ମ୍ୟାଜିକ୍‌ ପେନ୍‌ ମାଧ୍ୟମରେ ଟଙ୍କା ଠକେଇ

ଭୁବନେଶ୍ୱର,୯।୩ (ବ୍ୟୁରୋ): କୌଣସି ନେଣଦେଣ ପାଇଁ ବ୍ୟାଙ୍କ ଚେକ୍‌ ବ୍ୟବହାର କରିବାବେଳେ ନିଜ ପେନ୍‌ରେ ଦସ୍ତଖତ, ଟଙ୍କାର ପରିମାଣ, ‘କ୍ୟାନସଲଡ୍‌’ ଓ ଅନ୍ୟ ତଥ୍ୟ ଲେଖନ୍ତୁ। କାହା ଦ୍ୱାରା କିମ୍ବା କାହା ପେନ୍‌ରେ ଚେକ୍‌ରେ ଲେଖନ୍ତୁନାହିଁ। ଏଥିପ୍ରତି ସତର୍କ ନ ହେଲେ ଆକାଉଣ୍ଟରେ ଥିବା ଟଙ୍କା ହରାଇବାକୁ ପଡ଼ିପାରେ। କାରଣ ଏବେ ମାତିଛନ୍ତି ମ୍ୟାଜିକ୍‌ ପେନ୍‌ ମାଧ୍ୟମରେ ଟଙ୍କା ଠକେଇ କରୁଥିବା ଗ୍ୟାଙ୍ଗ। ଉକ୍ତ ପେନ୍‌ରେ ଲେଖାଯାଇଥିବା ଅକ୍ଷର ଲିଭିଯାଉଥିବାରୁ ସେମାନେ ତାହାର ଫାଇଦା ଉଠାଇ ଲୋକଙ୍କ ଆକାଉଣ୍ଟରୁ ଟଙ୍କା ଉଠାଇ ନେଉଛନ୍ତି। ବିଶେଷକରି ଠକମାନେ ନିଜକୁ ବ୍ୟାଙ୍କ କର୍ମଚାରୀ ବୋଲି ପରିଚୟ ଦେଇ ଲୋନ୍‌ ଦେବା ବାହାନାରେ ଏପରି ଉପାୟରେ ଟଙ୍କା ହଡପ କରୁଛନ୍ତି। ଏଭଳି ଠକାମିର ଶିକାର ହୋଇଛନ୍ତି ଖଣ୍ଡଗିରି ଅଞ୍ଚଳର ବ୍ୟବସାୟୀ ସୋମନାଥ ସାହୁ ଓ ପାହାଳର ଏକ ଟାୟାର ଶୋରୁମ୍‌ ମାଲିକ କୃଷ୍ଣ ପାଢ଼ୀ। ସୋମନାଥ ୨୩ ହଜାର ଟଙ୍କା ଏବଂ କୃଷ୍ଣ ୭୬ ହଜାର ଟଙ୍କା ହରାଇଛନ୍ତି। ଠକେଇ ସମ୍ପର୍କରେ ସୋମନାଥ ଶନିବାର ଅଭିଯୋଗ କରିଥିଲେ। ରବିବାର ପାହାଳ ଫାଣ୍ଡିରେ ଅଭିଯୋଗ କରିଛନ୍ତି କୃଷ୍ଣ। ପୋଲିସ ଘଟଣାର ଖୋଳତାଡ଼ କରିଥିଲେ ମଧ୍ୟ କାହାରିକୁ ଗିରଫ କରିପାରିନାହିଁ।
ମ୍ୟାଜିକ୍‌ ପେନ୍‌ ମାଧ୍ୟମରେ ଠକେଇ କରୁଥିବା ଗ୍ୟାଙ୍ଗର ଟାର୍ଗେଟ ହେଉଛନ୍ତି ବ୍ୟାଙ୍କକୁ ଲୋନ୍‌ ପାଇଁ ଯାଉଥିବା ଲୋକ। ସେହି ବ୍ୟକ୍ତିମାନଙ୍କ ସମ୍ପର୍କରେ ଯଥେଷ୍ଟ ତଥ୍ୟ ଠକମାନେ ହାସଲ କରିନେଉଛନ୍ତି। ଯେପରି କି ସେହି ବ୍ୟକ୍ତିମାନଙ୍କ ଆକାଉଣ୍ଟରେ କେତେ ଟଙ୍କା ରହିଛି, ସେମାନଙ୍କ ଠିକଣା, ବୃତ୍ତି ଇତ୍ୟାଦି। ବ୍ୟାଙ୍କ ଯଦି ଲୋନ ଦେବାକୁ ମନାକରେ ତାହାହେଲେ ଠକମାନେ ନିଜକୁ ବ୍ୟାଙ୍କ କର୍ମଚାରୀ ବୋଲି ପରିଚୟ ଦେଇ ଫୋନ କରିବା ସହ ଘରେ ପହଞ୍ଚତ୍ୟାଆନ୍ତି। ସେହିପରି ଯଦି ବ୍ୟାଙ୍କ ଲୋନ୍‌ ଦେବାକୁ ରାଜି ହୋଇଥାଏ, ତାହାହେଲେ କମ୍‌ ସୁଧହାର ଏବଂ ପ୍ରୋସେସିଂ ଫି ବାହାନାରେ ଘରେ ପହଞ୍ଚତ୍ୟାଉଛନ୍ତି। ଏହାପରେ ସେମାନେ ବିଭିନ୍ନ ପ୍ରଲୋଭନ ଦେଖାଇ ଡକ୍ୟୁମେଣ୍ଟ ସଂଗ୍ରହ କରିବା ସହ କମ୍‌ ଟଙ୍କାର ପ୍ରୋସେସିଂ ଫି ବାବଦରେ ଚେକ୍‌ କିମ୍ବା ‘କ୍ୟାନସଲଡ୍‌ ଚେକ୍‌’ ନେଇଥାନ୍ତି, ଯେଉଁଥିରେ ସେମାନେ ଚାଲାକି କରି ମ୍ୟାଜିକ୍‌ ପେନ୍‌ ମାଧ୍ୟମରେ ଦସ୍ତଖତ, ଟଙ୍କା ପରିମାଣ ଏବଂ ଅନ୍ୟାନ୍ୟ ତଥ୍ୟ ଲେଖିନିଅନ୍ତି। ପରବର୍ତ୍ତୀ ସମୟରେ ଲେଖାକୁ ପରିବର୍ତ୍ତନ କରି ଆକାଉଣ୍ଟରୁ ଟଙ୍କା ଉଠାଇ ନେଇଥାନ୍ତି।
ଶୋରୁମ୍‌ ମାଲିକ କୃଷ୍ଣଙ୍କୁ ମଧ୍ୟ ଏଭଳି ଉପାୟରେ ଠକିଛନ୍ତି ଜଣେ ଯୁବକ। ସେ ଫୋନ୍‌କଲ୍‌ ମାଧ୍ୟମରେ ନିଜକୁ ବ୍ୟାଙ୍କ କର୍ମଚାରୀ ବୋଲି ପରିଚୟ ଦେଇ ଲୋଭନୀୟ ସ୍କିମ୍‌ ବିଷୟରେ କହିଥିଲେ। କୃଷ୍ଣ ରାଜି ହେବା ପରେ ତା’ ପରଦିନ ଯୁବକ ଜଣକ ଡକ୍ୟୁମେଣ୍ଟ ଭେରିଫିକେଶନ୍‌ କରିବାକୁ ଆସିଥିଲେ। ୧୦ ଲକ୍ଷ ଟଙ୍କାର ଲୋନ୍‌ କରାଇ ଦେବାକୁ କହି ସବୁ କାଗଜପତ୍ର ନେଇଥିଲେ। ଏହାପରେ ଠକ ଜଣକ ଆରମ୍ଭ କରିଥିଲେ ତାଙ୍କ ଅପରେଶନ। ବ୍ୟାଙ୍କ୍‌ର ପ୍ରୋସେସିଂ ଫି’ ବାବଦକୁ ୧୪୯ ଟଙ୍କାର ଚେକ୍‌ ଦେବାକୁ କହିବା ସହ ସାଙ୍ଗରେ ଆଣିଥିବା ପେନ୍‌ରେ ଲେଖାଇଥିଲେ। କିନ୍ତୁ ପରବର୍ତ୍ତୀ ସମୟରେ ଚେକ୍‌ରେ ଉଲ୍ଲେଖ ଥିବା ଟଙ୍କାର ପରିମାଣକୁ ବଦଳାଇ ୭୬ ହଜାର ଟଙ୍କା ଉଠାଇ ନେଇଥିଲେ। ଏନେଇ ଅଭିଯୋଗ ହେବା ପରେ ପୋଲିସ ସିସିଟିଭି ଫୁଟେଜ ଆଧାରରେ ତନାଘନା ଚଳାଇଛି। କେତେକ ଘଟଣାରେ ‘କ୍ୟାନସଲଡ୍‌ ଚେକ୍‌’ ମଧ୍ୟ ମ୍ୟାଜିକ୍‌ ପେନ୍‌ରେ ଲେଖାଯାଉଛି। ପରବର୍ତ୍ତୀ ସମୟରେ ‘କ୍ୟାନସଲଡ୍‌’କୁ ଲିଭାଇ ଟଙ୍କା ହଡପ କରାଯାଉଥିବା ଜଣାପଡ଼ୁଛି। ଏଭଳି ଠକେଇକୁ ଅନୁଧ୍ୟାନ କଲେ ର଼୍ୟାକେଟ୍‌ ସହ ବ୍ୟାଙ୍କ କର୍ମଚାରୀଙ୍କ ଭୂମିକା ମଧ୍ୟ ସନ୍ଦେହ ଘେରକୁ ଟାଣି ହୋଇଯାଉଛି।


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ଚିନ୍ତା ବଢାଉଛି ଓମିକ୍ରନ,ଆଉ ୫ ଆକ୍ରାନ୍ତ ଚିହ୍ନଟ

ଭୁବନେଶ୍ୱର,୩୦।୧୨(ବ୍ୟୁରୋ) : ରାଜ୍ୟରେ ଗୁରୁବାର ଆଉ ୫ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏ ନେଇ ଆଇଏଲଏସ୍‌ ପକ୍ଷରୁ ସ୍ବାସ୍ଥ୍ୟ ବିଭାଗକୁ ସୂଚନା ଦିଆଯାଇଛି। ଏହାକୁ...

ମାସ୍କ ନ ପିନ୍ଧିଲେ ୫ ହଜାର ଜରିମାନା: ମୁଖ୍ୟ ଶାସନ ସଚିବ

ଭୁବନେଶ୍ୱର,୩୧।୭(ବ୍ୟୁରୋ)-ରାଜ୍ୟରେ ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି। ତେବେ ସଂକ୍ରମଣକୁ ଦୃଷ୍ଟିରେ ରଖି ଶୁକ୍ରବାର ସରକାର ନୂଆ ନିର୍ଦ୍ଦେଶନାମା ଜାରି କରିଛନ୍ତି। ଭୁବନେଶ୍ୱର...

ଆଜି ରାଷ୍ଟ୍ରପତି ନିର୍ବାଚନ: ମୁର୍ମୁଙ୍କୁ ଓଡ଼ିଶାରୁ ୧୬୬ ଭୋଟ ମିଳିବା ଆଶା

ଭୁବନେଶ୍ବର, ୧୮ା୭(ବ୍ୟୁରୋ): ଦେଶରେ ରାଷ୍ଟ୍ରପତି ନିର୍ବାଚନ ଲାଗି ସମସ୍ତ ପ୍ରକାର ପ୍ରସ୍ତୁତି ଶେଷ ହୋଇସାରିଛି। ସୋମବାର ସକାଳ ୧୦ରୁ ୫ଟା ପର୍ଯ୍ୟନ୍ତ ଭୋଟିଂ ଚାଲିବ। ତେବେ...

ଓଡ଼ିଶା ସମେତ ୬ ହାଇକୋର୍ଟର ବିଚାରପତିଙ୍କ ବଦଳି

ନୂଆଦିଲ୍ଲୀ/କଟକ ଅଫିସ,୨୭।୫: ୬ ହାଇକୋର୍ଟର ବିଚାରପତିଙ୍କ ବଦଳି କରାଯାଇଛି। ସୁପ୍ରିମକୋର୍ଟଙ୍କ କଲେଜିୟମଙ୍କ ନିଷ୍ପତି କ୍ରମେ ଶୁକ୍ରବାର ଏହି ଅଦଳବଦଳ ହୋଇଛି। ଏ ନେଇ ସୁପ୍ରିମକୋର୍ଟଙ୍କ କଲେଜିୟମ...

ରାତାରାତି ବ୍ୟବଚ୍ଛେଦକୁ ନେଇ ବିବାଦ

କଟକ ଅଫିସ, ୧୦ା୯:ଏସ୍‌ସିବି ମେଡିକାଲ କଲେଜ ଆଣ୍ଡ ହସ୍ପିଟାଲରେ ଚିକିତ୍ସାରେ ଅବହେଳା ଓ ସ୍ବାସ୍ଥ୍ୟ ସଚିବଙ୍କ ନିର୍ଦ୍ଦେଶ ସତ୍ତ୍ୱେ ଡାକ୍ତର ଚିକିତ୍ସା ନ କରାଇ ଘରକୁ...

ବିଜେଡି ସଭ୍ୟ ସଂଗ୍ରହ ଅବଧି ୩ ସପ୍ତାହ ବୃଦ୍ଧି

ଭୁବନେଶ୍ୱର,୧।୧୧(ବ୍ୟୁରୋ) : ଅକ୍ଟୋବର ଶେଷ ସୁଦ୍ଧା ବିଜେଡି ପକ୍ଷରୁ ପ୍ରାୟ ୪୧ ଲକ୍ଷଙ୍କୁ ଦଳୀୟ ସଭ୍ୟ କରାଯାଇଥିବା ଜଣାପଡ଼ିଛି। ସେହିପରି ସଭ୍ୟ ସଂଗ୍ରହରେ ଦେଖାଦେଇଥିବା ଉତ୍ସୁକତାକୁ...

ରବିବାରଠାରୁ ଖୋଲିବ ଲିଙ୍ଗରାଜ ମନ୍ଦିର

ପୁରୁଣା ଭୁବନେଶ୍ୱର,୨୬ା୧୨(ଡି.ଏନ୍‌.ଏ.)-ରବିବାରଠାରୁ ଶ୍ରୀଲିଙ୍ଗରାଜ ମନ୍ଦିର ଖୋଲିବ। ଦର୍ଶନ ପାଇଁ ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି। ଶନିବାର ମନ୍ଦିର ପରିସରକୁ ଅଗ୍ନିଶମ କର୍ମଚାରୀଙ୍କ ଦ୍ୱାରା ସାନିଟାଇଜ୍‌...

ସର୍ବଭାରତୀୟ ପ୍ରବନ୍ଧ ପ୍ରତିଯୋଗିତାରେ ଓଡ଼ିଆ ଝିଅ ଲଭ୍‌ଲୀ ପ୍ରଥମ

ଭୁବନେଶ୍ୱର, ୨୩ା୭(ବ୍ୟୁରୋ): ଜାତୀୟ ସ୍ତରର ପତ୍ରିକା କମ୍ପିଟିଶନ୍‌ ସକ୍‌ସେସ୍‌ ରିଭିୟୁ ପକ୍ଷରୁ ଗତ ମାର୍ଚ୍ଚରେ ସର୍ବଭାରତୀୟ ପ୍ରବନ୍ଧ ପ୍ରତିଯୋଗିତା ଆୟୋଜିତ ହୋଇଥିଲା। ଏଥିରେ ଓଡ଼ିଶାର ଝିଅ...

Advertisement
Archives

Model This Week