାଠାଗାର ଅବ୍ୟବସ୍ଥା ମଧ୍ୟରେ ଗତି କରୁଛି। ଭିତ୍ତିଭୂମି ସୁଦୃଢ଼ ଥିବା ସତ୍ତ୍ୱେ...

ଅସୁରକ୍ଷିତ ଘରେ ଚାଲିଛି ପାଠପଢ଼ା : ଗୃହ ନିର୍ମାଣ ସତ୍ତ୍ୱେ ହେଉନି ହସ୍ତାନ୍ତର

ରଣପୁର,୧୯।୮(ସ୍ବ.ପ୍ର.)-ନୟାଗଡ ଜିଲା ରଣପୁର ବ୍ଲକ ସୁଆଁସିଆ ସାହି ଅଙ୍ଗନୱାଡି କେନ୍ଦ୍ରରେ କାନ୍ଥ ଭୁଶୁଡି ୨୦୧୨ ଜୁଲାଇ ୯ରେ ୭ ଶିଶୁଙ୍କ ମୃତ୍ୟୁ ପରେ ବି ପ୍ରଶାସନ...

ବଳକା ମଧ୍ୟାହ୍ନଭୋଜନରେ ଜୀବେଦୟା

ଓଡ଼ଗଁ।,୩୦ା୬(ସ୍ବ.ପ୍ର.): ସମ୍ପ୍ରତି ସମସ୍ତ ସ୍କୁଲରେ ମଧ୍ୟାହ୍ନ ଭୋଜନ ପ୍ରଚଳନ ଥିବା ବେଳେ ପିଲାମାନେ ବଳକା ଖାଦ୍ୟକୁ ନେଇ ଏଣେତେଣେ ଫିଙ୍ଗିବା ନିତିଦିନିଆ ଘଟଣା ହୋଇଛି। ଏହି...

ଗରିବ, ମେଧାବୀ ଛାତ୍ରୀଛାତ୍ରଙ୍କୁ ସ୍କୁଲ କିଟ୍‌ ପ୍ରଦାନ

ଖଣ୍ଡପଡ଼ା,୨୨ା୮(ସ୍ବ.ପ୍ର.): ଖଣ୍ଡପଡ଼ା ବ୍ଲକ ଅନ୍ତର୍ଗତ କଣ୍ଟିଲୋ ପଞ୍ଚାୟତ ଅଞ୍ଚଳସ୍ଥିତ ବିଭିନ୍ନ ଶିକ୍ଷାନୁଷ୍ଠାନର ଗରିବ, ମେଧାବୀ ଛାତ୍ରୀଛାତ୍ରଙ୍କୁ ନୀଳମାଧବ ଘରୋଇ ମୋଟର କର୍ମଚାରୀ ସଂଘ ପକ୍ଷରୁ ମଙ୍ଗଳବାର...

Advertisement


Archives

Model This Week