ବିଦେଶରୁ ଫେରିବେ ୨ ଲକ୍ଷ ଭାରତୀୟ

ନୂଆଦିଲ୍ଲୀ,୬ା୫: କରୋନା ଭାଇରସ୍‌ ସାରା ବିଶ୍ୱରେ ତାଣ୍ଡବ ରଚିଛି। ଏହାର ମୁକାବିଲା ପାଇଁ ବିଭିନ୍ନ ଦେଶରେ ଜାରି ଲକ୍‌ଡାଉନ୍‌ ଯୋଗୁ ଲକ୍ଷ ଲକ୍ଷ ଭାରତୀୟ ଫସିରହିଛନ୍ତି। ତେଣୁ ବିଦେଶରେ ଫସିଥିବା ପ୍ରାୟ ୨ ଲକ୍ଷ ଭାରତୀୟଙ୍କୁ ସ୍ବତନ୍ତ୍ର ବିମାନରେ ସ୍ବଦେଶକୁ ଫେରାଇ ଆଣିବା ପାଇଁ କେନ୍ଦ୍ର ସରକାର ଉଦ୍ୟମ ଆରମ୍ଭ କରିଛନ୍ତି। ଆସନ୍ତା ୭ରୁ ୧୩ ତାରିଖ ମଧ୍ୟରେ ୬୪ଟି ସ୍ବତନ୍ତ୍ର ବିମାନରେ ସେମାନଙ୍କୁ ଅଣାଯିବ ବୋଲି ମଙ୍ଗଳବାର ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀ ସୂଚନା ଦେଇଛନ୍ତି। ଲଣ୍ଡନରୁ ଫେରିବାକୁ ଥିବା ଯାତ୍ରୀଙ୍କୁ ବିମାନ ଯାତ୍ରା ପାଇଁ ୫୦,୦୦୦ ଟଙ୍କା ଦେବାକୁ ପଡ଼ିବ। ସେହିପରି ଆମେରିକାରୁ ୧ ଲକ୍ଷ ଓ ଦୁବାଇରୁ ଫେରିବାକୁ ଥିବା ଭାରତୀୟଙ୍କୁ ଟିକେଟ ବାବଦକୁ ୧୩,୦୦୦ ଟଙ୍କା ଦେବାକୁ ପଡ଼ିବ। ବିଦେଶରେ ଫସିଥିବା ଭାରତୀୟଙ୍କ ପ୍ରତ୍ୟାବର୍ତ୍ତନ ପାଇଁ ଏହାକୁ କେନ୍ଦ୍ର ସରକାରଙ୍କ ସବୁଠୁ ବଡ଼ ପ୍ରସ୍ତୁତି ବୋଲି କୁହାଯାଉଛି।
କେନ୍ଦ୍ରମନ୍ତ୍ରୀ ହରଦୀପ ସିଂ ପୁରୀ ଭିଡିଓ କନ୍‌ଫରେନ୍ସିଂ ଜରିଆରେ ଏକ ଖବରଦାତା ସମ୍ମିଳନୀକୁ ସମ୍ବୋଧିତ କରି କହିଛନ୍ତି, ବିଦେଶରେ କେତେ ଭାରତୀୟ ଫସିରହିଛନ୍ତି ସେନେଇ ନିର୍ଦ୍ଦିଷ୍ଟ ଭାବେ କହିହେଉ ନାହିଁ। ତେବେ ସରକାରଙ୍କ ପ୍ରାରମ୍ଭିକ ଆକଳନ ଅନୁସାରେ ଏହି ସଂଖ୍ୟା ୨ ଲକ୍ଷରୁ ଊର୍ଦ୍ଧ୍ୱ। ଏହି ପ୍ରୟାସ ସହ ଅନ୍ୟ ରାଜ୍ୟ ଓ ମନ୍ତ୍ରଣାଳୟଗୁଡ଼ିକର ସମ୍ପୃକ୍ତି ପରେ ଫେରିବାକୁ ଥିବା ଭାରତୀୟଙ୍କ ସଂଖ୍ୟା ବୃଦ୍ଧି ପାଇଛି। ଏହି ଭାରତୀୟମାନଙ୍କ ପ୍ରତ୍ୟାବର୍ତ୍ତନ ପାଇଁ ୬୪ ସ୍ବତନ୍ତ୍ର ବିମାନର ବ୍ୟବସ୍ଥା କରାଯାଇଛି। ପ୍ରଥମ ପର୍ଯ୍ୟାୟରେ ୧୪,୮୦୦ ଭାରତୀୟ ନାଗରିକ ଫେରିବେ। ପ୍ରଥମ ପର୍ଯ୍ୟାୟରେ ଭାରତରୁ ଆମେରିକା, ଫିଲିପାଇନ୍ସ, ସିଙ୍ଗାପୁର, ବାଂଲାଦେଶ, ସଂଯୁକ୍ତ ଆରବ ଏମିରେଟ୍ସ (ୟୁଏଇ), ବ୍ରିଟେନ, ସୌଦି ଆରବ, କାତାର, ଓମାନ, ବାହାରିନ୍‌ ଓ କୁଏଟ୍‌ ଭଳି ୧୩ଟି ଦେଶରୁ ଭାରତୀୟଙ୍କୁ ଅଣାଯିବ। ସର୍ବାଧିକ ୧୫ଟି ସ୍ବତନ୍ତ୍ର ବିମାନ କେରଳରୁ ଯିବ। ଦିଲ୍ଲୀ-ଜାତୀୟ ରାଜଧାନୀ ଅଞ୍ଚଳ (ଏନ୍‌ସିଆର୍‌) ଏବଂ ତାମିଲନାଡ଼ୁରୁ ୧୧ଟି ଲେଖାଏ ଚାଲିବାକୁ ଥିବାବେଳେ ମହାରାଷ୍ଟ୍ର ଓ ତେଲଙ୍ଗାନାରୁ ୭ ଏବଂ ଗୁଜରାଟରୁ ୫ ବିମାନ ଯିବ। ସେହିପରି ଜମ୍ମୁ-କଶ୍ମୀର ଓ କର୍ନାଟକରୁ ୩ଟି ଲେଖାଏ ଏବଂ ପଞ୍ଜାବ ଓ ଉତ୍ତରପ୍ରଦେଶରୁ ଗୋଟିଏ ଲେଖାଏ ବିମାନ ଚାଲିବ। ଏହି ସ୍ବତନ୍ତ୍ର ବିମାନଗୁଡ଼ିକ ଏୟାର ଇଣ୍ଡିଆ ଓ ଏହାର ସହଯୋଗୀ ଏୟାର ଇଣ୍ଡିଆ ଏକ୍ସପ୍ରେସ୍‌ ଦ୍ୱାରା ପରିଚାଳିତ।
ପ୍ରତ୍ୟେକ ବିମାନରେ ୨୦୦ରୁ ୩୦୦ ମଧ୍ୟରେ ଯାତ୍ରୀ ସାମାଜିକ ଦୂରତ୍ୱ ବଜାୟ ରଖି ଯାତ୍ରା କରିପାରିବେ। ବିମାନରେ ଚଢ଼ିବା ପୂର୍ବରୁ ଜ୍ୱର, କଫ ଓ ଡାଇବେଟିସ୍‌ କିମ୍ବା ଶ୍ୱାସଜନିତ ରୋଗ ଯାଞ୍ଚ ଲାଗି ସେମାନଙ୍କୁ ସ୍କ୍ରିନିଂ କରାଯିବ। କେବଳ କରୋନା ଲକ୍ଷଣ ନ ଥିବା ଲୋକଙ୍କୁ ଯାତ୍ରା ପାଇଁ ଅନୁମତି ମିଳିବ। ଫେରିବା ପରେ ଯାତ୍ରୀଙ୍କୁ ପୁଣି ସ୍କ୍ରିନିଂ କରାଯିବ। ସେମାନଙ୍କୁ ଘରୋଇ କିମ୍ବା ସରକାରୀ ହସ୍ପିଟାଲରେ ୧୪ ଦିନ ପାଇଁ କ୍ୱାରାଣ୍ଟାଇନ୍‌ରେ ରଖାଯିବ। କ୍ୱାରାଣ୍ଟାଇନ୍‌ ଅବଧି ମଧ୍ୟରେ ଏହି ବିଦେଶାଗତ ଭାରତୀୟମାନଙ୍କ କୋଭିଡ୍‌-୧୯ ଟେଷ୍ଟ ମଧ୍ୟ କରାଯିବ।
ଅନୁରୂପ ଭାବେ ଭାରତରେ ଫସିରହିଥିବା ଅନ୍ୟ ରାଷ୍ଟ୍ରଗୁଡ଼ିକର ନାଗରିକମାନଙ୍କୁ ମଧ୍ୟ ସରକାର ସେମାନଙ୍କ ଦେଶକୁ ଫେରାଇବା ବ୍ୟବସ୍ଥା କରିଛନ୍ତି। ଏହି ପ୍ରତ୍ୟର୍ପଣ ପ୍ରକ୍ରିୟାରେ କେତେକ ଘରୋଇ ବିମାନ ସେବା ପ୍ରଦାନକାରୀ ଏୟାରଲାଇନ୍ସକୁ ମଧ୍ୟ ସାମିଲ କରାଯିବ। ଭାରତୀୟ ନୌସେନା ପକ୍ଷରୁ ମଧ୍ୟ ତିନୋଟି ଜାହାଜ ଚାଲିବ। ପଶ୍ଚିମ ଏସିଆ ଓ ମାଳଦ୍ୱୀପରେ ଫସିଥିବା ଭାରତୀୟଙ୍କୁ ଆଣିବା ପାଇଁ ଏହି ଜାହାଜଗୁଡ଼ିକୁ ପଠାଯିବ।

ଟିକେଟ ଖର୍ଚ୍ଚ କେଉଁଠୁ କେତେ
ବିଦେଶରେ ଫସିଥିବା ଭାରତୀୟମାନେ ସ୍ବଦେଶକୁ ଫେରିବାକୁ ଚାହିଁଥିଲେ ସେମାନେ ନିଜ ଖର୍ଚ୍ଚରେ ଆସିବେ। ଯାତ୍ରୀମାନଙ୍କୁ ଲଣ୍ଡନରୁ ଦିଲ୍ଲୀ, ମୁମ୍ବାଇ କିମ୍ବା ବେଙ୍ଗାଲୁରୁକୁ ବିମାନରେ ଆସିବା ଲାଗି ଟିକେଟ ଖର୍ଚ୍ଚ ୫୦,୦୦୦ ଟଙ୍କା ଦେବାକୁ ପଡ଼ିବ। ସେହିପରି ଆମେରିକାର ନଓ୍ବୋର୍କ, ଶିକାଗୋ କିମ୍ବା ସାନ୍‌ ଫ୍ରାନ୍ସିସ୍କୋରୁ ଫେରିବାକୁ ଥିବା ଭାରତୀୟ ୧ ଲକ୍ଷ ଟଙ୍କା ଦେବେ। ଦୁବାଇ ଓ ଆବୁଧାବିରୁ ପ୍ରତ୍ୟାବର୍ତ୍ତନ ଚାହୁଁଥିବା ଭାରତୀୟ ଏହି ବାବଦକୁ ଯଥାକ୍ରମେ ୧୩,୦୦୦ ଓ ୧୫,୦୦୦ ଟଙ୍କା ଦେଇ ଟିକେଟ କାଟିବେ। ସିଙ୍ଗାପୁରରେ ଥିବା ଭାରତୀୟମାନେ ଜଣପିଛା ଯଥାକ୍ରମେ ୨୦,୦୦୦ ଓ ୧୮,୦୦୦ ଟଙ୍କା ଦେଇ ଦିଲ୍ଲୀ ଓ ବେଙ୍ଗାଲୁରୁ ଫେରିପାରିବେ। ଢାକାରୁ ଦିଲ୍ଲୀକୁ ଫେରିବାକୁ ଥିବା ସ୍ବତନ୍ତ୍ର ବିମାନର ଟିକେଟ ଖର୍ଚ୍ଚ ୧୨,୦୦୦ ଟଙ୍କା ଧାର୍ଯ୍ୟ କରାଯାଇଥିବାବେଳେ ଶ୍ରୀନଗରକୁ ଆସିବାକୁ ଚାହୁଁଥିବା ଭାରତୀୟଙ୍କୁ ଯାତ୍ରା ଖର୍ଚ୍ଚ ୧୫,୦୦୦ ଟଙ୍କା ପଡ଼ିବ। କୁଏଟ୍‌ରୁ ଅହମଦାବାଦ ଓ ହାଇଦ୍ରାବାଦକୁ ଆସିବାକୁ ଥିବା ବିମାନର ଟିକେଟ ମୂଲ୍ୟ ଯଥାକ୍ରମେ ୧୪,୦୦୦ ଓ ୨୦,୦୦୦ ଟଙ୍କା ରଖାଯାଇଛି।


Enter your email to get our daily news in your inbox.

All Right Reserved By Dharitri.Com

ସର୍ବସାଧାରଣ ସ୍ଥାନରେ ମାସ୍କ ବାଧ୍ୟତାମୂଳକ

ଥିରୁଭାନ୍ତପୁରମ୍‌,୧୬।୧: କେରଳରେ ମାସ୍କ ପିନ୍ଧିବା ବାଧ୍ୟତାମୂଳକ। ରାଜ୍ୟରେ କୋଭିଡ ସଂକ୍ରମଣ ବଢିବାର ଆଶଙ୍କା ଥିବାରୁ ସରକାର ଏହି ନିର୍ଦ୍ଦେଶାବଳୀ ଜାରି କରିଛନ୍ତି। ସମସ୍ତ ସର୍ବସାଧାରଣ ସ୍ଥାନ,...

କରୋନା ପାଇଁ ପ୍ରଶାସନର କଠୋର ପଦକ୍ଷେପ: ଗଞ୍ଜାମ ସହରକୁ ସଂଯୋଗ କରୁଥିବା ସମସ୍ତ ରାସ୍ତା ସିଲ୍‌

ଗଞ୍ଜାମ,୨।୪(ଡି.ଏନ୍‌.ଏ.): ଦେଶରେ କରୋନା ଭାଇରସ୍‌ ସଂକ୍ରମଣ ଦିନକୁ ଦିନ ବ୍ୟାପିବାରେ ଲାଗିଛି। ଏହାକୁ ରୋକିବା ପାଇଁ ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଥିବା ବେଳେ ବିଭିନ୍ନ...

କରୋନା ମୁକାବିଲା: ବୁଧବାରଠୁ ନୂଆ ହେଳ୍ପଲାଇନ ନମ୍ବର-୧୪୪୧୦, ଡାକ୍ତରଙ୍କଠାରୁ ପରାମର୍ଶ ନେବେ ରାଜ୍ୟବାସୀ

ଭୁବନେଶ୍ୱର, ୭।୪(ବ୍ୟୁରୋ)- ରାଜ୍ୟ ସରକାର କୋଭିଡ୍‌-୧୯ର ଦୃଢ଼ ମୁକାବିଲା କରିବା ନିମନ୍ତେ ଅନେକ ସକ୍ରିୟ ପଦକ୍ଷେପ ଗ୍ରହଣ କରିଛନ୍ତି। ଏହି ମହାମାରୀର ମୁକାବିଲା ଦିଗରେ ଡାକ୍ତରମାନଙ୍କର...

ଏବେ ସଦାମ ହୁସେନଙ୍କ ଭଳି ଦେଖାଯାଉଛନ୍ତି ରାହୁଲ ଗାନ୍ଧୀ: ଆସାମ ମୁଖ୍ୟମନ୍ତ୍ରୀ

ଗୁଆହାଟୀ,୨୩।୧୧: ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଏକ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାକୁ ଆସିଛନ୍ତି। କଂଗ୍ରେସ ଏମ୍‌ପି ରାହୁଲ ଗାନ୍ଧୀ ଏବେ ଇରାକର ପୂର୍ବତନ ଏକଛତ୍ରବାଦୀ...

ଅର୍ଣ୍ଣବ ଗୋସ୍ବାମୀଙ୍କୁ ମିଳିଲା ଜାମିନ

ମୁମ୍ବାଇ,୧୧।୧୧-ରିପବ୍ଲିକ ଟିଭି ମୁଖ୍ୟ ସମ୍ପାଦକ ଅର୍ଣ୍ଣବ ଗୋସ୍ବାମୀଙ୍କୁ ଜାମିନ ମିଳିଛି। ବୁଧବାର ସୁପ୍ରିମକୋର୍ଟ ତାଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି। ଫଳରେ ଅର୍ଣ୍ଣବ ୮ ଦିନ...

ଯାତ୍ରା ହେବ ସୁରକ୍ଷିତ: ଟ୍ରେନ୍‌ରେ ଲାଗିବ ବ୍ଲାକ୍‌ ବକ୍ସ୍‌

ନୂଆଦିଲ୍ଲୀ,୨୫।୭: ଟ୍ରେନ୍‌ ଯାତ୍ରାକୁ ସୁରକ୍ଷିତ କରିବା ଲାଗି ସରକାରଙ୍କ ପକ୍ଷରୁ ନୂଆ ଯୋଜନା ପ୍ରସ୍ତୁତ କରାଯାଇଛି। ଏଣିକି ପ୍ରତି ଟ୍ରେନ୍‌ରେ ବିମାନ ଭଳି ବ୍ଲାକ୍‌ ବକ୍ସ୍‌...

ବିପଦରେ ଜମ୍ମୁ-କଶ୍ମୀରର ପରିଚୟ: ଫାରୁକ୍‌

ଶ୍ରୀନଗର,୨୩।୮: ଜମ୍ମୁ-କଶ୍ମୀର ଭୋଟର ତାଲିକାରେ ବାହାର ଲୋକଙ୍କୁ ସାମିଲ କରିବା ନିଷ୍ପତ୍ତି ଗ୍ରହଣୀୟ ନୁହେଁ। ଏହାକୁ ସବୁ ପ୍ରକାରେ ବିରୋଧ କରାଯିବା ସହ କୋର୍ଟରେ ଚ୍ୟାଲେଞ୍ଜ...

ପିକେଙ୍କ ଜନ ସୁରାଜ ଯାତ୍ରା ଭାଜପା ଦ୍ୱାରା ପ୍ରାୟୋଜିତ, ଲଲନଙ୍କ ଅଭିଯୋଗ…

ପାଟନା,୩।୧୦ :ଜନତା ଦଳ ୟୁନାଇଟେଡର ରାଷ୍ଟ୍ରୀୟ ଅଧ୍ୟକ୍ଷ ରାଜୀବ ରଞ୍ଜନ ଓରଫ ଲଲନ ସିଂ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର(ପିକେ)ଙ୍କ ଜନ ସୁରାଜ ଯାତ୍ରାକୁ ଭାଜପା...

Advertisement
Archives

Model This Week