ସେଣ୍ଟ ଜୋନ୍ସ (ଆଣ୍ଟିଗୁଆ), ୨୯।୧୧ (ପି.ଟି.)- ଭାରତ ବିପକ୍ଷ ଆଗାମୀ ସୀମିତ ଓଭର ସିରିଜ ଲାଗି ଗୁରୁବାର ଭ୍ରମଣକାରୀ ଓ୍ବେଷ୍ଟଇଣ୍ଡିଜ ଦିନିକିଆ ଓ ଟି୨୦ ଦଳ ଘୋଷଣା କରାଯାଇଛି। ଅଲ୍ରାଉଣ୍ଡର କିରନ ପୋଲାର୍ଡ ଉଭୟ ଫର୍ମାଟ୍ରେ ଅଧିନାୟକ ଭାବେ ଅପରିବର୍ତ୍ତିତ ରହିଛନ୍ତି। ନିକୋଲାସ ପୁରାନଙ୍କ ଟି୨୦ ଓ ଶାଇ ହୋପ୍ଙ୍କୁ ଦିନିକିଆ ଦଳର ଉପ-ଅଧିନାୟକ ଦାୟିତ୍ୱ ଦିଆଯାଇଛି। ଲକ୍ଷ୍ନୌରେ ନିକଟରେ ଆଫଗାନିସ୍ତାନ ବିପକ୍ଷରେ ଖେଳିଥିବା ଅଧିକାଂଶ ଖେଳାଳିଙ୍କ ଉପରେ ଚୟନକର୍ତ୍ତା ଭରସା କରିଛନ୍ତି। ଏହି ଗସ୍ତରେ ଓ୍ବେଷ୍ଟଇଣ୍ଡିଜ ୩ଟି ଲେଖାଏ ଟି୨୦ ଓ ଦିନିକିଆ ମ୍ୟାଚ୍ ଖେଳିବ। ଡିସେମ୍ବର ୬ରେ ହାଇଦ୍ରାବାଦରେ ପ୍ରଥମ ଟି୨୦ ମ୍ୟାଚ୍ ଖେଳି ଓ୍ବେଷ୍ଟଇଣ୍ଡିଜ ଏହାର ଭାରତ ଗସ୍ତ ଆରମ୍ଭ କରିବ। ଏହାପରେ ଡିସେମ୍ବର ୧୫ରୁ ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ଆରମ୍ଭ ହେବ।
ଓ୍ବେଷ୍ଟଇଣ୍ଡିଜ ଦିନିକିଆ ଦଳ: ସୁନିଲ ଆମ୍ବ୍ରିସ, ଶାଇ ହୋପ୍, ଖାରୀ ପିଏରେ, ରୋଷ୍ଟନ ଚେଜ୍, ଅଲ୍ଜାରୀ ଜୋସେଫ୍, କିରନ ପୋଲାର୍ଡ (ଅଧିନାୟକ), ଶେଲଡନ୍ କୋର୍ଟେଲ, ବ୍ରେଣ୍ଡନ କିଙ୍ଗ୍, ନିକୋଲାସ ପୁରାନ, ଶିମରନ ହେଟ୍ମେୟର, ଏଭିନ୍ ଲୁଇସ, ରୋମାରିଓ ଶେଫର୍ଡ, ଜାସନ ହୋଲ୍ଡର, କେମୋ ପଲ୍ ଓ ହେଡେନ୍ ଓ୍ବାଲ୍ସ ଜୁନିୟର।
ଓ୍ବେଷ୍ଟଇଣ୍ଡିଜ ଟି୨୦ ଦଳ: ଫାବିଆନ ଆଲେନ୍, ବ୍ରେଣ୍ଡନ କିଙ୍ଗ୍, ଦୀନେଶ ରାମଦିନ, ଶେଲଡନ୍ କୋର୍ଟେଲ, ଏଭିନ୍ ଲୁଇସ, ଶେର୍ଫାନେ ରଦରଫୋର୍ଡ, ଶିମରନ ହେଟ୍ମେୟର, ଖାରୀ ପିଏରେ, ଲେଣ୍ଡଲ୍ ସିମନ୍ସ, ଜାସନ ହୋଲ୍ଡର, କିରନ ପୋଲାର୍ଡ (ଅଧିନାୟକ), ହେଡେନ ଓ୍ବାଲ୍ସ ଜୁନିୟର, କେମୋ ପଲ୍, ନିକୋଲାସ ପୁରାନ, କେସରିକ୍ ଓ୍ବିଲିୟମ୍ସ।
