ଭାଙ୍ଗିଲା ସୂର୍ଯ୍ୟମନ୍ଦିର ମୂର୍ତ୍ତି, ବିବାଦରେ ଏଏସ୍‌ଆଇ

ଭୁବନେଶ୍ୱର,୨୯।୨(ବ୍ୟୁରୋ): ବିଶ୍ୱ ଐତିହ୍ୟସ୍ଥଳୀ କୋଣାର୍କ ସୂର୍ଯ୍ୟମନ୍ଦିରର ମରାମତି ନାମରେ କାରୁକାର୍ଯ୍ୟପୂର୍ଣ୍ଣ ପଥରକୁ କାଢି ଭାରତୀୟ ପ୍ରତ୍ନତାତ୍ତ୍ୱିକ ସର୍ବେକ୍ଷଣ ସଂସ୍ଥା(ଏଏସ୍‌ଆଇ) ସାଦା ପଥର ଲଗାଇବା ବିବାଦ ଥମିନାହିଁ। ଏବେ ଆଉ ଏକ ବିବାଦ ମୁଣ୍ଡ ଟେକିଛି। କିଛିଦିନ ତଳେ ଏଏସ୍‌ଆଇ ପକ୍ଷରୁ କୋଣାର୍କ ମନ୍ଦିର ଚାରିପଟେ ଲାଗିଥିବା ଲୁହାଭାରା ଖୋଲାଯିବେବେଳେ ଏକ ମୂର୍ତ୍ତି ଭାଙ୍ଗିଯାଇଥିବା ଅଭିଯୋଗ ହୋଇଛି।
କୋଣାର୍କ ସୁରକ୍ଷା ସମିତି ପକ୍ଷରୁ ହୋଇଥିବା ଅଭିଯୋଗ ମୁତାବକ, ମନ୍ଦିର ଚାରିପଟୁ ଲୁହାଭାରା କାଢ଼ିବା ସମୟରେ ଏଏସ୍‌ଆଇ କର୍ତ୍ତୃପକ୍ଷଙ୍କ ଅବହେଳା ଯୋଗୁ ପୂର୍ବଭାଗରେ ଥିବା ୫ ଫୁଟର ମୈଥୁନରତ ଯୁଗଳମୂର୍ତ୍ତି ଭାଙ୍ଗିଯାଇଛି। ମୂର୍ତ୍ତିର ଆଣ୍ଠୁ ପାଖରୁ ଅବଶିଷ୍ଟ ଅଂଶ ସମ୍ପୂର୍ଣ୍ଣଭାବେ ଭାଙ୍ଗି ବିଚ୍ଛିନ୍ନ ହୋଇଯାଇଛି। ଭାଙ୍ଗିଯାଇଥିବା ଏହି ଅଂଶକୁ ସଙ୍ଗେ ସଙ୍ଗେ ଯୋଡ଼ାଯାଇ ମରାମତି କରାଯାଇପାରିଥାନ୍ତା। ହେଲେ କର୍ତ୍ତୃପକ୍ଷଙ୍କ ଅବହେଳା ଯୋଗୁ ଭଙ୍ଗା ଅଂଶ ହଜିଯାଇଥିବା ଜଣାପଡ଼ିଛି। ଫଳରେ ଦୂରରୁ ମଧ୍ୟ ଭଙ୍ଗା ମୂର୍ତ୍ତି ସ୍ପଷ୍ଟ ଦେଖାଯାଉଛି। ତେବେ କେବଳ ଏଥର ନୁହେଁ, ପୂର୍ବରୁ ମଧ୍ୟ ଏଏସ୍‌ଆଇ କର୍ତ୍ତୃପକ୍ଷଙ୍କ ଏଭଳି ଅବହେଳା ଯୋଗୁ ସୂର୍ଯ୍ୟମନ୍ଦିରର ବହୁ କାରୁକାର୍ଯ୍ୟପୁର୍ଣ୍ଣ କଳାକୃତି ନଷ୍ଟ ହୋଇଯାଇଥିବା ସମିତିର ସାଧାରଣ ସମ୍ପାଦକ ଅନିଲ ଧୀର କହିଛନ୍ତି। ମନ୍ଦିରର ମରାମତି ପାଇଁ ଅଣକୁଶଳୀ ଶ୍ରମିକଙ୍କୁ ନିୟୋଜିତ କରାଯାଉଥିବାରୁ ଏଭଳି ପରିସ୍ଥିତି ସୃଷ୍ଟିହେଉଛି। ଏଏସ୍‌ଆଇର ଅବହେଳା ଯୋଗୁ ଗତ ପ୍ରଳୟଙ୍କରୀ ବାତ୍ୟା ଫନୀରେ ପୁରୀ ଶ୍ରୀଜଗନ୍ନାଥ ମନ୍ଦିରର ସିଂହ ମୂର୍ତ୍ତି କ୍ଷତିଗସ୍ତ ହୋଇଥିଲା। ୨୦୧୯ ମେ’ ୨୧ରେ ଏଏସ୍‌ଆଇ ଏଥିପାଇଁ ଜଗନ୍ନାଥ ମନ୍ଦିର ପ୍ରଶାସନକୁ କ୍ଷମା ମାଗିଥିଲା। କୋଣାର୍କରେ ମଧ୍ୟ ମନ୍ଦିର ଚାରିପଟେ ଲାଗିଥିବା ଲୁହାଭାରା ମଧ୍ୟରୁ ଗୋଟିଏ ଲୁହାରଡ ଭାଙ୍ଗି ସିଂହ ମୂର୍ତ୍ତି ଉପରେ ପଡ଼ିଯିବାରୁ ତାହା କ୍ଷତିଗ୍ରସ୍ତ ହୋଇଥିଲା। ଗୋଟିଏପଟେ କୋଣାର୍କ ସୂର୍ଯ୍ୟ ମନ୍ଦିରର ବିଶ୍ୱ ଐତିହ୍ୟ ମାନ୍ୟତା ଉଠିଯିବା ନେଇ ଆଶଙ୍କା ଲାଗିରହିଥିବା ବେଳେ ଏଏସ୍‌ଆଇର ଏଭଳି ବାରମ୍ବାର ଅବହେଳା ପରିସ୍ଥିତିକୁ ଆହୁରି ଜଟିଳ କରୁଛି। ଉଭୟ ଏଏସ୍‌ଆଇ ଏବଂ ଓଡ଼ିଶା ସରକାର କୋଣାର୍କ ମନ୍ଦିରର ସୁରକ୍ଷା ଉପରେ ଆହୁରି ଗୁରୁତ୍ୱ ଦେବାର ଆବଶ୍ୟକତା ରହିଛି। ମନ୍ଦିରର ମରାମତି ଏବଂ ସଂରକ୍ଷଣ କାର୍ଯ୍ୟ ସମୟରେ ସ୍ଥାନୀୟ ଲୋକ ଏବଂ କାରିଗରଙ୍କ ପରାମର୍ଶ ନେବାକୁ ଅନିଲ ଧୀର କହିଛନ୍ତି।
କେନ୍ଦ୍ର ସଂସ୍କୃତି ମନ୍ତ୍ରୀଙ୍କ ନିର୍ଦ୍ଦେଶରେ କୋଣାର୍କର ସୁରକ୍ଷା ପାଇଁ ଏକ ଗୁରୁତ୍ୱପୁର୍ଣ୍ଣ ସମ୍ମିଳନୀର ଆୟୋଜନ କରାଯାଇଛି। ଏଥିରେ ବହୁ ବଡ଼ ବଡ଼ ପ୍ରତ୍ନତତ୍ତ୍ୱବିତ୍‌, ଇଞ୍ଜିନିୟର ଏବଂ ବିଶେଷଜ୍ଞମାନେ ଯୋଗଦେଇଛନ୍ତି। ପୂର୍ବରୁ ୧୯୯୭ରେ ମଧ୍ୟ ସୂର୍ଯ୍ୟମନ୍ଦିରର ସଂରକ୍ଷଣ ପାଇଁ ଏଭଳି ଏକ ସମ୍ମିଳନୀର ଆୟୋଜନ କରାଯାଇଥିଲା। ଏଥିରେ ବିଦେଶରୁ ବହୁ ବିଶେଷଜ୍ଞମାନେ ଯୋଗଦେଇଥିଲେ। ହେଲେ କିଛି ସୁଫଳ ମିଳିଲାନି। ସେମାନଙ୍କ ପରାମର୍ଶକୁ କାର୍ଯ୍ୟରେ ଲଗାଗଲାନି। ଫଳରେ ଜଗମୋହନରେ ଥିବା ବାଲି ଦିନକୁ ଦିନ ଦବୁଥିବା ବେଳେ ମନ୍ଦିର ଚାରିପଟେ ଜମୁଥିବା ପାଣି ମନ୍ଦିର ପ୍ରତି ବିପଦ ସୃଷ୍ଟିକରୁଛି। ଯଦି ତୁରନ୍ତ ଏହାର ମରାମତି କରା ନ ଯାଏ ତାହେଲେ ଓଡ଼ିଶାର ଏହି ଏକମାତ୍ର ବିଶ୍ୱ ଐତିହ୍ୟସ୍ଥଳୀ ମାଟିରେ ମିଶିଯିବ ବୋଲି କୁହାଯାଇଛି।
ଅନ୍ୟପକ୍ଷରେ କିଛିଦିନ ତଳେ ମନ୍ଦିରର କାରୁକାର୍ଯ୍ୟପୂର୍ଣ୍ଣ ପଥରକୁ କାଢି ସାଦା ପଥର ଲଗାଇବା ଘଟଣାରେ ଏଏସଆଇ ନାମରେ ଯେଉଁ ଅଭିଯୋଗ ଉଠିଥିଲା ତାହାକୁ ନେଇ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ତଦନ୍ତ ଆରମ୍ଭ ହୋଇଥିଲା। ବିଭାଗୀୟ ପ୍ରମୁଖ ସଚିବ ମନୋରଞ୍ଜନ ପାଣିଗ୍ରାହୀଙ୍କ ନେତୃତ୍ୱରେ ଏକ ୫ ଜଣିଆ ଟିମ୍‌ କୋଣାର୍କ ଯାଇ ମନ୍ଦିର ଗର୍ଭର ସ୍ଥିତି ଅନୁଧ୍ୟାନ କରିଥିଲେ। ସୂର୍ଯ୍ୟମନ୍ଦିରର ନାଟ୍ୟ ମଣ୍ଡପ ମୁଖଶାଳାର ଦକ୍ଷିଣ, ପଶ୍ଚିମ ଓ ଉତ୍ତର ଦ୍ୱାର ସହ ଯେଉଁ ସ୍ଥାନକୁ ନେଇ ବିବାଦ ଉଠିଥିଲା ସେହି ସ୍ଥାନକୁ ଅନୁଧ୍ୟାନ କରାଯାଇଥିଲା। କୋଣାର୍କ ମନ୍ଦିରର ସୁରକ୍ଷା ପାଇଁ ରାଜ୍ୟ ସରକାର ସମସ୍ତ ପଦକ୍ଷେପ ଗ୍ରହଣ କରିବେ ବୋଲି ବିଭାଗୀୟ ସଚିବ କହିଥିଲେ।


Enter your email to get our daily news in your inbox.

All Right Reserved By Dharitri.Com

ପୁରୀ ଦେଶର ଦ୍ୱିତୀୟ ସ୍ବଚ୍ଛ ବେଳାଭୂମି

ଭୁବନେଶ୍ୱର,୪ା୧(ବ୍ୟୁରୋ): ପୁରୀ ଦେଶର ଦ୍ୱିତୀୟ ସବୁଠାରୁ ପରିଷ୍କାର ବା ସ୍ବଚ୍ଛ ବେଳଭୁମୀ । ଏଥିସହିତ ଗଞ୍ଜାମ ଜିଲାର ଗୋପାଳପୁର ବେଳାଭୁମି ଚତୁର୍ଥ ସଫା ବେଳାଭୂମି ମାନ୍ୟତା...

ଆଜି ରାଜ୍ୟରେ ୧୪୯୪ ପଜିଟିଭ୍‌ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୬ା୧୧(ବ୍ୟୁରୋ): ଶୁକ୍ରବାର ୩୦ ଜିଲାରୁ ୧୪୯୪ ନୂଆ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୨,୯୮,୭୬୮ରେ ପହଞ୍ଚିଥିବା ରାଜ୍ୟ ସୂଚନା...

ଆଜି ରାଜ୍ୟରୁ ୭୦୦୨ କରୋନା ଆକ୍ରାନ୍ତ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୬।୬(ବ୍ୟୁରୋ): ରାଜ୍ୟରେ କରୋନା ସଂକ୍ରମଣ ଏହି କିଛିଦିନ ହେବ କମିବାରେ ଲାଗିଛି। ତେବେ ରବିବାର ରାଜ୍ୟରୁ ୭,୦୦୨ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ...

ସଙ୍ଗୀତ ନିର୍ଦ୍ଦେଶକ ଜାପାନୀଙ୍କୁ ଧମକ

ଭୁବନେଶ୍ୱର, ୨୧।୫(ବ୍ୟୁରୋ): ସଙ୍ଗୀତ ନିର୍ଦ୍ଦେଶକ ଜାପାନୀଙ୍କ ନାଁରେ ଆସିଛି ଧମକପୂର୍ଣ୍ଣ କଲ୍‌। କଟକ ଆସିଲେ ମାରିଦେବି। କଲ୍‌ କରୁଥିବା ବ୍ୟକ୍ତିଜଣକ ଏଭଳି ଅନେକ ଧମକପୂର୍ଣ୍ଣ କଥା...

ଅତିରିକ୍ତ ବଜେଟ ପାଇଁ ଚାଲିଛି ପ୍ରସ୍ତୁତି: ଆଜି ସବୁ ବିଭାଗ ପକ୍ଷରୁ ଖର୍ଚ୍ଚ ଦାବି ପ୍ରସ୍ତାବ ଦେବାର ଶେଷ ଦିବସ

ଭୁବନେଶ୍ୱର, ୨୨ା୧୦(ବ୍ୟୁରୋ): ଓଡ଼ିଶା ବିଧାନସଭାର ଶୀତଅଧିବେଶନ ଆସନ୍ତା ନଭେମ୍ବର ମାସ ଅଧାରେ ହେବ ବୋଲି ଜଣାପଡିଛି। ଏହି ଅଧିବେଶନ କାଳରେ ରାଜ୍ୟ ସରକାର ଅତିରିକ୍ତ ଖର୍ଚ୍ଚ...

ଆଜି କିଶୋରନଗର, ତାଳଚେରରେ ଭୋଟ

ବଇଣ୍ଡା/ ତାଳଚେର,୨୨୨(ଡି.ଏନ.ଏ.) ତ୍ରିସ୍ତରୀୟ ପଞ୍ଚାୟତ ନିର୍ବାଚନର ୪ର୍ଥ ପର୍ଯ୍ୟାୟ ଭୋଟ ଗ୍ରହଣ ୨୨ ତାରିଖ ମଙ୍ଗଳବାର ଅନୁଗୋଳ ଜିଲାର କିଶୋରନଗର ଓ ତାଳଚେର ବ୍ଲକରେ ଅନୁଷ୍ଠିତ...

୨୦୨୧ ମାର୍ଚ୍ଚରେ ସରିବ ଓଡ଼ିଶା ଜନଗଣନା

ଭୁବନେଶ୍ୱର, ୬ା୭ (ବ୍ୟୁରୋ): ଓଡ଼ିଶାରେ ଜନଗଣନା ୨୦୨୧ ପାଇଁ ପ୍ରଶାସନିକ ପ୍ରସ୍ତୁତି ଆରମ୍ଭ ହୋଇଛି। ଏଥିପାଇଁ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢ଼ୀଙ୍କ ଅଧ୍ୟକ୍ଷତାରେ...

ଅଣନିଃଶ୍ୱାସୀ କରୁଛି ଆବର୍ଜନା ବୋଝ

ପୁରୀ ଅଫିସ, ୫ା୬: ବାତ୍ୟା ‘ଫନୀ’ ପରେ ବିଗିଡ଼ିଛି ପୁରୀ ଜିଲାର ପରିମଳ ବ୍ୟବସ୍ଥା। ଜଳ, ବାୟୁ ପ୍ରଦୂଷଣ ମାତ୍ରା ବୃଦ୍ଧି ପାଇଛି। ଆବର୍ଜନା ବୋଝରେ...

Advertisement
Archives

Model This Week