କୋଣାର୍କ,୨୯ା୧୨(ଡି.ଏନ.ଏ)- ବିଶ୍ୱ ଐତିହ୍ୟ କୋଣାର୍କ ସୂର୍ଯ୍ୟମନ୍ଦିର ପରିଦର୍ଶନରେ ଶନିବାର ଅପରାହ୍ନ ୩ଟାରେ ବିହାରର ରାଜ୍ୟପାଳ ଫଗୁ ଚୌହାନ ଆସିଛନ୍ତି। ପ୍ରଥମେ କୋଣାର୍କସ୍ଥିତ ଇଣ୍ଡିଆନ ଅଏଲ ଫାଉଣ୍ଡେଶନ ଦ୍ୱାରା ନିର୍ମିତ ବ୍ୟାଖ୍ୟାନ କେନ୍ଦ୍ର ସମ୍ମୁଖରେ ରାଜ୍ୟପାଳ ଚୌହାନ ପହଞ୍ଚତ୍ବା ପରେ କୋଣାର୍କ ପର୍ଯ୍ୟଟନ ଅଧିକାରୀ ସରୋଜକାନ୍ତ ପ୍ରଧାନ, ଏଏସ୍ଆଇ ଭୁବନେଶ୍ୱର ମଣ୍ଡଳ ସହାୟକ ପୁରାତତ୍ୱବିଦ୍ ବୈଭବ ଶ୍ରୀବାସ୍ତବ ଓ ପୁରୀ ଅତିରିକ୍ତ ଏସପି ପ୍ରତାପ କୁମାର ସ୍ବାଇଁ ପ୍ରମୁଖ ତାଙ୍କୁ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ। ପରେ ସେ ଓ ତାଙ୍କ ଭାଇ ଏସ.କେ ଚୌହାନଙ୍କୁ ସୂର୍ଯ୍ୟମନ୍ଦିର ପରିସରକୁ ପାଛୋଟି ନେଇଥିଲେ। ସୂର୍ଯ୍ୟମନ୍ଦିରର ଐତିହ୍ୟ, କଳା, ସଂସ୍କୃତି ଓ ଇତିହାସ ସମ୍ପର୍କରେ ତାଙ୍କୁ ଏଏସ୍ଆଇ ଭୁବନେଶ୍ୱର ମଣ୍ଡଳର ସହାୟକ ପୁରାତତ୍ୱବିଦ୍ ବୈଭବ ଶ୍ରୀବାସ୍ତବ ଅବଗତ କରାଇଥିଲେ। ଏହି ପରିପ୍ରେକ୍ଷୀରେ ରାଜ୍ୟପାଳ ଚୌହାନ ସୂର୍ଯ୍ୟମନ୍ଦିର ପରିଦର୍ଶନ କରିବା ବେଳର ଅନୁଭୂତିକୁ ଏଏସଆଇ ପଦିଦର୍ଶନ ରେଜିଷ୍ଟରରେ ଲିଖିତ ଭାବେ ଲିପିବଦ୍ଧ କରିଥିଲେ। ରାଜ୍ୟପାଳଙ୍କ ଚୌହାନଙ୍କ ଗସ୍ତ ସମୟରେ ନିମାପଡା ଏସଡିପିଓ ପ୍ରତାପ କୁମାର ଦଳାଇ ଓ କୋଣାର୍କ ଏଏସଆଇ ସଂରକ୍ଷଣ ସହାୟକ ନିରୋଜ ସିଂ ପ୍ରମୁଖ ଉପସ୍ଥିତ ଥିଲେ। ଏହି ଗସ୍ତ ସମୟରେ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିଲା।
