ମକର ଲାଗି ଉତ୍ସବମୁଖର ‘ମା’ ବରୁଣେଇ ପୀଠ’

ଧାମନଗର,୧୪ା୧ – ଭଦ୍ରକ ଜିଲା ଧାମନଗର ବ୍ଲକ ଅସୁରାଳିସ୍ଥିତ ଭଦ୍ରକ- ଆଖଣ୍ଡଳମଣି ମୁଖ୍ୟ ରାସ୍ତାକଡରେ ରହିଛି ନେତ୍ରପୀଠ ମା’ ବରୁଣେଇଙ୍କ ପୀଠ। ଆଖଣ୍ଡଳମଣିଙ୍କ ପୀଠକୁ ଯିବା ବେଳେ ଏଠାରେ ଦୈନିକ ଶହ ଶହ ଗାଡି ମୋଟର ଅଟକି ପୂଜାର୍ଚ୍ଚନା କରି ଯାଇଥାନ୍ତି। ବିବାହ, ବ୍ରତ ପାଇଁ ଏଠାରେ ଥିବା କଲ୍ୟାଣ ମଣ୍ଡପର ଚାହିଦା ବଢିଯାଇଛି। ପ୍ରତିବର୍ଷ ଭଳି ଚଳିତବର୍ଷ ମକରମେଳା ଲାଗି ଏହି ପୀଠ ଉତ୍ସବମୁଖର ହୋଇପଡିଛି। ଏହି ଉତ୍ସବ ଦୁଇଦିନ ଧରି ଧୁମଧାମ୍‌ରେ ପାଳନ କରାଯିବ। ଚଳିତବର୍ଷ ୧୫ତାରିଖଠାରୁ ଦୁଇଦିନିଆ ମକର ମେଳା ପାଇଁ ଚଣ୍ଡୀପାଠ, ବିଶ୍ୱଶାନ୍ତି ମହାଯଜ୍ଞ ଏବଂ ଖେଚୁଡି ପ୍ରସାଦସେବନ ନେଇ ପ୍ରସ୍ତୁତି ଚୂଡାନ୍ତ ହୋଇଛି। ସନ୍ଧ୍ୟାରେ ମନୋରଞ୍ଜନ କାର୍ଯ୍ୟକ୍ରମ ପାଇଁ ବ୍ୟବସ୍ଥା ହୋଇଥିବା କମିଟି ପକ୍ଷରୁ ସୂଚନା ଦିଆଯାଇଛି।
ଏଠାରେ ମା’ଙ୍କ ଆବିର୍ଭାବ ସମ୍ପର୍କରେ ବିଭିନ୍ନ ଜନଶ୍ରୁତି ଶୁଣିବାକୁ ମିଳେ। ପୂର୍ବରୁ ରାଜରାଜୁଡା ଶାସନ ସମୟରେ ଏହା ମୁଖ୍ୟ ରାସ୍ତା ଭାବେ ପରିଗଣିତ ହୋଇଆସୁଥିଲା। ଉକ୍ତ ସ୍ଥାନରେ ମା’ଙ୍କୁ ସାକ୍ଷୀ ରଖି ଲୋକେ ଯାତାୟାତ କରୁଥିଲେ। ୧୪୭୯ରୁ ୧୫୦୪ ପର୍ଯ୍ୟନ୍ତ ଗଜପତି ମହାରାଜା ପୁରୁଷୋତ୍ତମ ଦେବଙ୍କ ଶାସନ ସମୟରେ ଖୋର୍ଦ୍ଧାଗଡଠାରୁ ଯାଜପୁର, ଧାମନଗର ଓ ଅସୁରାଳି ହୋଇ ରାଜ୍ୟର ଉତ୍ତର ଦିଗକୁ ସାମରିକ ବାହିନୀଙ୍କର ଯାତାୟାତ ରାସ୍ତା ଥିଲା। ଖୋର୍ଦ୍ଧାରୁ ମା’ ବରୁଣେଇଙ୍କର ଏକ ପ୍ରତିମୂର୍ତ୍ତି ସୈନ୍ୟମାନେ ସାଥିରେ ନେଇଯାଉଥିବାବେଳେ ଖୋର୍ଦ୍ଧାଗଡ ଉପରେ କଳାପାହାଡର ଆକ୍ରମଣ ଭୟରେ ଉକ୍ତ ରାସ୍ତାର ମଙ୍ଗଳପୁର ନିକଟ କପାଳୀ ନଦୀ କୂଳରେ ମୂର୍ତ୍ତିକୁ ଫିଙ୍ଗି ଦେଇ ପଳାଇ ଯାଇଥିଲେ। ଖାର୍ଜିକୋରୁଆ ଗ୍ରାମର ଜଣେ ମାଳୀଙ୍କୁ ସ୍ବପ୍ନାଦେଶ ପରେ ମା’ଙ୍କ ମୂର୍ତ୍ତି ଉଦ୍ଧାର କରାଯାଇ ପ୍ରତିଷ୍ଠା କରାଯାଇଥିଲା। ଶାସକ ରାଜା ଏବଂ ସୈନ୍ୟ ସାମନ୍ତଙ୍କ ରହଣି ସ୍ଥାନ ଯୋଗୁ ଉକ୍ତ ପୀଠକୁ ଲାଗି ରହିଥିବା ସ୍ଥାନ ଏବଂ ଗ୍ରାମର ନାମକରଣ ସ୍ବତନ୍ତ୍ର ରହିଛି। ହାତୀ ରହୁଥିବା ସ୍ଥାନର ନାମ ହାତିଆପଡା, ଅଶ୍ୱ ରହୁଥିବା ଗ୍ରାମର ନାମ ଅସୁରାଳି, ବନ୍ୟା ସମୟରେ ରହଣି ପାଇଁ ଏକ ଉଚ୍ଚପଡିଆରେ ସୈନ୍ୟସାମନ୍ତ ଆଶ୍ରୟ ପାଇଁ ଗ୍ରାମର ନାମ ଉଚ୍ଚପଦା ରହିଛି । ହାତିଆପଡା ଗ୍ରାମର ସ୍ବର୍ଗତ ଲୋକନାଥ ପଣ୍ଡା ମା’ଙ୍କ ପୀଠରେ ପୂଜା ଆରମ୍ଭ କରିଥିବା ବେଳେ ତାଙ୍କ ବଂଶଧରମାନେ ବର୍ତ୍ତମାନ ପର୍ଯ୍ୟନ୍ତ ସେବା ପୂଜାରେ ନିୟୋଜିତ ହୋଇଆସୁଛନ୍ତି। ପୂର୍ବରୁ ବଣ ଜଙ୍ଗଲଘେରା ମୁଖ୍ୟ ରାସ୍ତାକଡରେ ମା’ଙ୍କ ପୂଜା ହୋଇଆସୁଥିବା ବେଳେ ପରବର୍ତ୍ତୀ ସମୟରେ ପୀଠର ଉନ୍ନତୀକରଣ କରାଯାଇଛି। ମା’ଙ୍କ ନୂତନ ମୂର୍ତ୍ତି ସ୍ଥାପନା, ମା’ଙ୍କ ସ୍ଥାୟୀ ମନ୍ଦିର, ବିଶାଳ ଯଜ୍ଞ ମଣ୍ଡପ, କଲ୍ୟାଣ ମଣ୍ଡପ, ଯାତ୍ରୀନିବାସ, ରାସ୍ତାକଡରେ ପାଚେରି, ସିଂହଦ୍ୱାର, ପୀଠ ଆଲୋକୀକରଣ ଆଦି କାର୍ଯ୍ୟ ଏବଂ ଉକ୍ତ ପୀଠର ନବକଳେବର ଆଦି କରାଯାଇଛି। ପୂର୍ବତନ ବିଧାୟକ ମୁକ୍ତିକାନ୍ତ ମଣ୍ଡଳଙ୍କର ସମ୍ପୂର୍ଣ୍ଣ ପ୍ରୟାସରେ ନିର୍ମାଣ ହୋଇ ପୀଠ ପୂର୍ଣ୍ଣାଙ୍ଗ ହୋଇଥିବା କମିଟି ସଭାପତି ହେମେନ୍ଦ୍ର ସାହୁ କହିିଛନ୍ତିି। ଏବେ ମା’ଙ୍କ ପୀଠକୁ ଲାଗି ଏକ ଶିବମନ୍ଦିର ମଧ୍ୟ ସ୍ଥାପନା କରାଯାଉଥିବା ବେଳେ ଲକ୍ଷ୍ମୀନାରାୟଣଙ୍କ ମନ୍ଦିର ନିର୍ମାଣ ପାଇଁ ଉଦ୍ୟମ ଜାରି ରହିଛି ବୋଲି ସେ ସୂଚନା ଦେଇଛନ୍ତି ।

(ଅଜିତ ରାଉତ)


Enter your email to get our daily news in your inbox.

All Right Reserved By Dharitri.Com

ରାତି ହେଲେ ଏଟିଏମ୍‌ରେ ତାଲା

ଭଞ୍ଜନଗର,୧୬।୧୨(ଡି.ଏନ.ଏ)-ଭଞ୍ଜନଗର ସହରର କେତେକ ଏଟିଏମ୍‌ରେ ରାତି ୮ଟାରୁ ତାଲା ପକାଇ ଦିଆଯାଉଛି । ଏଟିଏମ୍‌ ସମ୍ମୁଖରୁ ସୁରକ୍ଷା ବ୍ୟବସ୍ଥା ମଧ୍ୟ ହଟାଇ ନିଆଯାଉଛି । କିଛି...

ଗୁଣି ଗାରେଡ଼ି ନେଇ ସଚେତନତା ସଭା

ଭଞ୍ଜନଗର,୨୭।୧୦(ଡି.ଏନ.ଏ)-ଭଞ୍ଜନଗର ନିକଟ ବାଉଁଶଲୁଣ୍ଡି ରାଧାକୃଷ୍ଣ ପାଠାଗାର ପକ୍ଷରୁ ହେତୁବାଦୀ ସମାଜ ସହାୟତାରେ ଗୁଣି ଗାରେଡ଼ି ଉପରେ ଏକ ସଚେତନତା ସଭା ଶନିବାର ଅନୁଷ୍ଠିତ ହୋଇଯାଇଛି। ଲୋକଙ୍କ...

କାମ ନ କରି ଟଙ୍କା ଉଠାଇବା ମହଙ୍ଗା ପଡ଼ିଲା: ବିଦା ହେଲେ ଜେଇ, ଏସ୍‌ଡିିଓ ନିଲମ୍ବିତ

ବରଗଡ଼ ଅଫିସ୍‌,୯।୬- ବରଗଡ଼ ଜିଲା ଗ୍ରାମ୍ୟ ଉନ୍ନୟନ(ଆରଡି) ବିଭାଗ ଅଧୀନରେ ରହିଥିବା ଭେଡ଼େନ ବ୍ଲକ ଅନ୍ତର୍ଗତ ଦବକା ଏବଂ ବଇପୁର ଛକରୁ ଆଖିଫୁଟା ରାସ୍ତା ପାଇଁ...

ପୂର୍ବ ଶତ୍ରୁତାରୁ ତୀରମାଡ଼

ପାଲଲହଡ଼ା, ୧୬ା୮(ଡି.ଏନ.ଏ.)- ଅନୁଗୋଳ ଜିଲା ପାଲଲହଡ଼ା ଥାନା ଯମରଡ଼ିହ ଗ୍ରାମରେ ପୂର୍ବ ଶତ୍ରୁତାକୁ କେନ୍ଦ୍ର କରି ଗୁରୁ ଧୀବରଙ୍କୁ ତୀର ମାଡ଼ ହୋଇଛି। ଏ ନେଇ...

ପଞ୍ଚଶୀଳ ନୀତି ଅର୍ଥନୈତିକ ବିକାଶରେ ବାଟ କଢ଼ାଇଥିଲା

ସାକ୍ଷୀଗୋପାଳ, ୨୨।୮ ( ଡି.ଏନ୍‌. ଏ.)-ସାକ୍ଷୀଗୋପାଳ କଲେଜରେ ‘ଓଡ଼ିଶାରେ ଗାନ୍ଧିଜୀ’ ଶୀର୍ଷକ ଏକ ଆଲୋଚନା ଗୁରୁବାର କଲେଜ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଇହିହାସ ବିଭାଗ...

ରନ୍ଧନ ଗ୍ୟାସ୍‌ ଗୋଦାମ୍‌ରେ ସିଲିଣ୍ଡର ଲିକ୍‌

ପଡ଼ିଆ,୩୦ା୪: ଗ୍ୟାସ୍‌ ସିଲିଣ୍ଡର୍‌ ଲିକ୍‌ ଯୋଗୁ ମାଲକାନଗିରି ଜିଲା ପଡ଼ିଆସ୍ଥିତ ଇଣ୍ଡେନ୍‌ ଗ୍ୟାସ୍‌ ବିତରଣ କେନ୍ଦ୍ରରେ ଭୟର ବାତାବରଣ ସୃଷ୍ଟି ହୋଇଥିଲା। ଘଟଣାରୁ ପ୍ରକାଶ ଯେ,...

ବଜାରକୁ ସାନିଟାଇଜ୍‌ କଲେ: ମାସ୍କ, ସାନିଟାଇଜର ବାଣ୍ଟିଲେ

ପିପିଲି,୨୯ା୩(ଡି.ଏନ୍‌.ଏ.): କରୋନା ଯୋଗୁ ଲକ୍‌ଡାଉନ ଘୋଷଣା କରିବା ସହ ଅତ୍ୟାବଶ୍ୟକ ସାମଗ୍ରୀ ତଥା ମେଡିସିନ୍‌ ଷ୍ଟୋର, ଦୁଗ୍ଧ ପାଉରୁଟି ଷ୍ଟଲ, ଫଳ ଓ ପନିପରବା ଦୋକାନଗୁଡିକ...

ଇଭିଏମ୍‌ କଣ୍ଟ୍ରୋଲ୍‌ ୟୁନିଟ୍‌ ଭାଙ୍ଗିବା ମାମଲା : ଜେଲରେ ଭାଜପା ପ୍ରାର୍ଥୀ ନୀଳମଣି

ଛତ୍ରପୁର,୨୦ା୪(ଡି.ଏନ.ଏ.)-ଗଞ୍ଜାମ ଜିଲା ସୋରଡା ବ୍ଲକ ରେଣ୍ଟି ବୁଥ୍‌ରେ ଇଭିଏମ୍‌ କଣ୍ଟ୍ରୋଲ ୟୁନିଟ୍‌ ଭାଙ୍ଗିବା ମାମଲାରେ ଭାଜପା ପ୍ରାର୍ଥୀ ନୀଳମଣି ବିଷୋୟୀ ଗିରଫ ହୋଇ ଜେଲ ଯାଇଛନ୍ତି।...

Coronavirus Update


Archives

Model This Week

Why Dharitri