ପାଟନା,୭।୩: ବିହାର ବିଧାନସଭା ନିର୍ବାଚନ ପାଇଁ ସମୟ ବାକିଥିବା ବେଳେ ଏବେଠାରୁ ରାଜନୀତି ହେଲାଣି ସରଗରମ। ବିଭିନ୍ନ ରାଜନୈତିକ ଦଳ ପରସ୍ପର ମଧ୍ୟରେ କଥା କଟାକଟି ଆରମ୍ଭ କରି ଦେଇଥିବା ବେଳେ ଏବେ ଏଠି ପୋଷ୍ଟର ଓ୍ବାର ମଧ୍ୟ ଆରମ୍ଭ ହୋଇଗଲାଣି। ବିହାରର ଶାସକ ଦଳ ଜନତା ଦଳ ୟୁନାଇଟେଡ(ଜେଡିୟୁ) ପୋଷ୍ଟର ମାଧ୍ୟମରେ ବିରୋଧୀ ରାଷ୍ଟ୍ରୀୟ ଜନତା ଦଳ(ଆର୍ଜେଡି)କୁ ଟାର୍ଗେଟ କରିଛି। ଶୁକ୍ରବାର ରାଜ୍ୟକୁ ସ୍ବତନ୍ତ୍ର ରାଜ୍ୟ ମାନ୍ୟତା ଦାବି କରି ଆର୍ଜେଡି ରାଜଧାନୀ ପାଟନାରେ ପୋଷ୍ଟର ଲଗାଇଥିବା ବେଳେ ଶନିବାର ଏହାର ଜବାବରେ ଜେଡିୟୁ ପୋଷ୍ଟର ଲଗାଇଥିବା ଦେଖାଯାଇଛି। ଏହି ପୋଷ୍ଟରରେ ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ଆର୍ଜେଡି ସୁପ୍ରିମୋ ଲାଲୁ ଯାଦବଙ୍କୁ ଟାର୍ଗେଟ କରାଯାଇଛି। ଉକ୍ତ ପୋଷ୍ଟରରେ ଲାଲୁଙ୍କ ସମେତ ଆଉ ୨ ଜଣ ନେତାଙ୍କ ଫଟୋ ଉପରେ ଲେଖାଯାଇଛି, ପରିବାର ମାଗୁଛି ବିଶେଷ କଏଦୀର ସଜା। ଏହାକୁ ଦେଖିଲେ ସ୍ପଷ୍ଟ ହେଉଛି ଯେ ଏଥିରେ ସିଧାସଳଖ ଲାଲୁଙ୍କୁ ଟାର୍ଗେଟ କରାଯାଇଛି।
